Jueces 8:23 - Bible in Tzotzil de Chenalhó with Deuterocanon

²³ Itac'ov li Gedeone: —Mu xavajvalinicun vu'un xchi'uc jnich'nab. Ja' xavajvalinic stuc li Muc'ul Diose.

Bible in Tzotzil de Chamula

²³ Ja'uc ti Gedeone xi laj staq'ue: —Mi ja'uc ti vu'une, mi ja'uc ti jnich'nabe, ti ta xi'ochcutic ta ajvalilal avu'unique. Yu'un ja' ac'o spasoxuc ta mantal ti Dios avu'unique.

Jueces 8:23 Iomraidhean Croise

Salmos 10:16

Li Muc'ul Diose ja' Muc'ta Ajvalil o sbatel osil. Li boch'otic mu xich'ic ta muq'ue tsmes loq'uel ta stojol.

Salmos 149:2

Israeletic, cuxetuc avo'ntonic ta stojol li Boch'o la spasoxuque; jnaclumetic ta Sión, cuxetuc avo'ntonic yu'un li Ajvalil avu'unique.

Isaías 33:22

Ja' ta xlic yochanuc li yaq'uiltac barcoe; mu'yuc tsinil chcom li sjoc'leb spoc'ale, jech mu xu' chich' lich'anbel lec li spoc'ale. Vu'utic ta xquich'betic li c'usitic oy yu'unique; c'alal ta ma'sat xu' tsta, c'alal ta coxoetic xu' tspoj. Yu'un ja' jchapanvanej cu'untic stuc li Muc'ul Diose; ja' tspas mantal stuc, ja' muc'ul ajvalil cu'untic; ja' stuc chiscoltautic.

Isaías 63:19

Xco'laj xchi'uc mu'yuc aventainojuncutic ta q'uelel; xco'laj xchi'uc mu'yuc bu jcuchojcutic abi yilel.

2 Corintios 1:24

Mu yu'unuc ta jc'an vu'un yajvalun xch'unojel avo'ntonic chic'ot. Ja' no'ox ta jc'an ta jcoltaoxuc, yu'un jech xcuxet no'ox avo'ntonic. Yan li xch'unojel avo'ntonic ta stojol Cajvaltique jna'oj ti staoj yav ach'unojic oe.

1 Pedro 5:3

Mu me xacuy abaic ta jpasmantal ta stojol li boch'otic aventainojique. Ja' tsc'an vo'oxuc chavaq'uic ta ilel c'usi lec ta pasel ta stojolic.

Jueces 10:18

Li israeletic te nacajtic ta Galaade xchi'uc li banquilaletic yu'unique jech laj yalbe sbaic: “Li boch'o chijyic'utic batel ta scontrainel li amonetique ja' chcom ta jpasmantal yu'un scotol li jnaclumetic li' ta Galaade”, xut sbaic.

Jueces 2:18

C'alal la sva'an jchapanvanej jujun velta li Muc'ul Diose, lec ibat li yabtelique yu'un la scolta. Ti jayib c'ac'al cuxul li jchapanvanejetique, icolic loq'uel ta sc'ob yajcontraic li israeletique. Yu'un li Muc'ul Diose laj ya'ay ti ep x'ayetic ta scoj li tsots vocol xchi'uc uts'intaele, jech ic'uxubaj ta yo'nton.

Jueces 8:22

Li israeletique jech lic yalbeic li Gedeone: —Vo'ot chacajvalinotcutic achi'uc anich'on xchi'uc amomnich'nabtac, yu'un vo'ot laj acoltauncutic loq'uel ta sc'ob li madianetique —xutic.

1 Samuel 10:19

Pero li vo'oxuque laj xa abajic li Dios cu'untic ti la scoltaoxuc ta sventa c'opetic xchi'uc ta sventa avocolique, yu'un jech laj avalic: ‘Mo'oj, ac'buncutic jun ajvalil cu'untic’, xachiic. Ja' yu'un li' ta orae la'ic ta stojol Muc'ul Dios acotolic ta jujuchopoxuc, xchi'uc ta jujuchop abiic —xut.

1 Samuel 12:12

Pero c'alal laj avilic ti chtal xa stsacoxuc ta pleito li Nahas, ja' li ajvalil yu'un amonetique, lic ac'anbicun jun ajvalil avu'unic yu'un ac'o sventainoxuc, ac'o me ja' ajvalil avu'unic stuc li Muc'ul Dios cu'untique.