Levítico 10:14 - Bible in Tzotzil de Chenalhó with Deuterocanon

¹⁴ Li sna yo'nton matanal chich' ye'el ta stojol Diose xchi'uc li yo' ti ja' sventa jpatantique, ja' avu'un achi'uc aqueremetic atsebetic. Te xati'ic noxtoc ti bu ts'u'iltasbil yu'un li banamile, yu'un ja' matanal chaq'uic jchi'iltactic sventa chich' milel ti c'u cha'al lec ch-ilatic yu'un Muc'ul Diose.

Bible in Tzotzil de Chamula

¹⁴ Ti xpechelul sti' yo'ntone xchi'uc ti sbec'tal yo' ti jmoj laj yich' ye'ilanel ti matanale, tsots sc'oplal tey ta xati'ic xchi'uc avalab anich'nab ti bu tuc'ulanbil leque. Yu'un taje, ja' c'ot ta apuculalic ti matanal laj yaq'uic ti israeletic ta sventa ti slajesobil o'ntonale.

Levítico 10:14 Iomraidhean Croise

Éxodo 29:33

Ti jech tsti'ique, yu'un ja' ac'bil ta sventa chch'aybat smulic ti c'alal chich'ic ts'u'iltasel c'alal chich' yabtelic ta sventa paleale. Pero mu boch'ouc no'ox xu' tsti' yu'un ja' ch'ul matanal.

Ezequiel 42:13

Li vinique jech laj yalbun: “Li cuartoetic le' ta jot ta nortee xchi'uc ta sure ja' ts'u'iltasbil cuartoetic. Yu'un li paleetic ti chtunic yu'un Muc'ul Diose ja' te tsve'ic li lequil ch'ul matanaletique, xchi'uc ja' te tstiq'uic noxtoc; ja' li matanaletic jech chac c'u cha'al trigoe, xchi'uc li matanal sventa xch'ayubil mulile, xchi'uc li matanal sventa bic'tal muliletique. Yu'un li cuartoetic le'e ja' ch'ul cuartoetic.

Levítico 10:13

Te no'ox xave'ic yo' bu ts'u'iltasbil yu'un li banamile, yu'un ja' avu'unic o achi'uc anich'nabtac ti c'u yepal voc'bil li matanal chich' chiq'uel sventa yich'ubil ta muc' Muc'ul Diose yu'un ja' jech yalojbun.

Levítico 22:13

Yan me ja' me'on ants, o ictabil yu'un smalal ti mu'yuc yalab, ti co'ol chac c'u cha'al stsebal tsut batel ta sna stote, xu' tsti'be sve'el li stote. Ja' no'ox mu xu' tsti' li boch'o yan bu liquem tale.

Levítico 9:21

Yan li sna yo'nton xchi'uc li sbats'i-o'e ja' la sye'ic ta stojol Muc'ul Dios li Aarón jech chac c'u cha'al albil ono'ox yu'un Muc'ul Dios li Moisese.

Números 18:11

“Jech noxtoc li muc'tic matanal chiyac'bicun li achi'iltac ta israelale, vo'ot chacac'bot achi'uc aqueremetic atsebetic ti te nacaloxuc achi'uquique. Ja' jech jmantal ta xcom o ta atojolic. Scotol li avalab anich'nab ti lecubtasbilique xu' tsve'ic.

Números 5:9

“Scotol c'usiuc no'ox chac'bicun ta sventa jmoton li achi'iltac ta israelale, ac'o yich'ic tal ta stojol li palee. Ja' yu'un chc'ot o.

San Juan 4:34

Li Jesuse jech laj yal: —Li jve'ele ja' ti ta jpasbe c'usi tsc'an li Boch'o la stacun tale, xchi'uc ti ac'o jvu'esbe li yabtele.