Levítico 1:4 - Bible in Tzotzil de Chenalhó with Deuterocanon

⁴ Ac'o yac' sc'obic ta sjol li xvacaxique. Jech xu' chquich'beic sventa ta jch'aybeic o li smulique.

Bible in Tzotzil de Chamula

⁴ Va'i un, ta scajan sc'ob ta sjol ti chon bolome. Jech ti chon bolom une, tsacbil ich'bil ta xc'ot ta muc' yo' jech ta xich' tael ti ch'aybil ta xc'ot ti smul scolo'ique.

Levítico 1:4 Iomraidhean Croise

Éxodo 28:38

Jech te nabal o scotol c'ac'al ta sti'ba Aarón li pech'pech' taq'uine. Yu'un li Aarone ja' chcuch c'alal me oy c'usi mu'yuc lec tspasic israeletic c'alal tsvoc'bicun loq'uel li ch'ul matanaletic chaq'uique. Pero li pech'pech' taq'uin te nabal o ta sti'bae ja' sventa c'u cha'al xu' ta xquich'beic li ch'ul matanaletic chaq'uique.

Éxodo 29:10

“Ts'acal xavic' batel ta ch'ulna pasbil ta nucul li ch'ium vacaxe, yu'un ac'o yac' sc'obic ta sjol li Aarón xchi'uc xnich'nabe.

Éxodo 29:15

“Jech noxtoc tsaquic jcotuc li chije ac'o yac' sc'obic ta sjol li Aarón xchi'uc xnich'nabe.

Éxodo 29:19

“Ts'acal xatsaquic noxtoc li yan jcot chije. Li Aarón xchi'uc xnich'nabe ac'o yac' sc'obic ta sjol.

Éxodo 29:33

Ti jech tsti'ique, yu'un ja' ac'bil ta sventa chch'aybat smulic ti c'alal chich'ic ts'u'iltasel c'alal chich' yabtelic ta sventa paleale. Pero mu boch'ouc no'ox xu' tsti' yu'un ja' ch'ul matanal.

Isaías 56:7

vu'un ta xquiq'uic batel ta ch'ul vits cu'un; ta xcac' ti xcuxet no'ox yo'ntonic te ta snail bu chquich' c'opanele. Li milbil matanal, li chic'bil matanal chiyac'bicun te ta scajlebe ta jtsacbeic, yu'un li jnae ja' snail sc'opanbil Dios yu'un cristianoetic ta scotol lumetic, xi ch-albat sc'oplal.

Ezequiel 45:15

Jech noxtoc ta sventa li achijique, me oy lajunvinic (200) ta cot ti lec jubesbilic ta lequil ts'i'laletic ta avosilalique, jcot chavich'bicun tal jmotonin. Le'e ja' chtun ta sventa milbil matanal, chic'bil matanal, xchi'uc ta sventa co'ol co'ntontic. Vu'un jtuc chcal, vu'un li Muc'ul Diosune.

Daniel 9:24

‘Ja' lajuneb xchanvinic (70) xemuna chapanbil ti jech chc'ot ta pasel ta stojol li achi'iltaque xchi'uc li ach'ul lumale, yu'un jech chich' lajesbel sc'oplal o li c'usi chopole xchi'uc li muliletic chich' pasele. Jech ch'aybil chcom o li c'usitic mu'yuc lec pasbile; ja' chlic yich' pasel o li c'usitic tuc' ti mu'yuc slajebale. Jech chc'ot o ta pasel li c'usi laj avil ta ach'ulele xchi'uc li c'usitic laj ava'ibe sc'oplale; jech ts'u'iltasbil chcom o yan velta li ch'ulnae.

Levítico 16:21

Ac'o yac' xchibal sc'ob ta sjol li tentsune; ac'o yal ta jamal c'usi chopol spasojic, c'u x'elan stoyoj sbaic, xchi'uc c'usi smulic li achi'iltaque. Ja' jech chich' ac'bel xcuch scotol muliletic li tentsune. Jun vinic ac'o yic' batel li tentsune; ac'o bat scolta comel ta xocol banamil.

Levítico 16:24

Te no'ox ta yut ch'ulna ac'o atinuc lec. C'alal me laj xa slap sc'u' spoq'ue, ac'o loc'uc tal; ac'o bat xchic' li matanal ta sventa stuque xchi'uc li matanal ta sventa achi'iltaquique. Ja' jech ch'aybil chc'ot smul stuc xchi'uc smulic li achi'iltaquique.

Levítico 22:21

“Jech noxtoc me oy boch'o chtal yaq'uic jmoton sventa lec chquilique, o me sventa its'aqui xa yu'un li c'usi yaloj tspasique, o me ja' li jmoton ti yutsil no'ox yo'nton chaq'uique, ja' no'ox ac'o yiq'uic tal vacax, o me chij ti ven leque yu'un jech ta jtsacbeic.

Levítico 22:27

“C'alal me oy chvoc' avacaxic, achijic, o me atentsunique, vucub c'ac'al te ac'o chu'untasatuc yu'un sme'. Te xlic batel ta xvaxquibal c'ac'ale xu' xa chich' chiq'uel ta sventa jmoton; tsacbil xa chc'ot.

Levítico 3:13

Ac'o yac' sc'ob ta sjol li stentsune. Ts'acal ac'o smil ta yeloval ti'ch'ulna pasbil ta nucul. Li paleetique ja' ac'o svijbeic xch'ich'al ta sba li scajleb jmotone xchi'uc ta spat xocon.

Levítico 3:2

Li boch'o chaq'ue, ac'o yac' sc'ob ta sjol li xvacaxe. Ts'acal ac'o smil ta stuq'uil sti' ch'ulna pasbil ta nucul. Li paleetique ja' ac'o svijbeic ta sba scajleb jmoton li xch'ich'ale, xchi'uc ta spat xocon scajleb jmoton.

Levítico 3:8

Ac'o yac' sc'ob ta sjol li xchije. Ts'acal ac'o smil te ta yeloval ti'ch'ulna pasbil ta nucul. Li paleetique ja' ac'o svijbeic xch'ich'al ta sba scajleb jmoton xchi'uc ta spat xocon.

Levítico 4:15

Li moletic yu'unique, ac'o yac' sc'obic ta sjol li vacaxe, xchi'uc te ac'o smilic ta jtojol, vu'un li Muc'ul Diosune.

Levítico 4:20

Ja' jech ac'o yich' pasbel li vacax jech chac c'u cha'al chich' pasbel li yan ta sventa mulile. Ja' jech ac'o spas ta stojol xchi'iltac li palee. Jech ch'aybil smulic chcom o.

Levítico 4:24

Ac'o yac' sc'ob ta sjol li stentsune; te ac'o smil ti bu ono'ox chich' milel li yantic matanaletic chich' aq'uele yu'un ja' matanal ta sventa li smule.

Levítico 4:26

Scotol li xepuale ac'o yich' chiq'uel te ta scajleb jmoton jech chac c'u cha'al chich' chic'bel xepual li matanal sventa lec chaquiloxuque. Ja' jech ac'o spas li pale ta sventa chch'aybe smul li jun banquilal avu'unique, jech ch'aybil smulic chc'ot o.

Levítico 4:29

Ac'o yac' sc'ob ta sjol li stentsune; te ac'o smil yo' bu chich' milel li yantic matanaletic chich' chiq'uele.

Levítico 4:31

Ac'o sloq'uesbe scotol li xepual jech chac c'u cha'al chich' pasbel li matanal ta sventa lec chaquiloxuque. Li palee ac'o xchic' te ta scajleb jmoton, jech lec mu yic' chc'ot ta jtojol, vu'un li Muc'ul Diosune. Ja' jech ac'o spas li pale sventa chch'aybe smul li boch'o oy smule, jech ch'aybil smul chc'ot o.

Levítico 4:33

Ac'o yac' sc'ob ta sjol li chij sventa xch'ayubil smule. Ac'o smil te yo' bu chich' milel li yantic matanaletic chich' chiq'uele.

Levítico 4:35

Ac'o sloq'uesbe scotol li xepualtac jech chac c'u cha'al chich' pasbel li matanal sventa lec chaquiloxuque. Li palee ac'o xchic' te ta scajleb jmoton te ta sba li yan matanal te chc'ac' ta jtojole. Ja' jech ac'o spas sventa chch'aybe smul li boch'o la sta smule, jech ch'aybil smul chc'ot o.

Levítico 4:4

Ac'o yic' tal ta jtojol ta ti'ch'ulna pasbil ta nucul. Ac'o yac' sc'ob ta sjol li vacaxe. Ts'acal ac'o smil te ta jtojol.

Levítico 5:6

xchi'uc ac'o yic' tal jcotuc sme' xchij, o me sme' stentsun ta sventa li smule. Ac'o tal yac' ta jtojol, vu'un li Muc'ul Diosune. Li palee ac'o yac' ta ch'aybel smul, jech ch'aybil smul chcom li boch'o staoj smule.

Levítico 6:7

Ja' yu'un li palee ac'o yac' ta ch'aybel smul ta jtojol li boch'o chc'ot ta pasel yu'unic jchopuc chac le'e, jech ch'aybil smul chc'ot o”, xi li Muc'ul Diose.

Levítico 8:14

Ts'acal lic yal mantal li ac'o yiq'uic tal li ch'ium tot vacax ta sventa mulile. Li Aarón xchi'uc xnich'nabe la scajan sc'obic ta sjol li vacaxe.

Levítico 8:18

Li Moisese lic yal mantal ti ac'o yiq'uic tal noxtoc li chij sventa chich' chiq'uel ta smoton Diose. Li Aarón xchi'uc xnich'nabe laj yac' sc'obic ta sjol li chije.

Levítico 8:22

Li Moisese laj yal mantal ti ac'o yiq'uic tal noxtoc li yan chije, ja' li chij chtun ta sventa ich'ub abtelale. Li Aarón xchi'uc xnich'nabe la scajan sc'obic ta sjol li chije.

Levítico 9:7

Li Moisese jech laj yalbe li Aarone: “Nopajan batel ta sts'el li scajleb smoton Diose. Milbo smoton Dios ta sventa li mulile, xchi'uc li yan jcot tsc'an chachic' sventa chach'aybat amule xchi'uc sventa chch'aybat smulic li jchi'iltactic ta israelale. Ac'o ta stojol Muc'ul Dios noxtoc li matanal sventa chch'aybat smulic jech chac c'u cha'al yaloj ono'ox Muc'ul Diose”, xut.

Números 15:25

Li palee ac'o yac'bun li jmoton sventa xch'ayubil amulic acotolique. Jech li vu'une ta jch'aybe ta co'nton smulic, yu'un muc ta yutsiluc yo'ntonic muc spasic li c'usi caloje, xchi'uc laj yac'bicun li jmoton sventa smulique.

Números 15:28

Jech li palee ac'o stoy sc'ob ta jtojol sventa ac'o ch'aybatuc smul li boch'o oy smul ti muc ta yutsiluc yo'nton la spase, jech ta jpasbe perdón yu'un li smule.

Números 25:13

J'ech'el ta xcac'be o ta sc'obic xchi'uc smomnich'nab li abtel ta paleale yu'un toj it'ix ic'ot yo'nton ti c'alal muc vu'cun xiyich'icun ta muq'ue, xchi'uc ja' to jech la staic o perdón li achi'iltac ta israelale —xi.

Números 8:10

Li levietique ta ora no'ox ac'o sva'an sbaic lec ta jtojol scotolic. Jech li achi'iltac ta israelale scotolic ac'o yac' sc'obic ta sjol li levietique.

Números 8:12

Li levietique ac'o yac' sc'obic ta sjol li ch'ium tot vacaxetique. Jcot ac'o yich' milel ta sventa smulic. Jcot ac'o yich' chiq'uel sventa chich'ic lecubtasel o.

Romanos 12:1

Ja' yu'un quermanotac, ta sventa ti ep la xc'uxubinoxuc li Diose, ta jc'anboxuc vocol ta atojolic ti ac'o avac'beic sventain o abec'talique, yu'un jech ja' cuxul matanal chc'ot, ja' ch'ul matanal; toj lec xcuxet yo'nton yu'un li Diose. Ja' jech li mero yich'el ta muc' Dios tsc'an chapasique.

Romanos 3:25

Yu'un li Diose ja' laj yac'be smal xch'ich'al li Jesucristoe, jech ic'ot ta jch'aymulil ta sventa li boch'otic ta xch'unique. Jech ivinaj ti tuc' yo'nton li Diose, yu'un te la sts'icbe smul li cristianoetic ta poco' vo'onee,

Romanos 5:11

Pero ma'uc no'ox xcuxet co'ntontic ti colemutic xae, toj jun no'ox co'ntontic ta stojol Dios noxtoc ta sventa li Cajvaltic Jesucristoe, yu'un ja' ta sventa ti lec xa jc'opan jba jchi'uctic li Diose.

Filipenses 4:18

Li vu'une laj xa jta lec scotol, oy xa ep scomelal cu'un. Mu'yuc xa c'usi sc'an chca'ay. Laj xa quich' ti c'u yepal laj avac'beic tal li Epafroditoe; toj lec chil li Diose, ja' jun milbil matanal cha'ay ti oy lec smuile.

Hebreos 10:4

Yu'un li xch'ich'al tot vacaxe xchi'uc li xch'ich'al tot tentsune mu xu' yu'un ti j'ech'el chixch'aybutic o jmultique.

1 Juan 2:2

Yu'un ja' laj yac' sba ta milbil matanal sventa la stojbutic jmultic. Mu ja'uc no'ox vu'utic ti la stojbutic jmultique; ja' smul scotol cristianoetic ta sbejel banamil la stojbe.