Levítico 1:2 - Bible in Tzotzil de Chenalhó with Deuterocanon

² “Albo scotol li achi'iltac ta israelale, c'alal me oy boch'o chtal yac'bun jmotone, ja' ac'o yich'bicun tal li xvacaxique xchi'uc li xchijique.

Bible in Tzotzil de Chamula

² “Va'ano aba ta sc'oponel ta stojol ti israeletique. Mi oy buch'u ta xich'bun talel ta jmoton ti chon bolometique, albo ya'iic ti ja' me ac'o yich' talel ti vacaxe, mi ja' ti chije, ti ja' yu'un stuquique.

Levítico 1:2 Iomraidhean Croise

Génesis 4:3

C'alal i'ech' xa'ox jayibuc jabile, li Caine te laj yich'be tal ta smoton Muc'ul Dios li sat c'usitic sts'unoje.

Génesis 4:5

Yan li Caine mu'yuc lec i'ilat xchi'uc li matanal laj yaq'ue. Jech tsots lic ilinuc li Caine; isoc sat ta jyalel.

1 Crónicas 16:29

Ich'biluc ta muc' avu'unic li Muc'ul Dios jech chac c'u cha'al tsc'ane; ac'beic smoton ti c'alal chatalic ta stojole. Quejano, patano abaic ta stojol te ta xch'ulna.

Esdras 3:5

La xchiq'uic li matanaletic ti tsc'an ono'ox chiq'uel ta jujun c'ac'ale, xchi'uc ta yorail unin ue, xchi'uc ta jujun muc'tic q'uinetic sventa Muc'ul Diose; xchi'uc laj yaq'uic yantic smoton Muc'ul Dios ta yutsil yo'ntonic.

Éxodo 20:24

Pasbicun jun scajleb jmoton pasbil ta lum. Te xamilbicun, te xachic'bicun jmotonin achijic avacaxic sventa co'ol co'ntontic. Buyuc no'ox chacac'boxuc avilic yavil ti ta jc'an chavich'icun ta muq'ue, te chtal cac'boxuc bendición.

Números 15:3

C'alal chavac'bicun jmotonin jcot tot vacax, o me jcot chij sventa chachiq'uic yu'un chavich'icun ta muq'ue, ac'beic xchi'ilin batel chibuc kilo lequil arina vots'bil o ta jun litro aceite. Ja' jech tsc'an chapasic jech chac c'u cha'al c'alal chavac'bicun milbil matanal, o me ja' ti chich' chiq'uel scotlijil ti lec mu yiq'ue. C'usiuc no'ox matanalil, me ja' sventa ti its'aqui xa avu'unic li c'usi avalojic ta jtojol chapasique, o me ja' sventa li matanal ti ta yutsil no'ox avo'nton chavaq'uique, persa chavac'beic batel xchi'il.

Números 5:15

Me oy jech chc'ot ta pasel jchopucale, li vinique ac'o yic' batel ta stojol pale li yajnile. Ac'o yich' batel chibuc kilo arina pasbil ta cebada. Ja' matanal sventa ac'o vinajuc smul li yajnile, pero mu me smalta ta aceite, xchi'uc mu me xac'be pom yu'un ja' matanal ta sventa it'ixajel, o sventa chich' vinajesel mulil.

Números 7:15

Xchi'uc laj yic' batel noxtoc jcot ch'ium tot vacax, xchi'uc jcot tot chij xchi'uc jcot ch'ium chij ti jun to jabil svoq'uele, ja' itun sventa chich' chiq'uel ta smoton Dios.

Marcos 7:11

Pero li vo'oxuque lec chava'yic me jech chalbe li stot sme'ique: ‘Mu xu' ta jcoltaot, yu'un scotol li c'usi oy cu'une laj xa cal ti chcac'be ta smoton Diose’, me xutique.

Romanos 12:1

Ja' yu'un quermanotac, ta sventa ti ep la xc'uxubinoxuc li Diose, ta jc'anboxuc vocol ta atojolic ti ac'o avac'beic sventain o abec'talique, yu'un jech ja' cuxul matanal chc'ot, ja' ch'ul matanal; toj lec xcuxet yo'nton yu'un li Diose. Ja' jech li mero yich'el ta muc' Dios tsc'an chapasique.

Romanos 12:6

Pero yantic o c'usi xu' cu'untic ec li jujunutique, ja' ti c'usi jbijiltic laj yac'butic ta slequil yo'nton jujunutique. Ja' yu'un, me ja' amoton yu'un Dios chaval c'usi tsc'ane, ja' me xaval ti c'u yepal xu' avu'un ta sventa xch'unojel avo'ntone.

Efesios 5:2

C'ano abaic jech chac c'u cha'al la sc'anutic li Cristoe, yu'un laj yac' sba ta milel ta jcojtic. Ja' smoton Dios ic'ot, ja' milbil matanal ti oy lec smuil laj ya'ay li Diose.