Levítico 1:3 - Bible in Tzotzil de Chenalhó with Deuterocanon

³ “Me vacax chaq'uic sventa chixchic'bicun jmotonine, ja' ac'o yaq'uic li stot ti bu ven leque. Ti c'u cha'al xu' chquich'beique, te ac'o tal yaq'uic ta ti'ch'ulna pasbil ta nucul ta jtojol, vu'un li Muc'ul Diosune.

Bible in Tzotzil de Chamula

³ “Ti mi ja' yu'un stuc ti chon bolom ta xac' ta chic'bil matanele, sc'an ti ja'uc jcot tot vacax ti mu'yuc jutebuc xchopolile. Yo' jech ich'bil tsacbil ta xc'ot, tsots sc'oplal ta xich' aq'uel ta stojol Dios ta ochebal sti' ti Axibalna ti bu nupel ta bee.

Levítico 1:3 Iomraidhean Croise

Génesis 22:13

Li Abrahame ijoyij, ja' to laj yil oy jcot chij te ts'otol xulub ta ch'ixtic. Jech te bat yic' tal; ja' la xchic' ta smoton Dios ta sventa xq'uexol li xnich'one.

Génesis 22:2

Li Diose jech laj yal: —Ic'o batel li Isaac ti c'ajumal jun anich'one, ti lec c'ux ta avo'ntone. Batan achi'uc ta yosilal Moria. C'alal te xa oyote, te xamilbun jmotonin ta jolvits ti bu ta xcac'bot avile —x'utat.

Génesis 22:8

Itac'ov li Abrahame: —Dios chiyac'butic tana li chij sventa matanale, jnich'on —xut. Te to yochelic batel xanubal.

Génesis 8:20

Li Noee te lic spasbe jun scajleb smoton li Muc'ul Diose yu'un chich' ta muc'. Te la stsac tal li lequil chonbolometic ti stac' ti'ele xchi'uc mutetic ti stac' ti'ele, jujucot ta jujuchop sts'unubal la stsac tal. Te la xchic' ta sventa smoton li Muc'ul Diose.

2 Crónicas 29:32

Ti c'u yepal matanal laj yich'ic tal sventa chich' chiq'uele ja' lajuneb xchanvinic (70) tot vacaxetic, vo'vinic (100) tot chijetic, xchi'uc lajunvinic (200) ch'ium chijetic.

2 Crónicas 35:12

La sloq'uesic scotol li xepu ti c'u yepal tsc'an chiq'uel sventa chaq'uic ta stojol Muc'ul Diose, ja' ti c'u yepal oy ta jujuchop sbiic scotol li israeletique, yu'un jech ts'ibabil ta svun li Moisese. Ja' jech la spasic noxtoc ta sventa li vacaxetique.

Salmos 110:3

Li avinictaque yutsil yo'nton chac' sbaic ta ac'ob ti c'alal yorail chvinaj ch-abtej li avu'ele. Ja' jech chtalic ta atojol jech chac c'u cha'al li job osil chyal ta po'ot saque; ja' jech chtalic ta atojol li querem soldadoetic avu'une.

Salmos 40:8

Dios cu'un, ja' lec chavil ti ta jpas c'usi chac'ane, ti oy ta co'nton ta jch'un li amantale”, xichi.

Éxodo 12:5

Li chij chamilique ja' me ti bu ven leque xchi'uc ti jun to jabil svoq'uele. Xu' jcot ch'ium tot chij, o me jcot ch'ium tot tentsun.

Éxodo 24:5

Te lic yalbe jayibuc queremetic yu'un israeletic ti ac'o smilic tot vacaxetic sventa chchiq'uic ta smoton Dios ti c'u cha'al lec ch-ilatic yu'un Muc'ul Diose.

Éxodo 29:18

Ts'acal te xavac' scotol ta scajleb jmoton yu'un ja' matanal sventa chavich'icun ta muc', xchi'uc ja' chic'bil matanal ta jventa ti lec mu yiq'ue.

Éxodo 29:4

Ja'o xavic' batel xchi'uc xnich'nab li Aarón te ta sti' ch'ulna pasbil ta nucule. Albo ti ac'o atinicuque.

Éxodo 29:42

Le'e ja' li chic'bil matanaletic tsc'an chavaq'uilanic o ta jtojol achi'uc avalab anich'nabic te ta sti' li ch'ulna pasbil ta nucul yo' bu chajtaoxuc ta c'opanele.

Éxodo 32:6

Ta yoc'omal sob iliquic; la xchic'beic smoton, xchi'uc laj yaq'uic yantic matanaletic sventa co'ol yo'ntonic. Scotolic ichotiic; te ive'ic, i'uch'bajic, te lic spasic c'usi tsc'an sbec'talic.

Éxodo 35:21

Li boch'otic lec ic'ot ta yo'ntonique, ti tsots sc'oplal laj ya'yique, ta scotol yo'ntonic tal yac'beic smotonin Muc'ul Dios li c'usitic oy yu'unique. Yu'un ja' sventa chich' pasel o li ch'ulna pasbil ta nucule, xchi'uc scotol li c'usitic chtun tee, xchi'uc li ch'ul c'u'iletic sventa yabtel Diose.

Éxodo 35:29

Scotol li israel viniquetic xchi'uc li antsetic ti tsots sc'oplal laj ya'yic chaq'uic ta yutsil yo'ntonic li c'usitic chtun sventa li abtel jech chac c'u cha'al i'albat yu'un Muc'ul Dios li Moisese laj yich'ic tal ta stojol Dios scotol li c'usitic iloc' ta yo'ntonic chaq'uic tunuc yu'un Muc'ul Diose.

Éxodo 35:5

Tsc'an chavac'beic smoton li Muc'ul Diose. Scotol li boch'otic chc'ot ta yo'nton, ti yutsil yo'nton chaq'uique, ac'o yich' tal c'anal taq'uin, saquil taq'uin, bronce taq'uin,

Éxodo 36:3

Te i'ac'bat ta sc'obic yu'un Moisés scotol li smoton Dios laj yaq'uic israeletic sventa tsliquesic spasel li c'usitic chtun ta sventa ch'ulna pasbil ta nucule. Li israeletique yatelal jujun c'ac'al tal yaq'uilanic o li smoton Dios ti c'u yepal iloc' ta yo'ntonique.

Éxodo 38:1

Li Bezaleele la spas noxtoc scajleb smoton Dios ta acacia te' sventa xchic'ubil matanal. Co'ol sjamalil ta set la spas, ja' chib metro xchi'uc oxc'ob ta set. Ja' jun metro xchi'uc oxc'ob stayalil.

Isaías 1:11

Jech chal li Muc'ul Diose: “¿C'usi stu cu'un li epal matanal chamilbicune? I'ech' xa co'nton yu'un li ch'ium chij chachic'bicune, xchi'uc li xepual ats'unub avovolic ti lec jubenique; mu xa jc'an li xch'ich'al tot vacaxetic, li xch'ich'al chijetic, xchi'uc li xch'ich'al tentsunetique.

Ezequiel 20:40

Yu'un ja' te ta ch'ul vits cu'un, ta toyol vits ta yosilal Israel chlic yich'icun ta muc', chlic tunicuc cu'un scotol li smomnich'nab Israele. Ja' te chlic quiq'uic ta jtojol ta yutsil co'nton; te chlic jc'anbeic matanaletic yu'unic xchi'uc li sba c'usitic chloc' yu'unique xchi'uc li yantic c'usitic voc'bilic cu'un sventa chiyac'bicune.

Ezequiel 40:39

Ta cuarto te ta ochebale oy chancot mexa te oy, chib ta jujujot. Ja' sventa te tsmilic o li smoton Dios chchiq'uique, xchi'uc li smoton Dios sventa xch'ayubil mulile, xchi'uc li smoton Dios sventa c'unil muliletique.

Levítico 1:10

“Me chij, o me tentsun chaq'uic sventa chixchic'bicun jmotonine, ja' ac'o yaq'uic li stot ti bu ven leque.

Levítico 14:10

Ta xvaxquibal c'ac'al ac'o yich' tal cha'cotuc ch'ium chij ti bu ven lequique, xchi'uc jcot tsebal chij ti bu leque, ti jun to jabil svoq'uele, xchi'uc o'lol svucubal kilo lequil arina vots'bil ta aceite, xchi'uc jutuc mu sta o'lol litro aceite.

Levítico 16:7

Ac'o stsac noxtoc li cha'cot tentsune; ac'o yac'bun ta jtojol te ta ti'ch'ulna pasbil ta nucul.

Levítico 17:4

ti muc xich' tal ta ti'ch'ulna pasbil ta nucul sventa chiyac'bun jmotonin, vu'un li Muc'ul Diosune, oy smul chc'ot o ta sventa ti la smal ch'ich'e, ac'o yich' loq'uesel batel ta atojolic.

Levítico 17:8

“Jech xavalbe ya'yic noxtoc: Me oy junuc israel vinic, o me yanlum ti te co'ol nacaloxuc achi'uquic ti tsc'an chaq'uic chic'bil, o milbil matanal ta jventae,

Levítico 17:9

me muc teuc xich'ic tal ta ti'ch'ulna pasbil ta nucule, li boch'o jech tspase, ac'o yich' loq'uesel batel ta atojolic.

Levítico 23:12

Te no'ox ta sc'ac'alil ac'o yac' jcotuc chij ti jun to jabil svoq'uele, ti bu ven leque. Ja' chic'bil matanal chc'ot ta jventa; vu'un li Muc'ul Diosune.

Levítico 23:18

Jmoj ac'o yich'ic tal xchi'uc vuccot ch'ium chij ti jun to jabil svoq'uele, xchi'uc jcot ch'ium tot vacax, xchi'uc cha'cot chij ti bu ven leque. Ja' chic'bil matanal chc'ot ta jtojol, xchi'uc ja' matanal ti lec mu yic' chc'ot ta jtojole. Tsc'an te ono'ox oy li strigoal xchi'uc ya'lel sts'usubale.

Levítico 3:1

“C'alal chamilbicun jmoton sventa chanopajic ta jtojole, xu' chavaq'uic avacaxic, me stot, me sme', pero tsc'an ja' chavac'bicun, ti bu ven leque.

Levítico 4:15

Li moletic yu'unique, ac'o yac' sc'obic ta sjol li vacaxe, xchi'uc te ac'o smilic ta jtojol, vu'un li Muc'ul Diosune.

Levítico 4:23

C'alal me laj xa sna' ti oy smulique, ac'o yac'bun jmotonin jcotuc stentsun ti bu ven leque.

Levítico 4:3

“Me ja' stuc banquilal pale la sta smul ta jtojol, jech oy smul chc'ot yu'un li xchi'iltac ta israelale. Ac'o yac'bun jmotonin jcotuc ch'ium vacax ta sventa li smul staoje. Ja' ac'o yac'bun ti bu ven leque.

Levítico 4:32

“Yan me xchij chich' tal ta sventa li smul la stae, ac'o yic' tal jcotuc sme' xchij ti bu ven leque.

Levítico 5:15

“Me oy boch'o tsta smul ta sventa ti muc ta yutsiluc yo'nton muc ts'acaluc xac' li c'usitic voc'bil xa ta jtojole, ac'o yic' tal jcotuc chij ti bu ven leque. Ac'o tal yac' ta jtojol, vu'un li Muc'ul Diosune. Li chije ac'o yich' q'uelel jaysep saquil taq'uin stojol jech chac c'u cha'al chapanbil te ta ch'ulna ta sventa li muliletique.

Levítico 5:18

Ac'o yic' tal jcotuc xchij ti leque, ti mu'yuc xchamele, xchi'uc vo'ot chaq'uel c'u yepal stojol. Ac'o yic' batel ta stojol li palee. Ja' milbil matanal chc'ot ta sventa smul ti muc ta yutsiluc yo'nton la spase, jech ch'aybil smul chc'ot o.

Levítico 6:2

“Me oy boch'o la sta smule, me j'elec' ic'ot ta jtojol ta sventa ti la slo'la xchi'ile, me la scuy ta yu'un li c'usi ac'bil sventain, o li c'usi xch'amanoje, me laj yelc'an, o me la stsatsal poj no'oxe, oy smul chc'ot o.

Levítico 6:8

Li Muc'ul Diose la sc'opan yan velta li Moisese, jech laj yalbe:

Levítico 7:16

Yan me ja' matanal sventa chapasic c'usi avalojic ta jtojole, o me yutsil no'ox avo'nton laj avaq'uique, xu' chati'ic te no'ox ta sc'ac'alil noxtoc, xchi'uc xu' to chaq'uejic sventa yoc'omal ti c'u yepal chcom avu'unique.

Levítico 8:18

Li Moisese lic yal mantal ti ac'o yiq'uic tal noxtoc li chij sventa chich' chiq'uel ta smoton Diose. Li Aarón xchi'uc xnich'nabe laj yac' sc'obic ta sjol li chije.

Levítico 8:21

Ts'acal lic sapbe lec li sbiquile xchi'uc li yacane. La xchic' te ta scajleb smoton Dios. Ja' li matanal ti lec mu yic' chc'ot ta stojol Muc'ul Dios jech chac c'u cha'al albil ono'ox li Moisese.

Levítico 9:2

Jech laj yalbe li Aarone: “Tsaco tal jcotuc ch'ium vacax sventa smoton Dios ta sventa mulil xchi'uc jcot chij sventa chic'bil matanal ti bu ven leque. Bat aq'uic ta stojol li Muc'ul Diose.

Zacarías 13:7

Jech chal li Muc'ul Dios ti tspas ta mantal scotol te ta vinajele: “Espada, lican, bat ac'bo ya'ay li jchabichij cu'une; bat contraino li vinic ti co'ol cabtel jchi'uque. Bat milo li jchabichije, te ac'o spuc sbaic batel li chijetique. Vu'un ta jcontrain, ta xcac' jc'ob ta stojol li ch'ium chijetique.

Malaquías 1:14

Li boch'o chlo'lavane, ti chal ta jamal ti ja' chiyac'bun jmotonin li xchij te ta scoralil ti toj leque, pero ts'acal ja' chiyac'bun ti bu mu'yuc leque, ac'o c'otuc o ta stojol li c'usi chopole. Yu'un vu'un li Muc'ul Ajvalilune, xi'bilun ta scotol banamil”, xi li Muc'ul Diose.

Números 15:3

C'alal chavac'bicun jmotonin jcot tot vacax, o me jcot chij sventa chachiq'uic yu'un chavich'icun ta muq'ue, ac'beic xchi'ilin batel chibuc kilo lequil arina vots'bil o ta jun litro aceite. Ja' jech tsc'an chapasic jech chac c'u cha'al c'alal chavac'bicun milbil matanal, o me ja' ti chich' chiq'uel scotlijil ti lec mu yiq'ue. C'usiuc no'ox matanalil, me ja' sventa ti its'aqui xa avu'unic li c'usi avalojic ta jtojol chapasique, o me ja' sventa li matanal ti ta yutsil no'ox avo'nton chavaq'uique, persa chavac'beic batel xchi'il.

Números 15:8

Yan me ja' sventa jcot vacax chich' milele, me chic'bil scotlijil tsc'an, o me ja' milbil matanal sventa lec chaquiloxuque, o me ja' sventa ti its'aqui xa li c'usi avalojic ta jtojol chapasique,

Números 19:2

“Vu'un Muc'ul Diosun ta xcal li mantal li'i: Albo achi'iltac ta israelal ti ac'o yich'bicun tal jcotuc me' vacax ti tsojtsojtic sba stsotsile, ti mu'yuc xchamele, ti lec oye, xchi'uc ti mu'yuc to chucbil arado sventa slocubil banamile.

Números 23:19

Li Diose mu jechuc jech chac c'u cha'al cristianoetic ti sna' xchamique. Mu sna' x'epalc'opoj; mu sna' sjel li c'usi tsnope. Me oy c'usi chloc' ta yee, persa tspas. Me oy c'usi chal ta jamale, persa chac' c'otuc ta pasel.

Números 23:27

Ja' yu'un li Balaque jech laj yal: —La' me, batic le' ta jote. Oy yic'al mu lecuc chil Dios ti li' chac'an ac'o lajuc stsatsalic li israeletique —xi.

Números 23:3

Li Balaame jech laj yalbe li Balaque: —Coman li' yo' bu la jmilbetic smoton Diose. Li vu'une, chbat jq'uel me chtal sc'opanun li Muc'ul Diose. Me oy c'usi chiyalbune, te chacalbot ava'ay —xut. Li Balaame ibat ta jun vits ti lec ta jamalaltic oye.

Números 23:30

Li Balaque la spas jech chac c'u cha'al i'albat yu'un li Balaame. La smil jujucot vacax xchi'uc jujucot chij ta jujun li scajleb smoton Diose.

Números 28:11

“Ta sba c'ac'al jujun ue, xavac'bicun jmotonin cha'cot tot vacax sventa chich' chiq'uel, xchi'uc jcot tot chij, xchi'uc vuccot ch'ium chij ti jun to jabil svoq'uele, ti bu ven leque.

Números 28:19

Li jmoton sventa chich' chiq'uele, tsc'an chavaq'uic cha'cot tot vacax, jcot tot chij, xchi'uc vuccot ch'ium chij ti jun to jabil svoq'uele, ti bu ven leque.

Números 28:31

C'alal chavac'bicun li chic'bil matanal le'e, xchi'uc li arina, xchi'uc ya'lel ts'usube, te me xavaq'uic o li matanal ti chich' chiq'uel ta jujun c'ac'ale. Li ats'unub avovolic chavac'bicun jmotonine, ja' me ti bu ven lequique.

Números 29:13

Ta sba c'ac'ale ac'bicun oxlajuncot (13) vacax, cha'cot chij, xchi'uc chanlajuncot (14) ch'ium chij ti jun to jabil svoq'uele, ti bu ven leque. Ja' chic'bil matanal chc'ot ta jtojol ti lec mu yiq'ue.

Números 29:2

Li jmoton tsc'an chavaq'uic ti lec mu yiq'ue aq'uic jcot vacax, jcot chij, xchi'uc vuccot ch'ium chij ti jun to jabil svoq'uele, ti bu ven lequique.

San Lucas 1:35

Itac'ov li j'almantale: —Ja' ta xtal ta atojol li Ch'ul Espiritue. Ta sventa stsatsal Dios ta vinajel ta xlic achi'in li avole. Li olol ta xvoc' avu'une ja' Xch'ulnich'on Dios ta xc'ot sbi.

San Juan 1:36

C'alal laj yil te ta xanov li Jesuse, jech laj yal: —Q'uelavilic, le' oy li ch'ium chij yu'un Diose —xi.

San Juan 10:7

Li Jesuse jech laj yal noxtoc: —Jamal chacalboxuc ava'yic, vu'un li sti' scoralil chij c'otemune.

San Juan 10:9

Vu'un li ti'coralune; scotol li boch'otic ta x'ochic ta jtojole ja' chcolic. Jech xloc' x'ochic no'ox ta scoralic, jech tsta lec sve'elic.

2 Corintios 8:12

Yu'un me yutsil co'nton chcac'tic jech chac c'u cha'al yepal oy cu'untique, lec tsacbil chc'ot. Yu'un mu ja'uc chisc'anbutic li c'usi mu'yuc cu'untique.

2 Corintios 9:7

Jech jujunoxuc aq'uic ti c'u yepal chloc' ta avo'ntonique. Mu me ta chibeteluc; mu me ta sujeluc xavaq'uic. Yu'un ja' chc'anat yu'un Dios li boch'o xcuxet no'ox yo'nton chaq'ue.

Efesios 2:18

Jech ta sventa Cristo ti jcha'chopaltic xa xu' chij'och ta stojol Dios Totil ta sventa ti jun no'ox li Ch'ul Espíritu quich'ojtique.

Efesios 5:27

Yu'un jech toj jun yutsil chc'ot c'alal te tsobol ta stojol li steclumale; me jutuc mu'yuc yic'ubal, mu'yuc c'usi yatinoj, mu'yuc c'usi oy o. Jech bats'i lec, bats'i jun yutsil chc'ot o.

Deuteronomio 12:27

Te xachiq'uic ta sba scajleb smoton Dios li matanal avu'unique. Li xch'ich'ale te xamalic ta sba scajleb smoton li Muc'ul Dios cu'untique, yan li sbec'tale xu' chati'ic.

Deuteronomio 15:21

Yan me mu'yuc leque me coxo, me tuben sat, o me oy c'usi yan ip cha'ye, mu me xavac'beic smotonin li Muc'ul Diose.

Deuteronomio 17:1

“Mu me xamilbeic smotonin Muc'ul Dios cu'untic, achijic o me avacaxic ti oy xchamele, ti mu'yuc leque, yu'un le'e toj chopol chil li Diose.

Hebreos 7:26

Yu'un li Banquilal Pale cu'untique lec jbalintic. Yu'un tuc' yo'nton, mu'yuc smul, me jutuc mu'yuc yic'ubal; mu co'oluc jech chac c'u cha'al vu'utic ti jpasmulilutique, xchi'uc x'ech' to smuc'ul ic'ot jech chac c'u cha'al li vinajele.

Hebreos 9:14

Buuc xa li xch'ich'al Cristoe, j'ech'el la spocbutic o loq'uel ta jol ta co'ntontic li c'usi mu'yuc stu la jpastique, yu'un jech ja' xa chlic tuncutic yu'un li cuxul Diose. Yu'un li stuque mu'yuc smul ta stojol li Diose. Stuc laj yac' sba ta smoton Dios ta jventatic sventa sbatel osil ta sventa li Ch'ul Espiritue.