Levítico 10:1 - Bible in Tzotzil de Chenalhó with Deuterocanon

¹ Li Nadab xchi'uc Abiú, ja' li xnich'nabtac Aarone, la stsaquic jujun yav yac'alic. Laj yac'beic sc'ac'al xchi'uc pom; la stsanic yan c'oc' ta stojol Muc'ul Dios ti c'alal mu'yuc albilic jech tspasique.

Bible in Tzotzil de Chamula

¹ Ti Nadabe xchi'uc ti Abiue, ti ja' xnich'nab ti Aarone, lic stamic jujun ti xchic'obil ac'ale. Laj stsanbeic sc'ac'al. Laj yac'beic pom ta sba ta sjovil no'ox sjolic ti c'u s'elan laj yaq'uic ti c'oc' ta stojol ti Diose, ti mu jutebuc ti jech albilique.

Levítico 10:1 Iomraidhean Croise

1 Reyes 18:38

Li Muc'ul Diose la stac tal c'oc' ta vinajel, jech ic'ac' li matanale, li si'e, li tonetique, xchi'uc li banamile, xchi'uc ic'ac' noxtoc li vo' te ts'anal ta sbevo'al ta joyobe.

Salmos 141:2

Ac'o muyuc c'alal ta atojol li jc'ope, muetuc no'ox jech chac c'u cha'al c'alal chich' chiq'uel pom. Li jc'ob jtoyoj ta atojole jech ac'o c'otuc jech chac c'u cha'al amoton chich' milel ta jujun mal c'ac'ale.

Éxodo 24:1

Li Muc'ul Diose jech laj yalbe li Moisese: —Muyanic tal li' ta jtojol achi'uc li Aarone, li Nadabe, li Abiue, xchi'uc li lajuneb xchanvinic (70) banquilaletic yu'un achi'iltaque, pero nom no'ox xava'an abaic; te xaquejan abaic ta jtojol.

Éxodo 24:9

Li Moisese imuyic batel ta vits xchi'uc li Aarón, li Nadab, li Abiú, xchi'uc li lajuneb xchanvinic (70) banquilaletic yu'un israeletique.

Éxodo 27:3

Scotol li c'usitic chtun te ta scajleb jmotone ta puru bronce taq'uin xapas: ja' li xch'amubil tane, li palaetique, li muc'tic tazaetique, li xluchubiltac ti'bole xchi'uc li yav ac'ale.

Éxodo 28:1

“Li abanquil Aarón xchi'uc xnich'nabe, ja' li Nadab, Abiú, Eleazar, xchi'uc Itamare, voc'bun loq'uel ta stojol li achi'iltac ta israelale yu'un ja' chcomic o ta paleal cu'un.

Éxodo 31:11

xchi'uc li aceite sventa ich'ub abtelale xchi'uc li pom sventa chich' aq'uel ta ch'ulnae. Le'e ja' xu' yu'unic spasel scotol jech chac c'u cha'al laj calbote.

Éxodo 37:29

Li Bezaleele la spas noxtoc li ch'ul aceite sventa ich'ub abtelale, xchi'uc li pome, xchi'uc li mero perfumee. Ja' jech la spas jech chac c'u cha'al tspasic li boch'otic lec sna'ic spasel perfumeetique.

Éxodo 38:3

Jech noxtoc la spas scotol li c'usitic chtun te ta scajleb smoton Diose; ta bats'i bronce taq'uin la spas. Ja' li xch'amubil tane, li palaetique, li muc'tic tazae, li xluchubil ti'bole, xchi'uc li yavil ac'ale.

Éxodo 40:27

Te lic xchic' pom jech chac c'u cha'al albil ono'ox yu'un Muc'ul Dios li Moisese.

Éxodo 6:23

Li Aarone laj yic' sbaic xchi'uc Elisabet, ja' li stseb Aminadabe xchi'uc ja' xchi'il ta voq'uel li Naasone. Li Elisabete ivoc' yalabtac, ja' Nadab, Abiú, Eleazar, xchi'uc Itamar.

Éxodo 8:27

Ja' lec te chibatcutic ta xocol banamil ti oxib c'ac'al sbelale. Ja' te chbat jchic'becutic smoton li Muc'ul Dios cu'uncutic jech chac c'u cha'al laj yalbuncutique —xi.

Jeremías 19:5

La spasic toyol scajleb matanaletic ta sventa sdiosic Baal; ja' te la xchic'beic smotonin li xnich'nabique. Ja' la spasic li c'usi mu jechuc calojbeic ti muc ta jmantaluc jech la spasique, me jutuc mu'yuc jnopoj me oy jech tspasic.

Jeremías 32:35

Jech noxtoc la spasic toyol c'opojebaletic ta sventa Baal te ta stenlejaltic Ben-hinom, jech te la xchic' squerem stsebic ta sventa smoton li dios Moloque. Ja' jech la sa' smulic o li Judaetique. Mu'yuc jech calojbeic mantal, me jutuc mu'yuc bu jnopoj me jech ta spasic.

Jeremías 44:15

Ja' yu'un li boch'o sna'ojic ti la xchiq'uic pom ta stojol yantic diosetic li yajnilique, xchi'uc li yantic antsetique, bats'i ep te stsoboj sbaic ta jyalel. Te oyic ec li judaetic te nacajtic ta Patros ta yosilal Egiptoe, jech laj yalbeic li Jeremiase:

Jeremías 44:8

Yu'un ja' no'ox chavaq'uic ilincun ta sventa li c'usi apasoj ta ac'obique, xchi'uc ti chachiq'uic pom ta stojol li yantic diosetic te ta Egipto ti bu talemoxuc ta nacleje. Ja' xa no'ox amotonic ti chaculesoxuc o, ti chopol chacomic o, ti mu'yuc atu cha'ilatic o yu'un li yantic banamile.

Jeremías 7:31

La sva'anic noxtoc toyol scajleb matanal, Tofet, te ta stenlejaltic Ben-hinom, sventa te la xchic' squerem stsebic. Ja' la spasic li c'usi mu jechuc calojbeique, ti mu'yuc jech loq'uem ta jol ta co'ntone.

Levítico 16:1

C'alal chamen xa'ox li chib xnich'nab Aarón ti inopajic batel ta stojol Muc'ul Diose, ja'o ic'opanat yan velta yu'un Muc'ul Dios li Moisese.

Levítico 16:12

Ts'acal ac'o stsac li xchic'ubil pom nojem ta yac'alil scajleb jmoton te oy ta jtojole xchi'uc cha'jop juch'bil pom ti lec mu yiq'ue; ac'o yich' batel te ta spat yo' bu joc'ol li poq'ue.

Levítico 22:9

“Albo ya'yic ti ac'o me xch'unic li jmantaltaque yu'un jech mu sta smulic ta jtojol, jech mu xchamic yu'un voc'bilic cu'un; vu'un li Muc'ul Diosune.

Levítico 9:24

Itsan loq'uel c'oc' te ta stojol li Muc'ul Diose. La xchic' li matanal ti sc'oplal xa'ox chchiq'uique xchi'uc xepuetic te oy ta scajleb smoton Diose. C'alal laj yilic li israeletique, tsots i'avanic; xcuxet no'ox yo'ntonic, xchi'uc la squejan spatan sbaic ta banamil.

Números 16:46

Li Moisese jech laj yalbe li Aarone: —Bat ich'o tal li xchic'ubil pom avu'une. Ac'bo yac'alil, ja' xavac' li ac'al te ta scajleb smoton Diose, xchi'uc pom. Batan ta ora yo' bu oyic li jchi'iltactique; bat c'anbo Muc'ul Dios ti ac'o xch'aybe ta yo'nton li smulique. Yu'un li Muc'ul Diose bats'i tsots ilinem ta stojolic, xchi'uc liquem xa ta stojolic li tsatsal chamel ti chmilvane —xi.

Números 26:61

Li Nadab xchi'uc Abiue ja' ti ichamic c'alal la xchiq'uic pom ta stojol Muc'ul Dios ta smantal stuquique.

Números 4:18

“Li jchop sbiic liquemic ta Coate, mu me xavaq'uic ch'ayuc sts'unubalic te ta stojol li levietique.

Deuteronomio 12:32

“Pasilanic me scotol c'ac'al li c'usitic laj calboxuc ava'yique. Mu me xabolesic, mu me xach'ayesic.

Deuteronomio 4:2

Mu me xavepajesic, xchi'uc mu me xach'ayic li mantaletic chacalboxuc ava'yique. Ja' me ch'unic c'usi chal li mantaletic yu'un Muc'ul Dios li' chacalboxuc ava'yique.

Hebreos 9:4

Ja' te oy li scajleb xchic'ubil pom pixbil ta c'anal taq'uine, xchi'uc li xcaxail smantal Dios pixbil ta c'anal taq'uin ta yut xchi'uc ta spate. Ja' te tiq'uil li jun bin pasbil ta c'anal taq'uin sventa yavil manavaje. Xchi'uc ja' te tiq'uil noxtoc li snamte' Aarón ti inichine, xchi'uc li cha'pech ton yo' bu ts'ibabil smantaltac Diose.