Levítico 1:1 - Bible in Tzotzil de Chenalhó with Deuterocanon

¹ Li Muc'ul Diose la sc'opan li Moisés te ta ch'ulna pasbil ta nucule. Jech laj yalbe:

Bible in Tzotzil de Chamula

¹ Ti ta Axibalna ti bu nupel ta bee, xi albat ti Moisés yu'un ti Dios ti c'alal c'oponat talele:

Levítico 1:1 Iomraidhean Croise

2 Reyes 16:13

Te jmoj la xchic' xchi'uc li yantic matanal ti co'oltic jech chac c'u cha'al trigoe, xchi'uc te la smal ta sba li ya'lel sts'usube, xchi'uc te la svijbe ta sba noxtoc li xch'ich'al matanal laj yac' ta sventa lec ch-ilat yu'un Diose.

2 Crónicas 29:32

Ti c'u yepal matanal laj yich'ic tal sventa chich' chiq'uele ja' lajuneb xchanvinic (70) tot vacaxetic, vo'vinic (100) tot chijetic, xchi'uc lajunvinic (200) ch'ium chijetic.

Éxodo 19:3

Li Moisese imuy batel yo' bu oy li Dios te ta vits Sinaie. Te ic'opanat yalel tal yu'un li Muc'ul Diose. Jech i'albat: —Jech xavalbe ya'yic scotol li smomnich'nabtac Jacobe, ja' li israeletique:

Éxodo 24:12

Li Muc'ul Diose jech laj yalbe li Moisese: —Muyan batel ta vits te yo' bu ono'ox oyune. Te xamalaun, yu'un chacac'bot li pech'ajtic ton yo' bu ts'ibabil li mantaletic cu'une, yu'un ac'o achanubtas o li achi'iltaque —x'utat.

Éxodo 25:22

Te ta toyol ta o'lol yu'unic li chib sloc'obal querubinetique ja' te ta jc'opan jbatic; te chacalbot mantaletic sventa chavalbe li achi'iltaque.

Éxodo 29:42

Le'e ja' li chic'bil matanaletic tsc'an chavaq'uilanic o ta jtojol achi'uc avalab anich'nabic te ta sti' li ch'ulna pasbil ta nucul yo' bu chajtaoxuc ta c'opanele.

Éxodo 3:4

C'alal laj yil Muc'ul Dios ti inopaj xa batel li Moisese, ic'opoj tal te ta jpets ch'ix: —Moisés, Moisés —xut. —Li' oyune —xi li Moisese.

Éxodo 33:7

Li Moisese laj yich' loq'uel li ch'ulna pasbil ta nucule. Nom to jutuc bat yac' yo' bu spasoj scarpanaique. Ja' ch'ulna pasbil ta nucul yo' bu chc'opanat Muc'ul Dios, xi sbi laj yac'be. Jech c'alal oy c'usi tsc'an tsjaq'uic ta stojol Muc'ul Diose, te to chbatic yo' bu oy li ch'ulna pasbil ta nucule yu'un nom xa jutuc yiloj sbaic xchi'uc ti bu spasoj scarpanaique.

Éxodo 39:32

La sta yorail imeltsaj yu'unic li ch'ulnae, ja' li ch'ulna pasbil ta nucul yo' bu tsc'opan sbaic xchi'uc Muc'ul Diose. Li israeletique ja' jech la sloc'taic jech chac c'u cha'al i'albat yu'un Muc'ul Dios li Moisese.

Éxodo 40:29

Te laj yac' ta nopol ti'ch'ulna noxtoc li scajleb xchic'ubil smoton Diose. Te la xchic'be milbil matanal xchi'uc yantic matanaletic jech chac c'u cha'al albil yu'un Muc'ul Dios li Moisese.

Levítico 7:38

Ja'o te i'albat yu'un Muc'ul Dios ta vits Sinaí li Moisese. Ja'o yorail te lic yalbe scotol israeletic ta xocol banamil Sinaí ti ac'o yac'beic smotone.

Levítico 9:16

C'alal la xchic' li matanale, ja' jech la spasic jech chac c'u cha'al tsc'an ono'ox pasele.

Números 1:1

C'alal xchibal xa'ox u stsacoj chib jabil sloq'uelic tal ta Egipto li israeletique, ta sba c'ac'al li xchibal ue, jech i'albat yu'un Muc'ul Dios li Moisés te ta vits Sinaí ti c'alal te oy ta ch'ulna pasbil ta nucule:

Números 7:15

Xchi'uc laj yic' batel noxtoc jcot ch'ium tot vacax, xchi'uc jcot tot chij xchi'uc jcot ch'ium chij ti jun to jabil svoq'uele, ja' itun sventa chich' chiq'uel ta smoton Dios.

Números 7:89

C'alal i'och ta ch'ulna pasbil ta nucul li Moisés sventa tsc'opan sbaic xchi'uc Diose, laj ya'ay ti laj yich' c'opanel yu'un Dios te ta jot spat xcaxail smantal Dios te ta o'lol yo' bu va'ajtic li sloc'obal querubinetique.

San Juan 1:17

Li smantal Diose ta sventa Moisés laj quich'tic ac'bel. Yan li c'uxubinel xchi'uc li coltael ta melele la jtatic ta sventa Jesucristo.