Levítico 1:17 - Bible in Tzotzil de Chenalhó with Deuterocanon

¹⁷ Ac'o xlich'beic li xiq'ue, ac'o sjavic ta o'lol, pero mu me xtuch'ic o ta j'ech'el. Ts'acal ac'o xchic' te ta scajleb jmoton li palee yu'un ja' chic'bil matanal ti lec mu yic' chc'ot ta jtojol, vu'un li Muc'ul Diosune.

Bible in Tzotzil de Chamula

¹⁷ Mi laj une, ta sjav ta o'lol ti mute. Ta stsacbe ti jujujot xiq'ue, ti mu xtuch' yu'une. Ta slajeb un, ta xchic' ti mut ta sba si' ti oy ta altar sventa matanale, ti ja' jun chic'bil matanal ti jun yutsil smuil ta xich' ac'bel ti Diose.

Levítico 1:17 Iomraidhean Croise

Génesis 15:10

Li Abrame laj yich' tal ta stojol Muc'ul Dios li c'usitic ic'anbate. La xtuch'an ta o'lol li jujucote. Nopol yilojan sba laj yac'. Yan li mutetique mu'yuc la xtuch' ta o'lol.

Génesis 8:21

C'alal ic'ot ta stojol Muc'ul Dios li smuil yic' smotone, jech laj yal: “Mu'yuc xa ta jsoques yan velta banamil ta scoj smul li cristianoetique. Yu'un li cristianoetique ta sbic'talic ono'ox ti ja' no'ox oy ta yo'nton tspasic li c'usi chopole. Jech noxtoc mu'yuc xa ta jtu'pbe sts'unubal yan velta li chonbolometic jech c'u cha'al la jpas li jun velta li'i.

Salmos 16:10

Yu'un muc teuc chacomtsanun o ta jmuquinal; mu'yuc chavac'be yil c'u x'elan c'a'el li ach'ulnich'one.

Levítico 1:13

Ts'acal ac'o sapbeic lec ta vo' li sbiquile xchi'uc li yacane. Li palee ac'o xchic' scotol te ta scajleb jmoton yu'un ja' chic'bil matanal ti lec mu yic' chc'ot ta jtojol, vu'un li Muc'ul Diosune.

Levítico 2:2

Ac'o yich' batel ta stojol li paleetique, ja' li xnich'nabtac Aarone. Jun pale ac'o sjop batel jopuc ta sc'ob li arina capal ta aceite xchi'uc pome. Ac'o xchic' te ta scajleb jmoton sventa sc'anubil vocol ta stojol li boch'o laj yaq'ue; ja' chic'bil matanal chc'ot ta jtojol ti lec mu yiq'ue, vu'un li Muc'ul Diosune.

Levítico 3:5

Li paleetique ac'o xchic' ta scajleb jmoton. Jmoj ac'o xchic' xchi'uc li yan jmoton te chc'ac' yo' bu tsanal li si'e. Ja' chic'bil matanal ti lec mu yic' chc'ot ta jtojol, vu'un li Muc'ul Diosune.

Levítico 5:8

Ac'o yic' batel ta stojol li palee. Li palee ja' ba'yuc ac'o yac' li jcot sventa mulile. Ac'o xmich'be no'ox ta snuc'; mu me sc'ocbe o li sjole.

Levítico 6:14

“Li'i ja' chanubtasel ta sventa c'u x'elan chaq'uic ta jmoton li c'usitic co'oltic jech chac c'u cha'al trigoe: Li paleetique ja' ac'o yaq'uic te ta scajleb jmoton ta jtojol, vu'un li Muc'ul Diosune.

Levítico 8:21

Ts'acal lic sapbe lec li sbiquile xchi'uc li yacane. La xchic' te ta scajleb smoton Dios. Ja' li matanal ti lec mu yic' chc'ot ta stojol Muc'ul Dios jech chac c'u cha'al albil ono'ox li Moisese.

Levítico 9:13

Ts'acal laj yich'beic tal noxtoc li sjole xchi'uc li sbec'tal ti bic'tal bojilanbile, jech te la xchic' ta scajleb smoton Dios li Aarone.

Números 15:3

C'alal chavac'bicun jmotonin jcot tot vacax, o me jcot chij sventa chachiq'uic yu'un chavich'icun ta muq'ue, ac'beic xchi'ilin batel chibuc kilo lequil arina vots'bil o ta jun litro aceite. Ja' jech tsc'an chapasic jech chac c'u cha'al c'alal chavac'bicun milbil matanal, o me ja' ti chich' chiq'uel scotlijil ti lec mu yiq'ue. C'usiuc no'ox matanalil, me ja' sventa ti its'aqui xa avu'unic li c'usi avalojic ta jtojol chapasique, o me ja' sventa li matanal ti ta yutsil no'ox avo'nton chavaq'uique, persa chavac'beic batel xchi'il.

Números 28:8

Li xcha'cotal chij ti chich' milel ta jujun mal c'ac'ale, ac'o yac'beic xchi'ilin yan trigo xchi'uc ya'lel ts'usub jech chac c'u cha'al li jmoton chich' aq'uel ta jujun sobe. Ja' jmoton chachiq'uic ti lec mu yiq'ue; ja' sventa chavich'icun o ta muc'.

San Mateo 27:50

Li Jesuse tsots i'avan yan velta, jech iloc' xch'ulel.

San Juan 19:30

C'alal la sts'uts' ya'lel ts'usub li Jesuse, jech laj yal: —Ivu' xa cu'un scotol —xi. La snijan sba, jech iloc' o xch'ulel.

Romanos 4:25

Ja' ti i'ac'at ta milel ta scoj jmultique, xchi'uc ti icha'cuxesat loq'uel ta smuquinal ta sventa mu'yuc jmultic chijyilutic Diose.

1 Pedro 3:18

Yu'un li Cristoe laj ono'ox yich' vocol ec ti c'alal icham ta scoj jmultique. Jun no'ox velta j'ech'el la xch'aybutic o. Li stuque mu'yuc smul, pero laj yich' vocol ta scoj jpasmuliletic, yu'un jech chijyic'utic batel ta stojol Dios. Icham xchi'uc sbec'tal, pero icha'cuxi xchi'uc ach' sbec'tal ta sventa Espíritu.