Levítico 11:47 - Bible in Tzotzil de Chenalhó with Deuterocanon

⁴⁷ Yu'un jech chana'ic bu lec xchi'uc li bu chopole, xchi'uc jech chana'ic li c'usitic chonbolomal xu' chati'ique xchi'uc li c'usitic mu xu' chati'ique.

Bible in Tzotzil de Chamula

⁴⁷ yo' jech ta xana'ic st'ujel ti bu mu xac'boxuc avocolique, xchi'uc ti bu xu' ta xac'boxuc avocolique, xchi'uc ti bu jtosucal ti chon bolometic ti stac' ti'ele, xchi'uc ti bu albil mu stac' ti'ele.

Levítico 11:47 Iomraidhean Croise

Génesis 7:2

Scotol li chonbolometic ti lequic ta ti'ele tic'o ochel vuccot stot xchi'uc vuccot sme'. Yan ti bu mu stac' ti'ele, jcot stot jcot sme' no'ox xatic' ochel.

Ezequiel 22:26

Li paleetic avu'une laj xa soquesic li jmantale; laj xa sbolibtasic li ch'ulna cu'une. Li c'usi ts'u'iltasbil, xchi'uc li c'usi muc ts'u'iltasbiluque co'ol no'ox sc'oplal laj ya'yic; mu'yuc laj yaq'uic ta ilel ti bu lecubtasbil xchi'uc ti bu mu'yuc lecubtasbile. Mu'yuc tsots sc'oplal laj ya'yic li sc'ac'alil cuxub o'ntonale, jech isoc batel jc'oplal yu'unic.

Ezequiel 44:23

“Li paleetique ac'o xchanubtasic achi'iltaquic ta yotquinel li c'usi ts'u'iltasbil xchi'uc li c'usi muc ts'u'iltasbiluque, xchi'uc li c'usi lecubtasbil xchi'uc li c'usi mu'yuc lecubtasbile.

Daniel 1:8

Pero li Daniele ic'ot ta yo'nton ti mu xu' ta soques sba ta scoj li sve'el yuch'um ajvalile, jech lic yalbe banquilal j'abtel yu'un ajvalil ti mu me sujatic ta sve'el ta yuch'ele, yu'un jech mu sbolibtas sbaic.

Levítico 10:10

Yu'un jech xu' avu'un chavotquinic c'usitic tuc', c'usi muc tuc'uc, c'usitic lec, xchi'uc c'usitic chopol.

Levítico 11:46

“Li'i ja' chanubtasel ta sventa scotol li chonbolometic ti xvilet chanovique, ti ta nab oyique xchi'uc scotol li c'usitic xquilet ta banamil chanovique.

Levítico 12:1

Li Muc'ul Diose la sc'opan yan velta li Moisese, jech laj yalbe:

Malaquías 3:18

Jech chlic avotquinic ti mu co'oluc chquil li boch'otic lec, xchi'uc li boch'otic chopolique; xchi'uc ti mu co'oluc chquil li boch'otic yich'ojicun ta muc' xchi'uc li boch'otic mu'yuc yich'ojicun ta muq'ue”, xi.