Levítico 13:25 - Bible in Tzotzil de Chenalhó with Deuterocanon

²⁵ ac'o sq'uel lec li palee. Me sacuben stsotsil xchi'uc me ch'opch'op ochel jutuc li snuculile, ja' xa c'a'el chamel chlic ti bu c'aq'ueme. Ta sventa ti ja' xa ip cha'ay c'a'el chamele, li palee ac'o yal ti mu stac' chi'inele.

Bible in Tzotzil de Chamula

²⁵ jech ti pale une ta stuc'ulan lec. Mi sacuneb xa ti stsotsil ti bu ta xcuy batele, mi yantic xa xac' xch'enal ti scuyemale, ja' joybij ta c'a'emal ti sc'aq'uemale. Ja' yu'un un, ti palee ta xal ti mu xa stac' nopel ti ta scoj ti tsacbil ta c'a'emal ti buch'ue.

Levítico 13:25 Iomraidhean Croise

2 Reyes 5:27

Ja' yu'un li sc'a'el chamel Naamane, vo'ot chacuch o comel achi'uc anich'nab, amomnich'nabtac —x'utat. C'alal iloc' batel ta stojol yajval li Giezie, tsacbil xa ta c'a'el chamel, saclo'an xa sbec'tal jech chac c'u cha'al tayo.

Éxodo 4:6

Li' ta orae tic'o ochel ta xch'ut ac'u' li ac'obe —xi li Muc'ul Diose. Li Moisese la stic' ochel ta xch'ut sc'u' li sc'obe. C'alal la sloq'ues tale, ja' to laj yil ti tsacbil xa ta c'a'el chamele, solel saclo'an jech chac c'u cha'al tayo.

Levítico 13:24

“Jech noxtoc me oy boch'o chc'ac' ta c'oc', me saclebanic me tsojtsojtic sba, o me sac li yav bu c'aq'ueme,

Levítico 13:26

C'alal me laj yil li pale ti mu'yuc sacuben stsotsil ti bu saclebane, xchi'uc me mu'yuc ch'opch'op ochele, me ta c'unc'un ta xcol batele, li palee ac'o smac ta na vucubuc c'ac'al.

Levítico 13:4

“Me ja' no'ox sacleban li snuculile, me mu'yuc c'a'em ochele, xchi'uc me mu'yuc sacuben li stsotsile, li palee ac'o smac ta na vucubuc c'ac'al.

Números 12:10

C'alal inamaj xa'ox batel li toc te ta ti'na pasbil ta nucule, li Mariae tsacbil xa ta c'a'el chamel icom, jeche' saclo'an ibat li snuculile. C'alal ijoyij li Aarone, ja' to laj yil ti tsacbil xa ta c'a'el chamel li Mariae.