Levítico 13:5 - Bible in Tzotzil de Chenalhó with Deuterocanon

⁵ Ta svucubal c'ac'al ac'o sq'uel yan velta. Pero me te no'ox bisil o jech chac c'u cha'al ono'oxe, me mu'yuc yantic ch-epaj batel ta snuculile, te to ac'o smac ta na yan vucubuc c'ac'al noxtoc.

Bible in Tzotzil de Chamula

⁵ C'alal mi laj sta ti yucubal c'ac'al une, yan to velta ta sq'uel c'u s'elan. Mi staoj yav ti syayijemale, ti mu'yuc tanijem batel ta snuculile, yan to velta mu xac' loc'uc batel vucub c'ac'al.

Levítico 13:5 Iomraidhean Croise

Éxodo 29:30

C'alal me ja' xa'ox ochem ta xq'uexol smomnich'on li Aarone, ac'o slap ochel li c'u'il c'alal ch-och spas yabtel ta ch'ulna pasbil ta nucule. Vucub c'ac'al te ac'o slap.

Levítico 13:4

“Me ja' no'ox sacleban li snuculile, me mu'yuc c'a'em ochele, xchi'uc me mu'yuc sacuben li stsotsile, li palee ac'o smac ta na vucubuc c'ac'al.

Levítico 13:6

Ta svucubal c'ac'al ac'o xcha'q'uel yan velta. Pero me te xa c'unc'un ta xch'ay batel, xchi'uc me muc yanticuc ch-epaj batele, li palee ac'o yal ti lec xa chcom li boch'o ip cha'ye yu'un ja' no'ox bic'tal chinetic te ich'i. Li boch'o ip cha'ye ac'o xchuc' lec sc'u', jech stac' xa chi'inel.

Levítico 14:8

“Li boch'o chich' lecubtasele, ac'o xchuc' lec sc'u'. Ac'o xjux scotol stsotsil sbec'tal xchi'uc sjol; ac'o atinuc lec, jech lecuben xa chcom o. Jech xu' xa ch-och batel te yo' bu apasoj acarpanaique, pero vucub c'ac'al te no'ox ac'o oyuc ta osilaltic. Mu to xu' ch-och ta scarpana.