Levítico 10:17 - Bible in Tzotzil de Chenalhó with Deuterocanon

¹⁷ —¿C'u yu'un muc xati'ic te ta ch'ul banamil li matanal sventa xch'ayubil mulile? yu'un ja' bats'i lequil ch'ul matanal yac'ojboxuc Dios sventa chach'aybeic o smul li jchi'iltactic ta israelale, yu'un jech ch'aybil smul chc'otic ta stojol li Muc'ul Diose.

Bible in Tzotzil de Chamula

¹⁷ —¿C'u cha'al mu teyuc no'ox laj ati'ic ti c'usi laj yich' svocol ta scoj mulil ti bu tuc'ulanbil leque? Yu'un ja' jun matanal ti tsots sc'oplal ta j'ech'ele ti laj yac'boxuc ti Diose yo' jech ta xatabeic ti ch'aybil ta xc'ot smul scotolic ti israeletic ta stojol ti Diose.

Levítico 10:17 Iomraidhean Croise

Éxodo 28:38

Jech te nabal o scotol c'ac'al ta sti'ba Aarón li pech'pech' taq'uine. Yu'un li Aarone ja' chcuch c'alal me oy c'usi mu'yuc lec tspasic israeletic c'alal tsvoc'bicun loq'uel li ch'ul matanaletic chaq'uique. Pero li pech'pech' taq'uin te nabal o ta sti'bae ja' sventa c'u cha'al xu' ta xquich'beic li ch'ul matanaletic chaq'uique.

Éxodo 28:43

Jech te slapojic o c'alal ch-ochic ta ch'ulna ti pasbil ta nucule xchi'uc ti c'alal chnopajic ta sts'el scajleb jmoton ta spasel yabtelique. Yu'un jech mu sta smulic ta jtojol, jech mu xchamic. Ja' jech jmantal chcom o ta stojolic c'alal ta smomnich'nabic.

Levítico 16:22

Jech te cuchbil o batel smulic ta xocol banamil yu'un li tentsun yo' bu mu'yuc xa boch'o te nacale.

Levítico 21:22

Xu' tsve' li pan ac'bil ta jtojole, xchi'uc li yantic ch'ul matanaletique, xchi'uc li bats'i lequil ch'ul matanaletique.

Levítico 22:16

Yu'un chac'be sta smulic ta jtojol me chac'be sve'ic li c'usi ts'u'iltasbil cu'une; vu'un Muc'ul Diosun”, xi li Muc'ul Diose.

Números 18:1

Li Muc'ul Diose jech laj yalbe li Aarone: “Li vo'ot xchi'uc anich'nabtaque, xchi'uc li yantic achi'iltac ti co'ol smomnich'naboxuc Levie, vo'oxuc chcom ta aventaic me oy c'usi mu lecuc chc'ot ta pasel avu'unic te ta ch'ulna pasbil ta nucule. Me oy chopol chc'ot ta pasel avu'unic li avabtelic ta paleal xchi'uc anich'nabtaque, vo'oxuc no'ox chcom ta aventaic achi'uc anich'nab.

San Juan 1:29

Ta yoc'omal laj yil Juan ti te ta xtal Jesús yo' bu oye, jech laj yal: “Q'uelavilic, le' xa xtal li ch'ium chij yu'un Dios ti chch'aybe smul scotol cristianoetic ta banamile.

2 Corintios 5:21

Yu'un li boch'o mu xotquin mulile jpasmulil ic'ot ta jcojtic, yu'un jech vu'utic mu'yuc jmultic lijc'ot, tuc' xa co'ntontic chijyilutic li Diose.

Hebreos 9:28

ja' no'ox jech ec li Cristoe, jun no'ox velta laj yac' sba ta milel, yu'un j'ech'el la xch'aybe o smul epal cristianoetic. Ts'acal to c'alal chtal xchibal veltae, mu xa ja'uc sventa chtal xch'ay mulil. Ja' xa no'ox chtal scolta li boch'otic smalaojic coltael yu'une.

1 Pedro 2:24

Ja' stuc la xcuch ta sbec'tal li jmultic c'alal ja'o joc'ol ta cruze, yu'un jech xu' chijchamutic ta sventa li mulile; ja' chijcuxiutic ta spasel li c'usi tuq'ue. Li Cristoe ep ituch' sbec'tal, yu'un jech vo'oxuc colem lacomic.