Levítico 10:3 - Bible in Tzotzil de Chenalhó with Deuterocanon

³ Li Moisese jech laj yalbe li Aarone: —Le'e ja' jech smelol ti c'alal jech laj yal li Muc'ul Diose: ‘Li boch'otic ta xnopaj tal ta jtojole ta xcac' ta ilel ti tuc' co'ntone. Scotol israeletic ta xcac'be yilic ti tsc'an chiyich'icun ta muq'ue’, xi li Muc'ul Diose —xut Aarón li Moisese. Li Aarone mu'yuc c'usi laj yal.

Bible in Tzotzil de Chamula

³ Ts'acal to un, ti Moisese xi laj yalbe ya'i ti Aarone: —Ti jech le' une, ja' smelol sc'an ta xal ti xi laj yal ti Diose: ‘Ti buch'u xac'touc ti lec xa xca'i ti yuni jol no'ox ta xtal snopune, ta xcac'be yil ti mu sts'ic cu'une. Ta xcac' ta ilel ti cutsil jlequil ta stojol scotol ti israeletique.’ Jech xtoc ti Aarone tey xa no'ox ts'ijil com.

Levítico 10:3 Iomraidhean Croise

Génesis 18:25

Mu van xapas jech ti co'ol chavules li boch'o lequique xchi'uc li boch'o oy smulique, yu'un me jech chapase xco'laj xchi'uc co'ol oy smulic chc'ot. Mu me xapas jech, vo'ot ti muc'ul jchapanvanejot ta sbejel banamile. ¿Me mu ja'uc lec ti tuc' chachapane? —xi.

Job 2:10

Itac'ov li Jobe: —Li vo'ote chac'opoj jech chac c'u cha'al jun bol ants. ¿C'usi lec ta jpastic? Me lec laj ca'itic c'alal laj yac'butic c'usi lec li Diose, ¿c'u yu'un mu lecuc chca'itic noxtoc c'alal chijyac'butic c'usi chopole? —xut. Li Jobe mu'yuc bu la sa' smul ta stojol Dios ta sventa li c'usi iloc' ta yee, ac'o me toj ep li svocole.

Salmos 119:120

Li jbec'tale ta xnic ta xi'el ta atojol, jech ta xquich' lec ta muc' li mantaletic avu'une.

Salmos 148:14

Ja' laj yac'be tsots svu'elic li steclumale; albeic slequilal acotolic vo'oxuc ti steclumaloxuque, vo'oxuc li yalab xnich'naboxuc Israele ti nopol oyoxuc ta stojole. Ich'biluc ta muc' li Diose.

Salmos 39:10

Loq'uesbun xa yipal li majel laj avac'bune, yu'un chilaj xa yu'un li yipal ac'obe.

Salmos 39:9

“Vu'une la jmac que, mu'yuc c'usi laj cal; vo'ot no'ox atuc laj apas scotol.

Salmos 46:10

Pajanic xa, na'ic me ti vu'un Diosune; ich'bilun ta muc' ta jujun banamil, vu'un jventainoj scotol li banamile.

Salmos 89:7

Vo'ot Muc'ul Diosot, atuc no'ox xi'bilot; te joyibtabilot yu'un scotol li j'almantaletic te ta vinajele.

Salmos 93:5

Muc'ul Dios, li c'usitic avaloje jech staoj yav chcom o. Li ach'ul lequile ja' st'ujumal c'otem o li ch'ulna avu'une; ja' jech oy o ta sbatel ora, sbatel osil.

Éxodo 14:17

Li vu'une ta jtsatsubtasbe yo'nton li egiptoetique yu'un ac'o snutsoxuc batel. Jech xu' chcac'be yil jvu'el jtsatsal li faraone, xchi'uc li yajsoldadotaque, xchi'uc li scaretaique, xchi'uc li sca'ique.

Éxodo 14:4

Jech li vu'une ta jtsatsubtasbe yo'nton li faraone yu'un jech ac'o bat snutsoxuc ta be, jech te chcac'be yil xchi'uc yajsoldadotac ti c'u x'elan jtsatsale. Jech scotol egiptoetic chlic sna'ic ti vu'un Muc'ul Diosune”, xut. Li israeletique te la sjoyic batel.

Éxodo 19:22

Albo noxtoc li paleetic ti mu me xjelovic tale, naca me chamicuc cu'un. Ac'o me xu' ono'ox chnopajic ta jtojol li stuquique, pero tsc'an chac' sbaic ta lecubtasel ec —xi.

Éxodo 19:24

Pero li Muc'ul Diose jech laj yal: —Yalan batel; ts'acal to xamuy tal achi'uc li Aarone. Li paleetic xchi'uc scotol li achi'iltac ta israelale mu xu' chjelovic tal ti bu senyail sventa chmuyic tal li' ta jtojole, yu'un naca me chamicuc cu'un —xi.

Éxodo 30:30

“Li aceitee malbo ta sjolic li Aarón xchi'uc xnich'nabe, jech voc'bil chcomic o ta paleal cu'un.

Isaías 39:8

Li Ezequiase jech la stac'be li Isaiase: —Li c'usi laj yal Muc'ul Diose toj lec; ja' jun c'uxubinel chca'ay —xi. Yu'un jech la snop ta yo'nton: “Ja' no'ox venta ti mu'yuc xa chquile jun xa no'ox co'nton ti jayib c'ac'al cuxulune”, xi.

Isaías 49:3

Jech laj yalbun: “Israel, vo'ot cajtunelot, vo'ot ta aventa chcac' ta ilel jlequilal cutsilal”, xiyutun.

Isaías 52:11

¡Voc'o abaic loq'uel, voc'o abaic loq'uel; mu me xapiquic li c'usi toj chopole; loc'anic xa batel te ta Babilonia! Ac'o me sq'uel stuc'ulan sbaic lec li boch'otic chich'ic batel c'usitic chtun yu'un Muc'ul Dios te ta ch'ulnae.

Ezequiel 20:41

C'alal chlic jloq'uesoxuc tal ta yantic banamile, c'alal chlic jtsoboxuc sutel tal ta yantic banamil ti bu puquemoxuc batele, xchi'uc c'alal chlic cac' ta ilel ta aventaic ta stojol yantic banamil ti vu'un Ch'ul Diosune, jun co'nton chaquic'oxuc ta yutsil co'nton jech chac c'u cha'al matanal ti lec mu yiq'ue.

Ezequiel 28:22

jech xavalbe: ‘Jech chal li Muc'ul Diose, ja' li Cajvaltique: Sidón, a'yo ava'ay, vu'un chajcontrainot. Vo'ot ta aventa chlic ich'atcun ta muc'. C'alal ta jchapan c'u x'elan chacom ta sventa li amule, jech chlic sna'ic o ti vu'un Muc'ul Diosune, jech chvinaj ti vu'un Ch'ul Diosune.

Ezequiel 38:16

Ja' chtal acontrainic li jteclum cu'une, ja' li smomnich'nabtac Israele. Ic'uben banamil chc'ot avu'unic jech chac c'u cha'al lumaltoc. Ja' slajebtic xa batel c'ac'al ti chaquic'ot batel ta scontrainel li banamil cu'une, yu'un jech vo'ot ta aventa tsna'ic yantic banamil c'alal chcac' ta ilel ti vu'un Ch'ul Diosune.

Ezequiel 40:46

Yan li cuarto sq'ueloj batel stuq'uil nortee ja' sventa li paleetic ti chchabiic li scajleb smoton Diose. Ja' li xnich'nab Sadoque, ja' li smomnich'nab Leví ta vo'one ti ja' ono'ox chtunic yu'un Diose”, xiyutun.

Ezequiel 42:13

Li vinique jech laj yalbun: “Li cuartoetic le' ta jot ta nortee xchi'uc ta sure ja' ts'u'iltasbil cuartoetic. Yu'un li paleetic ti chtunic yu'un Muc'ul Diose ja' te tsve'ic li lequil ch'ul matanaletique, xchi'uc ja' te tstiq'uic noxtoc; ja' li matanaletic jech chac c'u cha'al trigoe, xchi'uc li matanal sventa xch'ayubil mulile, xchi'uc li matanal sventa bic'tal muliletique. Yu'un li cuartoetic le'e ja' ch'ul cuartoetic.

Levítico 21:15

Yu'un jech mu chopoluc sc'oplalic xnich'nabtac xchi'uc smomnich'nabtaquic te ta stojol li xchi'iltaque. Yu'un vu'un li Muc'ul Diosune, vu'un la jts'u'iltasic jech voc'bil chcomic o ta jtojol”, xi li Muc'ul Diose.

Levítico 21:17

“Jech xavalbe ya'ay li Aarone: Li' ta ora, xchi'uc le' to batele mu me xac'be yabtel smomnich'nabtac sventa chtal yaq'uic pan ta jtojol ti me mu'yuc lec sbec'talique.

Levítico 21:21

Me oy jech mu'yuc chapal sbec'tal li smomnich'nabtac Aarone, mu me xtal xchiq'uic matanal li' ta jtojol. Me oy c'usi soquem yu'unique, mu xu' chtal yac' pan ta jtojol, vu'un li Diosune.

Levítico 21:6

Ch'ul vinic ac'o spas sbaic o ta jtojol yu'un jech mu soquesbicun jc'oplal. Yu'un ja' oy ta sventaic chchiq'uic li matanaletique xchi'uc chaq'uic li pan te ta jtojole, ja' yu'un ta jc'an ti ch'ul vinic chcomic o ta jtojole.

Levítico 21:8

Voc'bil ac'o comicuc o ta sventa scotol, yu'un ja' oy ta sventaic chaq'uic li pan te ta jtojol, vu'un li Diosune. Jech tsc'an ch'ul viniquetic ac'o comicuc o ta atojolic ec, yu'un vu'un ti la jts'u'iltasique, ch'ul Muc'ul Diosun.

Levítico 22:9

“Albo ya'yic ti ac'o me xch'unic li jmantaltaque yu'un jech mu sta smulic ta jtojol, jech mu xchamic yu'un voc'bilic cu'un; vu'un li Muc'ul Diosune.

Levítico 8:35

Ja' yu'un li vo'oxuque tsc'an te chacomic o ta c'ac'al ta ac'ubal ta sti' li ch'ulna pasbil ta nucule. Ich'ic me ta muc' li mantal yu'un Muc'ul Diose yu'un jech mu xachamic, yu'un jech mantal quich'oj ec”, xi li Moisese.

Números 16:5

Jech laj yalbe li Coré xchi'uc xchi'iltaque: —Li Muc'ul Diose sob oc'om chac' ta ilel li boch'o ja' yu'une xchi'uc li boch'o t'ujbil yu'un sventa chchic'be smotone. Ja' no'ox xu' chchic'be smoton Dios li boch'o t'ujbil yu'un stuque.

Números 20:12

Pero li Muc'ul Diose jech laj yalbe li Moisés xchi'uc Aarone: —Ta sventa ti muc xach'unic c'usi laj calboxuque, xchi'uc ti muc xavaq'uicun ta ich'el ta muc' ta stojol scotol li achi'iltaquique, jech mu'yuc chcac' ochanic batel achi'uc achi'iltac te ta banamil ti bu caloj chacac'boxuque —xi.

San Mateo 10:37

“Li boch'o toj tsots sc'oplal cha'ay stot sme' ti ja' mu tsotsuc lec jc'oplal cha'ay li vu'une, mu xu' yu'un chists'aclinun. Li boch'o toj tsots sc'oplal cha'ay squerem, o me stseb, ti ja' mu'yuc lec tsots jc'oplal cha'ay li vu'une, mu xu' yu'un chists'aclinun noxtoc.

San Juan 12:28

Ja' yu'un jech no'ox la sc'opan Dios li Jesuse: ‘Tati, ich'biluc ta muc' li abie’, xut. Jech oy boch'o ic'opoj ta vinajel, jech laj yal: “Laj xa cac' ta ich'el ta muc' ta aventa li jbie, pero ta to xcac' ta ich'el ta muc' yan velta”, xi.

San Juan 14:13

Scotol c'usiuc chac'anbeic ta jbi li Totile, vu'un ta xcac'boxuc, yu'un jech ich'bil ta muc' ac'o c'otuc ta jventa li Totile.

Deuteronomio 32:51

Yu'un li vo'oxuque achibalic muc tuc'uc xapas abaic ta stojol scotol li achi'iltaquique. Muc xavaq'uicun ta ich'el ta muc' ti c'alal te oyoxuc ta vo'etic ta Meriba-cades ta xocol banamil ta Zine.

2 Tesalonicenses 1:10

C'alal me la sta sc'ac'alil itale, ch-ich'at ta muc' yu'un scotol li boch'otic voc'bilic yu'une. Toj jun yutsil ch-ilat yu'un scotol li boch'otic la xch'unique. Ja' jech chavilic ec, yu'un laj ach'unic ti c'alal la jcholcutic ava'yique.

1 Pedro 4:17

Yu'un li nucul chac' Diose laj xa sliques ta stojol yalab xnich'nab. Me ja' ba'yuc tsliques ta stojol yalab xnich'nabe, ¿c'u to x'elan chich'ic ta slajebal li boch'otic mu xch'unic li Lequil A'yeje?

1 Samuel 2:30

Ja' yu'un li Muc'ul Dios yu'un Israele jech chal: ‘Li vu'une caloj ono'ox ti j'ech'el chatunic o cu'un achi'uc avalab anich'nabe. Pero tana chcal ta jamal ti j'ech'el ta jtuch'boxuc o li avabtelique. Ja' chquich' ta muc' ec li boch'o chiyich'un ta muq'ue. Yan li boch'o chisbajune, mu'yuc stu chquil ec.

1 Samuel 3:18

Li Samuele lic yalbe Elí li c'usi i'albate, me jbeluc mu'yuc la snac'. C'alal laj ya'ay li Elie, jech laj yal: —Ac'o spas li c'usi tsc'ane yu'un ja' Muc'ul Dios stuc —xi.

1 Samuel 6:20

Li jnaclumetic ta Bet-semese jech laj yalic: “¿Boch'o xu' yu'un chva'i ta sat li Ch'ul Muc'ul Diose? ¿Bu chbat noxtoc c'alal me ilaj yo'nton li' ta jtojoltic li vu'utique?”, xiic.