Levítico 14:10 - Bible in Tzotzil de Chenalhó with Deuterocanon

¹⁰ Ta xvaxquibal c'ac'al ac'o yich' tal cha'cotuc ch'ium chij ti bu ven lequique, xchi'uc jcot tsebal chij ti bu leque, ti jun to jabil svoq'uele, xchi'uc o'lol svucubal kilo lequil arina vots'bil ta aceite, xchi'uc jutuc mu sta o'lol litro aceite.

Bible in Tzotzil de Chamula

¹⁰ Ta xvaxaquibal c'ac'al un, ta xich' talel cha'cotuc chij ti mu'yuc jutebuc xchopolile, xchi'uc jcotuc ch'in me' chij ti mu'yuc jutebuc xchopolil ti ja' yich'oj jun jabile. Ta xich' talel xtoc o'lol yucubal kilo lequil t'ujbil harina ti vots'bil ta aceitee, xchi'uc jch'ac ta oxch'ac ti jun litro aceitee.

Levítico 14:10 Iomraidhean Croise

Éxodo 29:40

Li sba cotal ch'ium chij chavaq'uique, ac'beic chibuc kilo lequil arina capbil ta jun litro yaceiteal oliva, xchi'uc maltao ta jun litro ya'lel ts'usub.

Levítico 1:10

“Me chij, o me tentsun chaq'uic sventa chixchic'bicun jmotonine, ja' ac'o yaq'uic li stot ti bu ven leque.

Levítico 1:3

“Me vacax chaq'uic sventa chixchic'bicun jmotonine, ja' ac'o yaq'uic li stot ti bu ven leque. Ti c'u cha'al xu' chquich'beique, te ac'o tal yaq'uic ta ti'ch'ulna pasbil ta nucul ta jtojol, vu'un li Muc'ul Diosune.

Levítico 14:11

Li pale ti oy ta sventa tslecubtasvane ac'o sva'an ta jtojol li boch'o chich' lecubtasele xchi'uc li c'usi yich'oj tale. Te ac'o sva'an ta sti' ch'ulna pasbil ta nucul.

Levítico 14:12

Ac'o stsac jcotuc li ch'ium chije xchi'uc li aceite ti jutuc mu o'loluc litroe. Ja' milbil matanal ta sventa li c'unil mulil staoje. Ac'o sye'bun ta jtojol, vu'un li Muc'ul Diosune.

Levítico 14:15

Ac'o xloch' jutebuc ta sts'et c'ob li aceitee. Ac'o sts'aj jun sbic'tal sbats'ic'ob ta aceite ti te xloch'oj ta sts'et c'obe.

Levítico 14:21

“Me me'on no'ox li boch'o ip cha'ye, ac'o yic' tal jcotuc ch'ium chij sventa c'unil mulil, xchi'uc ac'o yich' ye'el ta jtojol jech jech chac c'u cha'al matanal sventa xch'ayubil smul, jech ch'aybil smul chc'ot. Ac'o yac'be xchi'ilin ech'em jutuc ta chib kilo arina ti bu ven leque, ti vots'bil ta aceitee. Xchi'uc ac'o yac' jutuc mu o'loluc litro aceite,

Levítico 2:1

“C'alal me oy boch'o chich'bun tal jmotonin li strigo xchi'uc c'usitic yan jech chac c'u cha'al trigoe, ja' ac'o yich'bun tal arina ti bu ven leque. Ac'o yac'beic aceite xchi'uc pom.

Levítico 2:11

“Li matanaletic ti co'oltic jech chac c'u cha'al trigo chavac'bicun, vu'un li Muc'ul Diosune, mu me xavac'beic svolesubil xch'ut yu'un mu xu' chachic'bicun jmotonin li c'usi yich'oj svolesubil xch'ute, xchi'uc li spom muc'ta pome.

Levítico 2:13

“Scotol li c'usitic chavac'bicun jmotonine ac'beic yats'amil. Mu me xapasic jech ti mu'yuc chavac'beic yats'amil li jmoton chavaq'uique. Yu'un li ats'ame ja' senyail li c'usi chapanbil cu'un, vu'un li Diosun avu'unique. Scotol li atrigoic chavac'bicun jmotonine ac'beic yats'amil.

Levítico 23:13

Xchi'uc ac'o yich'ic tal o'lol yo'bal kilo arina ti bu ven lec, ti vots'bil ta aceitee. Ac'o yich' chiq'uel; ja' matanal ti lec mu yic' chc'ot ta jtojol; vu'un li Muc'ul Diosune. Li c'usi tsc'an sventa chich' maltael oe, ac'o yac' jun litro ya'lel ts'usub.

Levítico 4:32

“Yan me xchij chich' tal ta sventa li smul la stae, ac'o yic' tal jcotuc sme' xchij ti bu ven leque.

Levítico 9:1

Li Moisese ta xvaxquibal c'ac'al laj yic' ta stojol li Aarón xchi'uc xnich'nabe xchi'uc li moletic yu'un xchi'iltac ta israelale.

Números 28:20

Li matanaletic le'e tsc'an chavac'beic ono'ox xchi'ilin arina vots'bil ta aceite, ja' jech chac li'i: vaquib kilo arina ta jujucot vacax, chanib kilo arina ta sventa li jcot chije,

Números 6:14

Ac'o yac' jcotuc ch'ium tot chij ti jun to jabil svoq'uele, ti bu ven leque. Ac'o yich' chiq'uel ta sventa jmoton. Xchi'uc ac'o yac' yan jcotuc ch'ium me' chij noxtoc ti bu leque, ti jun to jabil svoq'uele. Ac'o yich' milel ta sventa smul. Xchi'uc ac'o yac' jmotonin yan jcotuc chij ti bu ven leque. Ja' sventa co'ol co'nton jchi'uc.

Números 7:43

Li smoton Dios laj yaq'ue co'ol jech chac c'u cha'al laj yaq'uic li yantique.

San Mateo 8:4

Li Jesuse jech laj yalbe: —A'yo ava'ay, mu me boch'o xavalbe ya'ay. Ja' no'ox bat ac'o aba ta ilel ta stojol li palee. Bat ac'bo smoton Dios jech chac c'u cha'al yaloj ono'ox ta vo'one li Moisese, jech ta sna'ic o jchi'iltactic ti colemot xae —xut.

Marcos 1:44

—Mu me boch'o xavalbe ya'ay. Ja' no'ox bat ac'o aba ta ilel ta stojol li palee. Ac'bo smoton Dios sventa chavich' lecubtasel jech chac c'u cha'al yaloj comel ta mantaletic li Moisese. Jech ta sna'ic o ti colemot xae —xut.

San Lucas 5:14

Li Jesuse jech laj yalbe batel mantal: —Mu me boch'o xavalbe ya'ay. Ja' no'ox bat ac'o aba ta ilel ta stojol pale. Ac'bo smoton Dios sventa chavac' aba ta lecubtasel jech c'u cha'al yaloj mantal li Moisese, jech chilic o ti colemot xae —xut.

San Juan 1:29

Ta yoc'omal laj yil Juan ti te ta xtal Jesús yo' bu oye, jech laj yal: “Q'uelavilic, le' xa xtal li ch'ium chij yu'un Dios ti chch'aybe smul scotol cristianoetic ta banamile.

San Juan 6:33

Li vaj yu'un Diose ja' li boch'o te liquem tal ta vinajele. Ja' tal yac'be xcuxlejal cristianoetic li' ta banamil —xut.

San Juan 6:51

Vu'un li vajun sventa cuxlejal ti te liquem tal ta vinajele. Li boch'o ta sve' li vaj le'e, cuxul o ta sbatel osil. Li vaj ti vu'un ta xcaq'ue ja' li jbec'tale. Yu'un jbec'tal jtuc ta xcac' sventa ac'o sta xcuxlejal li cristianoetic li' ta banamile —xi li Jesuse.

1 Pedro 1:19

Ja' la smanoxuc o ta xch'ul ch'ich'al li Jesucristoe, yu'un ja' laj yich' milel ta jcojtic jech chac c'u cha'al ch'ium chij laj yich' milel, ti toj leque, ti mu'yuc bu chopole.