Levítico 13:2 - Bible in Tzotzil de Chenalhó with Deuterocanon

² “Me oy boch'o ip cha'ay sital chamele, me chinetic, o me saclebtic sba snuculilic, o me c'a'al chin ti xu' chc'ot ta tsatsal chamele, ac'o bat yac' sba ta q'uelel ta stojol li pale Aarone, o me ja' ta stojol li yantic paleetic ti ja' xnich'nab li Aarone.

Bible in Tzotzil de Chamula

² “C'alal ta xvinaj mi oy buch'u situneb ti sbec'tale, ti oy c'usi ta xt'om talele, ti oy c'usi le'bajtic ta xch'i talel ta snuculile, ti co'ol s'elan syayijemal ti c'a'emale, ac'o yiq'uic batel ta stojol ti pale Aarone. Mi mo'oje, ac'o yiq'uic batel ta stojolal junuc snitilul ti ja' paleetique.

Levítico 13:2 Iomraidhean Croise

2 Samuel 3:29

Ac'o comuc ta sba xchi'uc yalab xnich'nab li Joabe. Ac'o tsacaticuc scotolic ta loc'ch'ich'ajel, ta c'a'el chamel, ta coxo, ta milel, ta vi'nal”, xi.

2 Reyes 5:1

Oy jun vinic Naamán sbi; ja' banquilal soldado yu'un ajvalil ta Siria. Toj lec ich'bil ta muc', lec ch-ilat yu'un li ajvalile, yu'un ja' ta sventa ti icoltaatic yu'un Muc'ul Dios ta tsalvanej ta pleito li siriaetique. Pero li Naamane tsacbil ta c'a'el chamel.

2 Reyes 5:27

Ja' yu'un li sc'a'el chamel Naamane, vo'ot chacuch o comel achi'uc anich'nab, amomnich'nabtac —x'utat. C'alal iloc' batel ta stojol yajval li Giezie, tsacbil xa ta c'a'el chamel, saclo'an xa sbec'tal jech chac c'u cha'al tayo.

Isaías 1:6

Xlic ta yut avacanic c'alal to ta ajolic, me jutuc mu'yuc xa bu lec; tuch'emic, situbenic, chc'a'an xa, mu'yuc poxtabil, mu'yuc pixbil, mu'yuc bu c'unibtasbil jutuc ta aceite.

Isaías 3:17

ta jtulesbe ta chin li stsotsil sjolique; jeche' xa t'ajt'aj sjolic chcomic cu'un”, xi.

Levítico 13:1

Li Muc'ul Diose la sc'opan li Moisés xchi'uc Aarone, jech laj yalbe:

Levítico 13:3

Li palee ac'o sq'uel lec c'u x'elan li c'a'al chin ta sbec'tale. Me sacuben li stsotsil yo' bu c'a'eme, xchi'uc me ch'opajtic xa ochel li sc'a'emale, yu'un xa ja' li c'a'el chamele. C'alal me laj yotquin lec ti ja' c'a'el chamele, ac'o yalbe ti mu xa stac' chi'inele.

Levítico 13:8

C'alal me laj yil pale ti yantic no'ox ta xpuc batel ta scotol sbec'tal li boch'o ipe, ac'o yalbe ti mu xa stac' chi'inele yu'un xa ja' tsacbil o ta c'a'el chamel.

Levítico 14:3

Li pale ac'o yic' loq'uel ta spat to ti bu apasoj acarpanaique yu'un ja' te ac'o sq'uel lec. Me laj yil ti colem xa li sc'a'el chamele,

Levítico 14:35

Li boch'o jech chc'ot ta pasel ta snae, ac'o bat yalbe ya'ay li palee. Jech ac'o yalbe: ‘Ja' c'a'el chamel yilel ti te xa chvinaj ta jnae’, ac'o yut c'otel.

Levítico 14:56

xchi'uc ta sventa sital, ta sventa chinetic, xchi'uc ta sventa c'usitic lebajtic chlic ta jnuculiltique.

Malaquías 2:7

Yu'un li boch'o la jtiq'uic ta paleale ja' yabtel ac'o yalic, ac'o loc'uc ta yeic li bijubtasele, xchi'uc ac'o xchanubtasic ta xch'unel jmantal li xchi'iltaquique, yu'un ja' cajtuneltac, vu'un li Muc'ul Diosun ti ta jpas ta mantal scotol te ta vinajele.

Números 12:10

C'alal inamaj xa'ox batel li toc te ta ti'na pasbil ta nucule, li Mariae tsacbil xa ta c'a'el chamel icom, jeche' saclo'an ibat li snuculile. C'alal ijoyij li Aarone, ja' to laj yil ti tsacbil xa ta c'a'el chamel li Mariae.

Números 12:12

Mu me xavac' ti jech chcom o snuculil li María jech chac c'u cha'al snuculil olol ti c'a'emtic xa sba chvoc' c'alal te chcham ta yut ch'utile”, xi.

San Mateo 8:4

Li Jesuse jech laj yalbe: —A'yo ava'ay, mu me boch'o xavalbe ya'ay. Ja' no'ox bat ac'o aba ta ilel ta stojol li palee. Bat ac'bo smoton Dios jech chac c'u cha'al yaloj ono'ox ta vo'one li Moisese, jech ta sna'ic o jchi'iltactic ti colemot xae —xut.

Marcos 1:44

—Mu me boch'o xavalbe ya'ay. Ja' no'ox bat ac'o aba ta ilel ta stojol li palee. Ac'bo smoton Dios sventa chavich' lecubtasel jech chac c'u cha'al yaloj comel ta mantaletic li Moisese. Jech ta sna'ic o ti colemot xae —xut.

San Lucas 17:14

C'alal laj yil li Jesuse, jech laj yalbe: —Batanic, bat ac'o abaic ta ilel ta stojol li paleetique —xut. C'alal ja'o chanovic batele, icol scotolic.

San Lucas 5:14

Li Jesuse jech laj yalbe batel mantal: —Mu me boch'o xavalbe ya'ay. Ja' no'ox bat ac'o aba ta ilel ta stojol pale. Ac'bo smoton Dios sventa chavac' aba ta lecubtasel jech c'u cha'al yaloj mantal li Moisese, jech chilic o ti colemot xae —xut.

Deuteronomio 24:8

“Me oy boch'o chtaat ta c'a'el chamel avu'unique, junuc me avo'ntonic ch'unic scotol c'usitic chayalboxuc li pale levietique. Tsc'an chapasic scotol jech chac c'u cha'al calojbeic ono'ox ya'yic li paleetic avu'unique.

Deuteronomio 28:27

“Li Muc'ul Diose ta xac' avich' avocolic ta epal c'a'el chameletic jech chac c'u cha'al ic'ot ta pasel ta stojol li egiptoetique. Xchi'uc chastaoxuc ep ch'ieletic, ch'inin, tan-se'p xchi'uc spintoal ti mu stac' poxtael oe.