Levítico 11:40 - Bible in Tzotzil de Chenalhó with Deuterocanon

⁴⁰ Me oy boch'o la sti' li c'usi jech no'ox chcham stuque, ac'o xchuc' lec sc'u', pero chopol chcom o c'alal to ch-och ac'ubal. Jech noxtoc li boch'o chbat xch'ay li c'usi chamene, ac'o xchuc' lec sc'u', pero chopol chcom o c'alal to ch-och ac'ubal.

Bible in Tzotzil de Chamula

⁴⁰ Ti buch'u ta sti'be sbec'tal ti chamem chon taje, tsots sc'oplal ac'o xchuc' sc'u', yu'un ta smalil to c'ac'al ta xlaj yip ti staoj svocol ta soquesel sba xchi'uque. Ti buch'u ta xchech loq'uel ti chamem chon taje, tsots sc'oplal ac'o xchuc' ti sc'u'e, yu'un ta smalil to c'ac'al ta xlaj yip ti staoj svocol ta soquesel sba xchi'uque.

Levítico 11:40 Iomraidhean Croise

Éxodo 22:31

“Li vo'oxuque tsc'an ch'ul vinic chapas abaic ta jtojol. “Mu me xati'beic scomelal sbec'tal ats'unub avovolic ti lajem xa ta ti'el yu'un jti'val chonbolometique; ac'beic sti' ts'i'etic.

Isaías 1:16

Poco abaic, atinanic lec; loq'uesic scotol li achopolilic ta jtojole; comtsanic li c'usitic chopole.

Ezequiel 36:25

Ta jvijoxuc ta lequil vo', jech lec sac chacomic. Ta jpocboxuc loq'uel scotol li avic'ubalic ti toj chopole, xchi'uc ta jipboxuc loq'uel ta avo'ntonic li sloc'obaltac adiosique.

Ezequiel 4:14

Jech la jtac'be: “Ay, Cajval Muc'ul Dios, li vu'une mu'yuc baq'uin jsoquesoj jba. Ta jbic'tal ono'ox mu baq'uin jti' c'usi chamen, xchi'uc c'usi milbil ta chonbolom. Mu'yuc baq'uin jtic' ta que li c'usi mu stac' ti'ele”, xcut.

Ezequiel 44:31

Li paleetique mu xu' tsti'ic li c'usi chamene xchi'uc li c'usi milbil ta chonbolome, ac'o me mutetic, o me chonbolometic.

Levítico 11:25

“Me oy boch'o ta stsac jcotuc li chamen chon le'e ac'o xchuc' sc'u', pero te chopol chcom o c'alal to ch-och ac'ubal.

Levítico 11:28

Jech noxtoc me oy boch'o ta xich'be batel sbec'tal ti chamen xae ac'o xchuc' sc'u', pero chopol chcom o c'alal to ch-och ac'ubal, yu'un li chonbolometic le'e mu xu' chati'ic.

Levítico 11:39

“Me oy chcham jcotuc chonbolometic ti stac' ti'ele, me oy boch'o la spique, chopol chcom noxtoc c'alal to ch-och ac'ubal.

Levítico 14:46

Li boch'o ta x'och ta yut na ti c'alal yaloj mantal pale ti macal o vucub c'ac'ale, chopol xa chcom o c'alal to ch-och ac'ubal.

Levítico 15:15

Li palee ac'o smil jcotuc ta sventa mulil; li yan jcote ac'o yac' ta sventa chic'bil matanal. Ja' jech tsc'an pasel ta jtojol sventa chich' lecubtasel li boch'o oy xchamele.

Levítico 15:27

“Boch'ouc no'ox ta spic li c'usitic soquemique, chopol chcom ec. Tsc'an ac'o xchuc' lec sc'u', ac'o atinuc lec; pero chopol chcom o c'alal to ch-och ac'ubal.

Levítico 16:26

Li boch'o chbat scolta comel ta xocol banamil li tentsun sventa jcuchmulile, ac'o xchuc' lec sc'u'; ac'o atinuc lec, jech xu' ch-och tal ta acarpanaic.

Levítico 16:28

Li boch'o chbat xchiq'ue, ac'o xchuc' lec sc'u'; ac'o atinuc lec, jech xu' ch-och tal ta acarpanaic.

Levítico 22:6

Jech chopol chcom o c'alal to ta bat c'ac'al. Mu xu' tsti' li c'usi ts'u'iltasbil cu'un ti me mu'yuc to atineme.

Levítico 22:8

Me oy c'usi jech no'ox chcham stuque xchi'uc me scomelal xa ta ti'el yu'un jti'vanej bolome, mu xu' ta sti'ic yu'un jech mu soques sbaic ta sventa. Jech chcal vu'un li Muc'ul Diosune.

Zacarías 13:1

“Ta sc'ac'alil le'e ta xt'om jun nio' te ta stojol smomnich'nab David, xchi'uc ta stojol li jnaclumetic ta Jerusalene; ja' sventa spocubil smulic xchi'uc sbolilic.

Números 19:19

Li vinic ti lec oye xu' ja' ac'o svij ta ya'lel stanil me' vacax ta yoxibal c'ac'al xchi'uc ta svucubal c'ac'al li boch'o soquem sc'oplale. C'alal me laj xa yich' lecubtasel ta svucubal c'ac'ale, ac'o xchuc' lec sc'u'. Ac'o atinuc lec; ta yic'ubel osil lecuben xa chcom.

1 Corintios 10:21

Mu xu' chavuch'beic sbel svaso Cajvaltic ti me ts'acal chbat avuch'beic sbel svaso noxtoc li pucuje. Mu xu' chave'beic c'usi oy ta xmexa Cajvaltic me ts'acal chbat ave'ic c'usi oy ta xmexa li pucujetique.

1 Corintios 6:11

Oy to'ox boch'o jech la spas avu'unic, pero li' ta orae pocbiloxuc xa, lecubtasbiloxuc xa. Tuc' xa avo'ntonic chayiloxuc Dios ta sventa li Cajvaltic Jesuse xchi'uc ta sventa li Espíritu yu'un Dios cu'untique.

Deuteronomio 14:21

“Me oy bu jech no'ox chcham stuc li chonbolometique, mu me xati'ic, yu'un vo'oxuc jun ta lum ti voc'biloxuc yu'un li Muc'ul Dios cu'untique. Yan li boch'otic te co'ol nacaloxuc achi'uquic ti yan slumalique, xu' chavac'beic sti', xchi'uc xu' chachonbeic batel li boch'otic te chjelovique. “Mu me xapanic ta ya'lel xchu' sme' li biq'uit tentsune.

1 Juan 1:7

Yan me chijxanovutic ta sac osil jech chac c'u cha'al oy ta sac osil stuque, ta melel jun chijc'ot ta jcotoltic; chispocbutic loq'uel scotol jmultic ta xch'ich'al Xnich'on, ja' li Jesuse.