Levítico 10:13 - Bible in Tzotzil de Chenalhó with Deuterocanon

¹³ Te no'ox xave'ic yo' bu ts'u'iltasbil yu'un li banamile, yu'un ja' avu'unic o achi'uc anich'nabtac ti c'u yepal voc'bil li matanal chich' chiq'uel sventa yich'ubil ta muc' Muc'ul Diose yu'un ja' jech yalojbun.

Bible in Tzotzil de Chamula

¹³ Ve'anic tey ti bu tuc'ulanbil leque, yu'un ja' c'ot ta apuculalic xchi'uc ti anich'nab ti matanal ti laj yich' chiq'uel sventa yich'el ta muc' ti Diose. Ti va'i s'elan taje, yu'un ja' jech albilun talel.

Levítico 10:13 Iomraidhean Croise

Ezequiel 42:13

Li vinique jech laj yalbun: “Li cuartoetic le' ta jot ta nortee xchi'uc ta sure ja' ts'u'iltasbil cuartoetic. Yu'un li paleetic ti chtunic yu'un Muc'ul Diose ja' te tsve'ic li lequil ch'ul matanaletique, xchi'uc ja' te tstiq'uic noxtoc; ja' li matanaletic jech chac c'u cha'al trigoe, xchi'uc li matanal sventa xch'ayubil mulile, xchi'uc li matanal sventa bic'tal muliletique. Yu'un li cuartoetic le'e ja' ch'ul cuartoetic.

Levítico 10:12

Li Moisese jech laj yalbe li Aarón xchi'uc xnich'nab ti cuxul to icomique, ja' li Eleazar xchi'uc Itamare: —Ich'ic li scomelal smoton Dios chcom ta chiq'uele, ja' li c'usitic jech chac c'u cha'al trigoe. Ve'anic, pero mu me xavac'beic svolesubil xch'ut, xchi'uc te no'ox xave'ic ta sts'el scajleb smoton Dios yu'un ja' bats'i lequil ch'ul matanal.

Levítico 10:14

Li sna yo'nton matanal chich' ye'el ta stojol Diose xchi'uc li yo' ti ja' sventa jpatantique, ja' avu'un achi'uc aqueremetic atsebetic. Te xati'ic noxtoc ti bu ts'u'iltasbil yu'un li banamile, yu'un ja' matanal chaq'uic jchi'iltactic sventa chich' milel ti c'u cha'al lec ch-ilatic yu'un Muc'ul Diose.

Levítico 2:3

Ta sventa ti ts'u'iltasbil xa scotol li c'usitic chich' chiq'uel ta jmoton vu'un li Muc'ul Diosune, ja' yu'un li scomelale, ja' yu'un li Aarón xchi'uc xnich'nabtaque.

Levítico 6:16

Li scomelale ja' xa ac'o sve'ic li Aarón xchi'uc xnich'nabe, pero mu me xavac'beic svolesubil xch'ut. Te ac'o sve'ic ti bu ts'u'iltasbil cu'un li banamil te ta yamaq'uil ch'ulna pasbil ta nucule.

Números 18:10

Scotol li viniquetique xu' ta sve'ic. Pero te me xave'ic ta ch'ulna, yu'un ja' ch'ul matanal cu'un.

Números 5:10

Scotol li c'usi voc'bil ti ja' xa cu'une, ja' ac'o bat yac'beic li palee. Ja' xa yu'un chc'ot o”, xi li Muc'ul Diose.