Jueces 9:15 - Bible in Tzotzil de Chenalhó with Deuterocanon

¹⁵ Li ch'ixe jech laj yal: ‘Me ta melel chac'anic ti vu'un chicom ta ajvalilal avu'unique, tsc'an chavac' abaic li' ta jyaxinal. Yan me mu xac'anique, ta xloc' tal c'oc' li' ta jtojol; ta jchic' scotol li ch'ut te'etic ta Libanoe’, xi.

Bible in Tzotzil de Chamula

¹⁵ Albatic yu'un ti ch'ix te'e, ti lec ta xa'i ti ta xc'ot ta ajvalil yu'unique. Ti mi ja' jech yo'ntonic melel ta xc'ot ta ajvalil yu'unique, ti scotolicuc ac'o yac' sbaic ta yolon squeovale. Yan ti mi mu sc'anic ti ta xc'ot ta ajvalil yu'unique, ta xloc' talel c'oc' ta stojol, ti ta sbal ta chiq'uel ta c'oc' ti ch'ut te'etic ti oy ta Líbanoe.

Jueces 9:15 Iomraidhean Croise

2 Reyes 14:9

Li Joás, ajvalil ta Israele, jech la stac'be sutel li Amasiase: “Li jpets ch'ixe jech laj yalbe batel li jpets ch'ut te' ta Libanoe: ‘Ac'bo yic' atseb li jquereme’, xut. Pero te ijelov jcot jti'vanej bolom, ech' xpech' ta teq'uel li ch'ixe.

Salmos 104:16

Li te'etique tsta lec ya'lelic, ja' li ch'ut te'etic te ta Líbano ti la sts'un Muc'ul Diose.

Salmos 29:5

Li sc'opojel Muc'ul Diose chjecan yalel sc'ob ch'ut te'etic yu'un, ja' li epal ch'ut te'etic ta Libanoe.

Isaías 1:31

Li boch'otic tsnop ti lec xu' yu'unique ja' jech chc'otic jech chac c'u cha'al taqui jobel; li yabtelique chc'ataj ta nich c'oc'. Xcha'chopal chlic tsanuc; mu'yuc xa boch'o xu' yu'un tstu'p o”, xi li Muc'ul Diose.

Isaías 2:13

Tstsal noxtoc li boch'o ja' jechic jech chac c'u cha'al ch'ut te'etic ta Líbano, ti toj muc'tic, ti toj natique, xchi'uc ti scuyoj sbaic jech chac c'u cha'al tulantic ta Basane,

Isaías 30:2

Ta anil no'ox chbatic ta Egipto, mu'yuc c'usi chisjac'bicun o li vu'une; ja' chbat sc'anic coltael ta stojol li Faraone, ja' tsmac sbaic o ta xyaxinal li Egiptoe.

Isaías 37:24

Ta sventa j'abteletic avu'un laj achopolc'opta li Cajvaltique. Jech laj anop: ‘Ta sventa epal caretaetic cu'un limuy tal ta jolvitsetic; limuy tal ti bu bats'i toyol li' ta Libanoe. La jts'etbe li ch'ut te'etic yu'unic ti lec natique xchi'uc li c'uc'tojetic yu'unic ti toj c'upilic sbae. Livul c'alal ta mero jolvitsetic yu'unic ti bats'i toyolique, xchi'uc livul c'alal ta toyolaltic yu'unic ti xco'laj xa xchi'uc ts'unubaltic yilele.

Lamentaciones 4:20

Laj xa yich' chuquel li st'ujbil ajvalil Muc'ul Diose ti la jnoptic ja' chispojutic yu'un jech mu xijchame; ja' li boch'o jech laj caltic ta stojole: “Ja' ta xyaxinal xu' chijcuxiutic te ta stojol li yantic lumetique”, ti xijchiutique.

Ezequiel 19:14

Te chloc' c'oc' ta o'lol sc'obc'obtac; te chc'ac' o li sc'obc'ob xchi'uc sate, jech mu'yuc sc'ob chcom ti lec tsots sventa chtun ta svaston ajvaliletique’, xi li q'ueoj xaq'uejintae”, xiyutun. (Li'i ja' q'ueoj sventa at-o'nton; ja' ac'o tunuc o avu'unic sventa at-o'nton.)

Ezequiel 31:3

Li vo'ote co'olot jech chac c'u cha'al ch'ut te' ta Líbano ti lec c'upilic sba sc'obc'obe, ti lec pim yanale, ti lec nate, ti xc'ot c'alal to ta pimil toquetic li sni'e.

Daniel 4:12

Lec c'upilic sba yanal, lec pim sat noxtoc. Te tsta sve'el scotol li cristianoetique. Te ital xcux yo'ntonic ta yolon scotol li chonbolometique. Te ital spas stasic ta sc'obc'ob scotol li mutetique; ja' te la sta sve'elic scotol li c'usitic cuxulic ta banamile.

Oseas 14:7

Li Israele ta xtal nacluc yan velta ta jyaxinal, jech lec ta xch'i jech chac c'u cha'al trigo. Lec ta xnichinic jech chac c'u cha'al ts'usub; ta xpuc lec sc'oplalic jech chac c'u cha'al ya'lel ts'usub chloc' ta Líbano.

Números 21:28

Ta lum Hesbón, ja' li slumal Sehone, te iloc' tal yat c'oc'. La slajes li lum Ar yu'un moabetique xchi'uc li toyol vitsetic yu'un Arnone.

San Mateo 13:32

Li bec' mostazae ja' biq'uit ta scotol li yantic ts'unubiletique, pero c'alal chch'ie ja' muc' chc'ot ta scotol li yantic itajetique. Lec jpets ta te' chbat, te chtal mutetic, chtal spas stasic ta sc'obc'ob”, xi li Jesuse.

Jueces 9:14

“Ts'acal lic sc'anbeic noxtoc jtec' ch'ix ti ja' ac'o comuc ta ajvalilal yu'unique.

Jueces 9:16

“Ja' yu'un li vo'oxuque ¿me ta melel laj anopic lec ti ja' laj at'ujic ta ajvalilal avu'unic li Abimeleque? Xchi'uc ¿me jech slequil avo'ntonic ta stojol xchi'uc yalab xnich'nab ec li Jerobaal jech chac c'u cha'al slequil yo'nton ta atojolique?

Jueces 9:20

Pero me mu jechuque, ¡ac'o loc'uc c'oc' ta stojol li Abimeleque; ac'o xchic' scotol li Siqueme xchi'uc li Bet-miloe. Xchi'uc ac'o loc'uc c'oc' ta stojol li Siquem xchi'uc Bet-miloe; ac'o xchic' li Abimeleque!”, xi.

Jueces 9:44

Li Abimelec xchi'uc li jtsob xchi'iltaque bat yac' sbaic ta ora ta sti' li lume; te icomic o. Li yan cha'tsob xchi'iltaque ja' te sbats'ilic scontrainel, smilel li yajval lumetic loq'uemic batel ta te'tique.

Jueces 9:49

Jech scotolic la sebic batel jujujec c'ob te'. La xchi'inic batel li Abimeleque; te c'ot yaq'uic ta ch'ulna. Laj yac'beic sc'ac'al, jech te la smilic o scotol li boch'otic te snac'oj sbaique. Oy van jmil (1,000) vinic antsetic te oyic.