Levítico 12:6 - Bible in Tzotzil de Chenalhó with Deuterocanon

⁶ “C'alal me its'aqui ti c'u yepal c'ac'al albil chac' sba ta lecubtasele, me querem me tseb ivoc' yu'une, ac'o yic' batel jcotuc ch'ium chij te ta sti' scoralil ch'ulna pasbil ta nucul. Li chij chic' batele, ja' ti bu jun to jabil svoq'uele, yu'un ja' sventa chich' chiq'uel ta jmoton. Xchi'uc ac'o yic' batel jcotuc stsumut, o me jcot puruvoc stsu sventa chich' milel ta sventa smul; ja' ac'o yac'be li palee.

Bible in Tzotzil de Chamula

⁶ “C'alal ta sta sc'ac'alil ti c'u sjalil ta xchabi sbae, c'usiuc no'ox ololal, mi querem, mi tseb, jech ti me'ile, ac'o yic' batel jcotuc tot chij ti yich'oj jun jabil ta ochebal sti' ti Axibalna ti bu nupel ta bee yo' jech ta xich' chiq'uel. Jech xtoc, ac'o yic' batel jcotuc paloma, mi mo'oje, ja'uc jc'otuc tortola ti ta xich' svocol ta sventa xch'ayobil ti mulil colo'ile ti ta xac'be ta yoc ta sc'ob ti palee.

Levítico 12:6 Iomraidhean Croise

Génesis 15:9

Itac'ov li Muc'ul Diose: —Ich'bun tal jcotuc biq'uit me' vacax, xchi'uc jcot tentsun, xchi'uc jcot chij ti yich'oj oxib jabil jujucote, xchi'uc jcot puruvoc stsu, xchi'uc jcot stsumut —x'utat.

Levítico 12:2

“Jech xavalbe ya'yic li achi'iltac ta israelale: C'alal me oy xch'ut jun antse, me querem ivoc' yu'une, vucub c'ac'al mu'yuc lec chcom, co'ol jech chac c'u cha'al ti c'alal chil jujun ue.

Levítico 12:5

Yan me unin tseb ivoc' yu'une, chib xemuna mu'yuc lec chcom jech chac c'u cha'al chopol chcom c'alal chil ono'ox xchamele. Xchi'uc ac'o yaq'uilan sba ta lecubtasel vaquib xchanvinic (66) c'ac'al ta sventa ti iloc' xch'ich'ale.

Levítico 12:7

Li palee ac'o yac'bun ta jtojol; jech ch'aybil smul chc'ot yu'un li antse, jech lecubtasbil chcom o”, xi li Muc'ul Diose. Ja' jech jmantal chcom ta sventa c'alal me oy chvoc' queremetic, o me tsebetique.

Levítico 14:22

xchi'uc cha'cot puruvoc stsu, o me cha'cot stsumut, ja' ti c'u x'elan xu' yu'une. Li jcote ja' milbil matanal ta sventa smul; yan li jcote ja' chic'bil matanal chc'ot.

Levítico 15:14

Ta xvaxquibal c'ac'al ac'o yich' tal cha'cotuc puruvoc stsu, o me cha'cot stsumut te ta sti' ch'ulna pasbil ta nucul. Ac'o tal yac'be pale te ta jtojol, vu'un li Muc'ul Diosune.

Levítico 15:29

Ta xvaxquibal c'ac'al ac'o yic' tal cha'cotuc puruvoc stsu, o me cha'cot stsumut. Ac'o c'ot yac'be li pale te ta ti'ch'ulna pasbil ta nucule.

Números 6:10

Ta xvaxquibal c'ac'al ac'o yic' batel cha'cotuc puruvoc stsu, o me cha'cot stsumut, ac'o c'ot yac'be li pale te ta ti'ch'ulna pasbil ta nucule.

San Lucas 2:22

C'alal its'aqui yu'unic ti c'u yepal c'ac'al tsc'an chich'ic lecubtasel jech chac c'u cha'al ts'ibabil ta mantaletic yu'un Moisese, laj yiq'uic batel ta Jerusalén li Jesuse, bat yaq'uic ta stojol Dios.

San Juan 1:29

Ta yoc'omal laj yil Juan ti te ta xtal Jesús yo' bu oye, jech laj yal: “Q'uelavilic, le' xa xtal li ch'ium chij yu'un Dios ti chch'aybe smul scotol cristianoetic ta banamile.

2 Corintios 5:21

Yu'un li boch'o mu xotquin mulile jpasmulil ic'ot ta jcojtic, yu'un jech vu'utic mu'yuc jmultic lijc'ot, tuc' xa co'ntontic chijyilutic li Diose.

Hebreos 7:26

Yu'un li Banquilal Pale cu'untique lec jbalintic. Yu'un tuc' yo'nton, mu'yuc smul, me jutuc mu'yuc yic'ubal; mu co'oluc jech chac c'u cha'al vu'utic ti jpasmulilutique, xchi'uc x'ech' to smuc'ul ic'ot jech chac c'u cha'al li vinajele.