Jueces 9:2 - Bible in Tzotzil de Chenalhó with Deuterocanon

² —Avocolicuc, albo ya'yic scotol jchi'iltactic li' ta Siquem ti ja' jun no'ox boch'o chisventainutique; ja' mu lecuc me chispasutic ta mantal scotol li lajuneb xchanvinic (70) xnich'nab Jerobaale. Na'ic me, li vu'une mero cuts' calal jbatic, jun jbec'tal jch'ich'altic —xut.

Bible in Tzotzil de Chamula

² —Ta sventa ti mu yanucotique, ta jc'anboxuc vocol ta atojolic ti albeic ya'i ti jnaclejetic ta Siqueme, ti ja' lec ti jun no'ox vinic ti c'otuc ta ajvalil yu'unique. Altic no'ox ti c'otem ta ajvalil yu'unic ti lajuneb xchanvinic (70) ta vo' xnich'nab ti Jerobaale.

Jueces 9:2 Iomraidhean Croise

Génesis 29:14

Li Labane jech laj yalbe: “Ta melel vo'ot mero cuts' calalot, jun jbec'tal jch'ich'altic”, xut. Li Jacobe te la xchi'in jun u ta sna li Labane.

2 Samuel 19:13

Jech la stacbe batel mantal ec li Amasae: “Li vo'ote jun jts'unubaltic jun jch'ich'altic ec. Li' ta ora xchi'uc le' to batele vo'ot chacom ta mero jpasmantal yu'un cajsoldadotac. Vo'ot xq'uexolot Joab chacom. Me mu xc'ot ta pasel cu'une, tsots ac'o yac'bun jtoj li Muc'ul Diose”, xut batel.

1 Crónicas 11:1

Scotol li israeletique la stsob sbaic batel, bat sc'opanic li David te ta Hebrone. Jech c'ot yalbeic: “Li vu'utique jun jbec'taltic, jun jch'ich'altic.

Efesios 5:30

Yu'un vu'utic jujuchop sbec'tal Cristo c'otemutic.

Hebreos 2:14

Jech chac c'u cha'al oy xch'ich'al, oy sbec'tal li xnich'nabtaque, ja' no'ox jech ic'ot ec li stuque. Ja' yu'un c'alal ichame, la slajesbe o stsatsal li boch'o sventainoj lajele, ja' li pucuje.

Jueces 8:30

Li Gedeone oy lajuneb xchanvinic (70) xnich'nab, yu'un la sa' ep yajnil.

Jueces 9:18

Pero li vo'oxuque laliquic tal, tal acontrainbeic li yalab xnich'nabe. Ta sba no'ox jbej muc'ta ton laj amilbeic scotol li lajuneb xchanvinic (70) xnich'nabe. Ja' laj atiq'uic ta ajvalil yu'un Siquem li Abimeleque, pero ja' yol yan ants no'ox; ja' no'ox ta sventa ti ja' avuts' avalalique.

Jueces 9:5

Li Abimeleque la xchi'inic batel ta Ofra; ja' te yo' bu to'ox nacal li stote, ja' li Jerobaale. Ta sc'al jbej muc'ta ton la smilic li lajuneb xchanvinic (70) xchi'iltac ta voq'uel Abimeleque. Ja' xa no'ox ivu' to yu'un la snac' sba li Jotam, ja' li xc'ox nich'on Jerobaale.