Jueces 9:7 - Bible in Tzotzil de Chenalhó with Deuterocanon

⁷ C'alal laj ya'ay li Jotame, imuy ta jol vits Gerizim; te tsots lic avanuc, jech laj yal: “Viniquetic ta Siquem, a'yic lec c'usi chacalboxuc. Jech ac'o ya'iboxuc ac'opic ec li Diose.

Bible in Tzotzil de Chamula

⁷ C'alal laj ya'i ti Jotame, muy batel ta jol vits Guerizim, ti xi tsots avan talele yo' jech ta xa'iic scotolic: “¡A'yibeicun ava'iic lec, jnaclejetic ta Siquem! ¡Ja' jech ti Dios eque ta sts'etan sni' xchiquin ta atojolic!

Jueces 9:7 Iomraidhean Croise

Génesis 37:6

Jech laj yalbe: —A'yo ava'yic, ta jcholboxuc li c'usi la jvaychine.

Proverbios 21:13

Li boch'o mu stuc'ulanbe sc'op me'one ja' no'ox jech mu xtuc'ulanbat sc'op ec ti c'alal tsc'an vocole.

Proverbios 28:9

Li boch'o mu sc'an xa'ibe smantal Diose ja' no'ox jech mu x'aybat sc'op yu'un Dios ec ti c'alal tsc'opane.

Isaías 1:15

C'alal chatoy ac'obic ta jtojole, li vu'une ta jnac' jsat ta atojolic. C'alal ep chac'opanicune, mu'yuc ta jtuc'ulanboxuc, yu'un nojem ta ch'ich' chquil li ac'obique.

San Juan 4:20

Li jmoltotactic ta vo'onee li' laj yich'ic ta muc' Dios ta vits li'i. Yan li vo'oxuque chavalic xa ti ja' yich'ubil ta muc' Dios li lum Jerusalene —xi li antse.

Deuteronomio 11:29

“C'alal me laj yac' ochanic batel ta banamil li Muc'ul Dios cu'untic bu chbat apojique, te xc'ot avalbeic sc'oplal li bendición ta vits Gerizime, te xc'ot avalbeic sc'oplal li vocol ta vits Ebale.

Deuteronomio 11:30

Li vitsetic le'e, ja' te ta jot uc'um Jordán ta stuq'uil li be xbat ta smaleb c'ac'ale. Ja' te ta yosilal li canaanetic te nacajtic ta stenlejaltic ta stuq'uil Gilgal ta nopol muc'tiquil tsatsal te'etic ta More.

Deuteronomio 27:12

“C'alal me lajelovic xa'ox batel ta jot uc'um Jordane, li vacchop jchi'iltactic liquemic ta Simeón, ta Leví, ta Judá, ta Isacar, ta José, xchi'uc ta Benjamine, te ac'o baticuc ta jolvits Gerizim sventa tsc'anbeic bendición scotol li jchi'iltactique.

Santiago 2:13

Yu'un li boch'o mu'yuc c'ux ta yo'nton xchi'ile, jech mu'yuc c'ux ta o'ntonal ec ti c'alal ta xchapanate. Yan li boch'o c'ux ta yo'nton xchi'ile, ja' jech c'ux ta o'ntonal ec ti c'alal yorail ta xchapanate.

Josué 8:33

Jech scotol li israeletique li banquilaletique, li j'abteletique, li jchapanvanejetic yu'unique, xchi'uc li yanlum cristianoetic te oy ta stojolique la sva'an sbaic ta jujujot xocon li xcaxail smantal Muc'ul Diose. Ja' te la sva'an sbaic ta stuq'uil li pale-levietic ti xq'uechojic tal ta snecubic li caxae. J'o'lol te va'al ic'otic ta stuq'uil vits Gerizim; j'o'lol te va'al ic'otic ta stuq'uil vits Ebal sventa chich'ic c'anbel bendición ta stojolic yu'un li pale-levietique. Yu'un jech ono'ox albilic comel ta sliquebal yu'un li Moisés, ja' li yajtunel Muc'ul Diose.

Jueces 9:6

Jech scotol li yajvaltac Siquem xchi'uc Bet-miloe la stsob sba scotolic ta sts'el jpets tulan yo' bu pajal jbej ton yu'unic te ta Siqueme. Ja' te la st'ujic ta ajvalilal yu'unic li Abimeleque.

Jueces 9:8

“Oy jun velta la st'ujic ajvalil yu'un stuquic li te'etique, jech laj yalbeic li oliva te'e: ‘Vo'ot chacom ta ajvalilal cu'uncutic’, xutic.