Jueces 8:22 - Bible in Tzotzil de Chenalhó with Deuterocanon

²² Li israeletique jech lic yalbeic li Gedeone: —Vo'ot chacajvalinotcutic achi'uc anich'on xchi'uc amomnich'nabtac, yu'un vo'ot laj acoltauncutic loq'uel ta sc'ob li madianetique —xutic.

Bible in Tzotzil de Chamula

²² Va'i un, ti israeletique xi laj yalbeique: —Ti jech laj xa apojuncutic ta yoc ta sc'obic ti madianitaetique, ta jc'ancutic ti ta xa'ochic ta ajvalil cu'uncutic xchi'uc ti anitilultaque.

Jueces 8:22 Iomraidhean Croise

Génesis 37:28

C'alal ijelovic li jbolomaletique, ja' li madianetique, la sloq'uesic ta vomlum li Josee; la xchonbeic batel li ismaeletique. Ja' jtob (20) ta sep saquil taq'uin stojol laj yaq'uic. Jech laj yiq'uic o batel ta Egipto li Josee.

San Juan 6:15

Li Jesuse la sna' ti tsc'an tstsaquique, yu'un tsujic ti ac'o ochuc ta muc'ta ajvalilale. Jech iloc' batel stuc; ibat ta vits.

Jueces 8:21

Ja' yu'un li Zeba xchi'uc Zalmunae jech laj yalbeic li Gedeone: —¡Miluncutic atuc! Yu'un li vo'ote toj tsots avo'nton —xutic. Jech iva'i li Gedeone; la smil. Laj yich'be comel li xotajtic taq'uinetic spasojic ta xnichimal snuc' scamelloique.

Jueces 8:23

Itac'ov li Gedeone: —Mu xavajvalinicun vu'un xchi'uc jnich'nab. Ja' xavajvalinic stuc li Muc'ul Diose.

1 Samuel 12:12

Pero c'alal laj avilic ti chtal xa stsacoxuc ta pleito li Nahas, ja' li ajvalil yu'un amonetique, lic ac'anbicun jun ajvalil avu'unic yu'un ac'o sventainoxuc, ac'o me ja' ajvalil avu'unic stuc li Muc'ul Dios cu'untique.

1 Samuel 8:5

Jech c'ot yalbeic: “Li vo'ote molot xa. Pero li anich'nabe mu jechuc tspasic jech chac c'u cha'al chapase. Ja' yu'un va'anbuncutic junuc ajvalil cu'uncutic jech chac c'u cha'al oy ajvalil yu'un scotol li lumetique”, xutic.