Levítico 1:9 - Bible in Tzotzil de Chenalhó with Deuterocanon

⁹ Ts'acal ac'o sapbeic lec li sbiquile xchi'uc li yacane. Li palee ac'o xchic' te ta scajleb jmoton, yu'un ja' chic'bil matanal ti lec mu yic' chc'ot ta jtojol, vu'un li Muc'ul Diosune.

Bible in Tzotzil de Chamula

⁹ Ti buch'u ta xac' ta chiq'uel ti matanale, ac'o sapbe lec ta vo' ti sbiquile, xchi'uc ti yo'tac ti chon bolome. Jech ti palee ta xchic' scotol ta sba ti altare, ti ja' jun chic'bil matanale, ti jun yutsil smuil ta xich' ac'bel ti Diose.

Levítico 1:9 Iomraidhean Croise

Génesis 8:21

C'alal ic'ot ta stojol Muc'ul Dios li smuil yic' smotone, jech laj yal: “Mu'yuc xa ta jsoques yan velta banamil ta scoj smul li cristianoetique. Yu'un li cristianoetique ta sbic'talic ono'ox ti ja' no'ox oy ta yo'nton tspasic li c'usi chopole. Jech noxtoc mu'yuc xa ta jtu'pbe sts'unubal yan velta li chonbolometic jech c'u cha'al la jpas li jun velta li'i.

1 Crónicas 6:34

Elcana, Jeroham, Eliel, Toa,

2 Crónicas 4:6

La spas noxtoc yan lajuneb yav vo'etic. Vo'ob laj yac' ta stuq'uil bats'ic'ob, vo'ob ta stuq'uil ts'etc'ob. Ja' sventa tspoquic o li smoton Dios chaq'uique. Yan li muc'ta yavil vo'e ja' sventa te ch-atinic o li paleetique.

Salmos 51:6

Ta melel li vo'ote ja' chac'an li boch'o melel xc'opoje; laj avac'bun jna' ta co'nton c'usi ta jpas.

Salmos 66:15

Ta jchic'bot amotonin li c'usitic lec jubenique; ta jchic'bot ch'ium chijetic ti lec mu yic' xch'ayilale, xchi'uc ta jmilbot amotonin vacaxetic xchi'uc tot tentsunetic.

Éxodo 12:9

Me jutebuc mu me xati'ic ta stseil, o me ta panbil. Scotlijil xavoic c'alal ta sjol, ta yacan xchi'uc c'alal ta sbel xch'ut.

Éxodo 29:18

Ts'acal te xavac' scotol ta scajleb jmoton yu'un ja' matanal sventa chavich'icun ta muc', xchi'uc ja' chic'bil matanal ta jventa ti lec mu yiq'ue.

Éxodo 29:25

Ts'acal xavich'be sutel. Bat chic'o ta scajleb jmoton ta sba li jmoton te chc'ac' ti lec mu yiq'ue. Ja' jun matanal chich' chiq'uel sventa chavich'icun ta muc', vu'un li Muc'ul Diosune.

Jeremías 4:14

Jerusalén, ac'o ta poquel li sbolil avo'ntone, ja' no'ox jech xu' chacol. ¿Baq'uin to chaloq'ues ta atojol li c'usi chopol ta nopele?

Ezequiel 20:28

C'alal la jtiq'uic ochel ta banamil ti bu calojbeic ono'ox ta jamal chcac'beique, laj yilic ti oy lec bic'tal vitsetic, ti oy lec te'etic lec pimic sc'obc'obe; ja' te lic yaq'uic chic'bil matanaletic xchi'uc yantic matanaletic ti ep chisa'bun sc'ac'al co'ntone. Te la xchiq'uic pom noxtoc ti lec muic yiq'ue, xchi'uc te laj yaq'uic ya'lel ts'usubetic noxtoc.

Ezequiel 20:41

C'alal chlic jloq'uesoxuc tal ta yantic banamile, c'alal chlic jtsoboxuc sutel tal ta yantic banamil ti bu puquemoxuc batele, xchi'uc c'alal chlic cac' ta ilel ta aventaic ta stojol yantic banamil ti vu'un Ch'ul Diosune, jun co'nton chaquic'oxuc ta yutsil co'nton jech chac c'u cha'al matanal ti lec mu yiq'ue.

Ezequiel 40:38

Oy jun cuarto noxtoc te stsacoj sba xchi'uc li ochebale. Ja' te la spoquic li smoton Dios la xchiq'uique.

Levítico 1:13

Ts'acal ac'o sapbeic lec ta vo' li sbiquile xchi'uc li yacane. Li palee ac'o xchic' scotol te ta scajleb jmoton yu'un ja' chic'bil matanal ti lec mu yic' chc'ot ta jtojol, vu'un li Muc'ul Diosune.

Levítico 1:17

Ac'o xlich'beic li xiq'ue, ac'o sjavic ta o'lol, pero mu me xtuch'ic o ta j'ech'el. Ts'acal ac'o xchic' te ta scajleb jmoton li palee yu'un ja' chic'bil matanal ti lec mu yic' chc'ot ta jtojol, vu'un li Muc'ul Diosune.

Levítico 2:16

Li palee ac'o xchic' c'uuc yepal li juch'bil trigo xchi'uc aceite, xchi'uc li pome. Ja' sventa sna'ubil israeletic chc'ot, xchi'uc ja' chic'bil matanal chc'ot ta jtojol, vu'un li Muc'ul Diosune.

Levítico 2:2

Ac'o yich' batel ta stojol li paleetique, ja' li xnich'nabtac Aarone. Jun pale ac'o sjop batel jopuc ta sc'ob li arina capal ta aceite xchi'uc pome. Ac'o xchic' te ta scajleb jmoton sventa sc'anubil vocol ta stojol li boch'o laj yaq'ue; ja' chic'bil matanal chc'ot ta jtojol ti lec mu yiq'ue, vu'un li Muc'ul Diosune.

Levítico 2:9

Li palee ac'o stsac c'uuc yepal li matanale; ac'o xchic' te ta scajleb jmoton. Ja' sventa sna'ubil cu'un li achi'iltaque. Ja' chic'bil matanal ti lec mu yic' chc'ot ta jtojol, vu'un li Muc'ul Diosune.

Levítico 3:11

Li palee ac'o xchic' scotol te ta scajleb jmoton. Ja' chic'bil matanal sventa ve'lil chc'ot ta jtojol, vu'un li Muc'ul Diosune.

Levítico 3:5

Li paleetique ac'o xchic' ta scajleb jmoton. Jmoj ac'o xchic' xchi'uc li yan jmoton te chc'ac' yo' bu tsanal li si'e. Ja' chic'bil matanal ti lec mu yic' chc'ot ta jtojol, vu'un li Muc'ul Diosune.

Levítico 4:31

Ac'o sloq'uesbe scotol li xepual jech chac c'u cha'al chich' pasbel li matanal ta sventa lec chaquiloxuque. Li palee ac'o xchic' te ta scajleb jmoton, jech lec mu yic' chc'ot ta jtojol, vu'un li Muc'ul Diosune. Ja' jech ac'o spas li pale sventa chch'aybe smul li boch'o oy smule, jech ch'aybil smul chc'ot o.

Levítico 6:14

“Li'i ja' chanubtasel ta sventa c'u x'elan chaq'uic ta jmoton li c'usitic co'oltic jech chac c'u cha'al trigoe: Li paleetique ja' ac'o yaq'uic te ta scajleb jmoton ta jtojol, vu'un li Muc'ul Diosune.

Levítico 8:21

Ts'acal lic sapbe lec li sbiquile xchi'uc li yacane. La xchic' te ta scajleb smoton Dios. Ja' li matanal ti lec mu yic' chc'ot ta stojol Muc'ul Dios jech chac c'u cha'al albil ono'ox li Moisese.

Levítico 8:28

Ts'acal laj yich'anbe scotol. Jmoj la xchic' te ta scajleb smoton Dios xchi'uc li chic'bil matanale. Ja' matanal ta sventa ich'ub abtelal ti lec mu yic' chc'ot ta stojol Muc'ul Diose.

Levítico 9:14

Ts'acal la spocbeic lec li sbiquil xchi'uc li yacane. Te la xchic' ta scajleb smoton Dios ta sba li chic'bil matanal te chc'aq'ue.

Zacarías 13:7

Jech chal li Muc'ul Dios ti tspas ta mantal scotol te ta vinajele: “Espada, lican, bat ac'bo ya'ay li jchabichij cu'une; bat contraino li vinic ti co'ol cabtel jchi'uque. Bat milo li jchabichije, te ac'o spuc sbaic batel li chijetique. Vu'un ta jcontrain, ta xcac' jc'ob ta stojol li ch'ium chijetique.

Números 15:3

C'alal chavac'bicun jmotonin jcot tot vacax, o me jcot chij sventa chachiq'uic yu'un chavich'icun ta muq'ue, ac'beic xchi'ilin batel chibuc kilo lequil arina vots'bil o ta jun litro aceite. Ja' jech tsc'an chapasic jech chac c'u cha'al c'alal chavac'bicun milbil matanal, o me ja' ti chich' chiq'uel scotlijil ti lec mu yiq'ue. C'usiuc no'ox matanalil, me ja' sventa ti its'aqui xa avu'unic li c'usi avalojic ta jtojol chapasique, o me ja' sventa li matanal ti ta yutsil no'ox avo'nton chavaq'uique, persa chavac'beic batel xchi'il.

Números 28:11

“Ta sba c'ac'al jujun ue, xavac'bicun jmotonin cha'cot tot vacax sventa chich' chiq'uel, xchi'uc jcot tot chij, xchi'uc vuccot ch'ium chij ti jun to jabil svoq'uele, ti bu ven leque.

Números 28:7

Li ya'lel ts'usub sventa chiyac'bicun ta jmotone ja' jun litro ac'o yaq'uic ta sventa jujucot chij. Li ya'lel ts'usube ac'o smaltaic o li yut ch'ulna pasbil ta nucul sventa chavich'icun ta muq'ue.

Números 28:8

Li xcha'cotal chij ti chich' milel ta jujun mal c'ac'ale, ac'o yac'beic xchi'ilin yan trigo xchi'uc ya'lel ts'usub jech chac c'u cha'al li jmoton chich' aq'uel ta jujun sobe. Ja' jmoton chachiq'uic ti lec mu yiq'ue; ja' sventa chavich'icun o ta muc'.

2 Corintios 2:15

Vu'uncutic smuil yic' pom c'otemuncutic ta stojol Dios yu'un li Cristoe. Ja' yu'un chvinaj batel yic' ta stojol li boch'otic chcolique xchi'uc li boch'otic ch'ayel chbatique.

Efesios 5:2

C'ano abaic jech chac c'u cha'al la sc'anutic li Cristoe, yu'un laj yac' sba ta milel ta jcojtic. Ja' smoton Dios ic'ot, ja' milbil matanal ti oy lec smuil laj ya'ay li Diose.

Deuteronomio 12:27

Te xachiq'uic ta sba scajleb smoton Dios li matanal avu'unique. Li xch'ich'ale te xamalic ta sba scajleb smoton li Muc'ul Dios cu'untique, yan li sbec'tale xu' chati'ic.

Filipenses 4:18

Li vu'une laj xa jta lec scotol, oy xa ep scomelal cu'un. Mu'yuc xa c'usi sc'an chca'ay. Laj xa quich' ti c'u yepal laj avac'beic tal li Epafroditoe; toj lec chil li Diose, ja' jun milbil matanal cha'ay ti oy lec smuile.