Levítico 1:10 - Bible in Tzotzil de Chenalhó with Deuterocanon

¹⁰ “Me chij, o me tentsun chaq'uic sventa chixchic'bicun jmotonine, ja' ac'o yaq'uic li stot ti bu ven leque.

Bible in Tzotzil de Chamula

¹⁰ “Mi ja' yu'un stuc ti chon bolom ta xich' chiq'uel ta matanale, mi ja' ti chije, mi ja' ti tentsune, tsots sc'oplal ti ja'uc me ti stote, ti mu'yuc jutebuc ti xchopolile.

Levítico 1:10 Iomraidhean Croise

Génesis 4:4

Jech ec li Abele laj yich'be tal ta smoton Muc'ul Dios sba yoltac xchij ti lec jubenique. Li Muc'ul Diose lec laj yil li Abele xchi'uc li matanal laj yaq'ue.

Génesis 8:20

Li Noee te lic spasbe jun scajleb smoton li Muc'ul Diose yu'un chich' ta muc'. Te la stsac tal li lequil chonbolometic ti stac' ti'ele xchi'uc mutetic ti stac' ti'ele, jujucot ta jujuchop sts'unubal la stsac tal. Te la xchic' ta sventa smoton li Muc'ul Diose.

Éxodo 12:5

Li chij chamilique ja' me ti bu ven leque xchi'uc ti jun to jabil svoq'uele. Xu' jcot ch'ium tot chij, o me jcot ch'ium tot tentsun.

Ezequiel 43:22

Ta xchibal c'ac'al ac'bun jmotonin jcot tot tentsun ti bu ven leque; ja' sventa xch'ayubil amulic noxtoc. Li paleetique ac'o svijbeic ta scajleb jmoton li xch'ich'ale, yu'un jech ts'u'iltasbil chcom jech chac c'u cha'al tspasic ta sventa li ch'ium tot vacaxe.

Levítico 14:10

Ta xvaxquibal c'ac'al ac'o yich' tal cha'cotuc ch'ium chij ti bu ven lequique, xchi'uc jcot tsebal chij ti bu leque, ti jun to jabil svoq'uele, xchi'uc o'lol svucubal kilo lequil arina vots'bil ta aceite, xchi'uc jutuc mu sta o'lol litro aceite.

Levítico 16:3

C'alal ch-och batel ta ch'ulna li Aarone, ac'o yic' ochel jcotuc ch'ium tot vacax sventa mulil, xchi'uc jcot chij sventa chic'bil matanal.

Levítico 16:5

“Li Aarone ac'o stsac cha'cotuc tentsun ta sventa scotol li israeletique, ja' milbil matanal ta sventa smulic. Xchi'uc ac'o stsac jcotuc chij ta sventa chic'bil matanal.

Levítico 22:19

ja' ac'o yich' tal ti bu ven leque, yu'un jech xu' ta jtsac. Ja' ac'o tal yaq'uic li tot vacaxe, li tot chije, o li tot tentsune,

Levítico 23:12

Te no'ox ta sc'ac'alil ac'o yac' jcotuc chij ti jun to jabil svoq'uele, ti bu ven leque. Ja' chic'bil matanal chc'ot ta jventa; vu'un li Muc'ul Diosune.

Levítico 3:1

“C'alal chamilbicun jmoton sventa chanopajic ta jtojole, xu' chavaq'uic avacaxic, me stot, me sme', pero tsc'an ja' chavac'bicun, ti bu ven leque.

Levítico 4:23

C'alal me laj xa sna' ti oy smulique, ac'o yac'bun jmotonin jcotuc stentsun ti bu ven leque.

Levítico 4:3

“Me ja' stuc banquilal pale la sta smul ta jtojol, jech oy smul chc'ot yu'un li xchi'iltac ta israelale. Ac'o yac'bun jmotonin jcotuc ch'ium vacax ta sventa li smul staoje. Ja' ac'o yac'bun ti bu ven leque.

Levítico 5:15

“Me oy boch'o tsta smul ta sventa ti muc ta yutsiluc yo'nton muc ts'acaluc xac' li c'usitic voc'bil xa ta jtojole, ac'o yic' tal jcotuc chij ti bu ven leque. Ac'o tal yac' ta jtojol, vu'un li Muc'ul Diosune. Li chije ac'o yich' q'uelel jaysep saquil taq'uin stojol jech chac c'u cha'al chapanbil te ta ch'ulna ta sventa li muliletique.

Levítico 9:2

Jech laj yalbe li Aarone: “Tsaco tal jcotuc ch'ium vacax sventa smoton Dios ta sventa mulil xchi'uc jcot chij sventa chic'bil matanal ti bu ven leque. Bat aq'uic ta stojol li Muc'ul Diose.

Malaquías 1:14

Li boch'o chlo'lavane, ti chal ta jamal ti ja' chiyac'bun jmotonin li xchij te ta scoralil ti toj leque, pero ts'acal ja' chiyac'bun ti bu mu'yuc leque, ac'o c'otuc o ta stojol li c'usi chopole. Yu'un vu'un li Muc'ul Ajvalilune, xi'bilun ta scotol banamil”, xi li Muc'ul Diose.

Números 15:5

Jech noxtoc li milbil matanal jech chac c'u cha'al laj xa yich' alel tale, ac'beic xchi'ilin batel junuc litro ya'lel ts'usub li jujucot chije.

Números 19:2

“Vu'un Muc'ul Diosun ta xcal li mantal li'i: Albo achi'iltac ta israelal ti ac'o yich'bicun tal jcotuc me' vacax ti tsojtsojtic sba stsotsile, ti mu'yuc xchamele, ti lec oye, xchi'uc ti mu'yuc to chucbil arado sventa slocubil banamile.

Números 6:14

Ac'o yac' jcotuc ch'ium tot chij ti jun to jabil svoq'uele, ti bu ven leque. Ac'o yich' chiq'uel ta sventa jmoton. Xchi'uc ac'o yac' yan jcotuc ch'ium me' chij noxtoc ti bu leque, ti jun to jabil svoq'uele. Ac'o yich' milel ta sventa smul. Xchi'uc ac'o yac' jmotonin yan jcotuc chij ti bu ven leque. Ja' sventa co'ol co'nton jchi'uc.

San Juan 1:29

Ta yoc'omal laj yil Juan ti te ta xtal Jesús yo' bu oye, jech laj yal: “Q'uelavilic, le' xa xtal li ch'ium chij yu'un Dios ti chch'aybe smul scotol cristianoetic ta banamile.

1 Pedro 1:19

Ja' la smanoxuc o ta xch'ul ch'ich'al li Jesucristoe, yu'un ja' laj yich' milel ta jcojtic jech chac c'u cha'al ch'ium chij laj yich' milel, ti toj leque, ti mu'yuc bu chopole.