Levítico 1:14 - Bible in Tzotzil de Chenalhó with Deuterocanon

¹⁴ “Yan me mutetic chich'ic tal sventa chachic'bicun jmotonin, vu'un li Muc'ul Diosune, ja' ac'o yich'ic tal jcotuc puruvoc stsu, o me stsumut.

Bible in Tzotzil de Chamula

¹⁴ “Yu'un mi ja' jcot mut no'ox ta xich' chiq'uel ta matanal sventa yich'el ta muc' ti Diose, tsots sc'oplal ti ja'uc jcotuc tortola, mi mo'oje, jcotuc bats'i paloma.

Levítico 1:14 Iomraidhean Croise

Génesis 15:9

Itac'ov li Muc'ul Diose: —Ich'bun tal jcotuc biq'uit me' vacax, xchi'uc jcot tentsun, xchi'uc jcot chij ti yich'oj oxib jabil jujucote, xchi'uc jcot puruvoc stsu, xchi'uc jcot stsumut —x'utat.

Levítico 12:8

Yan me mu'yuc yu'un li chije, ac'o yic' tal cha'cotuc puruvoc stsu o me cha'cotuc stsumut. Jcot ac'o yich' chiq'uel ta sventa jmoton; jcot ac'o yich' milel ta sventa xch'ayubil smul. Jech li palee ac'o yac' ta ch'aybel smul li antse, jech lecubtasbil chcom o.

Levítico 5:10

Li xcha'cotale ac'o yich' xchiq'uel jech chac c'u cha'al chich' pasel ono'oxe. Ja' jech ac'o spas li pale sventa chch'aybe smul li boch'o staoj smule, jech ch'aybil smul chc'ot o.

Levítico 5:11

“Pero me mu xtoj yu'un noxtoc li cha'cot puruvoc stsu, o li cha'cot stsumute, xu' ja' no'ox ac'o yich' tal chibuc kilo arina ti bu ven leque. Ja' matanal sventa smul chc'ot. Mu me xac'be aceite xchi'uc pom, yu'un ja' matanal ta sventa mulil.

Levítico 5:7

“Ti me mu'yuc yu'un jcot chije, ac'o yac' cha'cotuc puruvoc stsu, o me cha'cot stsumut ta sventa li smul staoje. Li jcote ja' sventa xch'ayubil smul; li yan jcote ja' sventa chic'bil matanal chc'ot.

San Mateo 11:29

Ja' cuchic li icatsil cu'une, ja' chanic c'u x'elan co'nton yu'un toj lec co'nton, biq'uit cac'oj jba. Me jech chapasique, jech cux xi avo'ntonic.

San Mateo 21:12

Li Jesuse i'och ta ch'ulna ta Jerusalén. Te lic sloq'ues scotol li boch'otic ta xchonolajic, ta xmanulajic ta ch'ulnae. La sbutq'uinbe xmexaic li jeltaq'uinetique. La sbutq'uinbe xilaic li jchonpalomaetique.

San Lucas 2:24

Laj yac'beic smoton Dios noxtoc jech chac c'u cha'al chal ta smantal Diose: “Ac'o yic' tal cha'cot puruvoc stsu, o me cha'cot stsumut”, xi ono'ox.

2 Corintios 8:12

Yu'un me yutsil co'nton chcac'tic jech chac c'u cha'al yepal oy cu'untique, lec tsacbil chc'ot. Yu'un mu ja'uc chisc'anbutic li c'usi mu'yuc cu'untique.

Hebreos 7:26

Yu'un li Banquilal Pale cu'untique lec jbalintic. Yu'un tuc' yo'nton, mu'yuc smul, me jutuc mu'yuc yic'ubal; mu co'oluc jech chac c'u cha'al vu'utic ti jpasmulilutique, xchi'uc x'ech' to smuc'ul ic'ot jech chac c'u cha'al li vinajele.