Jueces 8:21 - Bible in Tzotzil de Chenalhó with Deuterocanon

²¹ Ja' yu'un li Zeba xchi'uc Zalmunae jech laj yalbeic li Gedeone: —¡Miluncutic atuc! Yu'un li vo'ote toj tsots avo'nton —xutic. Jech iva'i li Gedeone; la smil. Laj yich'be comel li xotajtic taq'uinetic spasojic ta xnichimal snuc' scamelloique.

Bible in Tzotzil de Chamula

²¹ Va'i un, ti Zeba xchi'uc ti Zalmunae xi laj yalbeic ti Gedeone: —¡Miluncutic ti vo'ot une! ¡Yu'un mi tsatsal vinic xava'i abae, quere, toj yalel yu'un ti yoc sc'obe, ma'uc no'ox ti ye xvulvune! Jech ti Gedeone va'i batel, laj smil. Laj yu'nin ti c'usitic jun yutsiquil yuinoj scamello ti Zebae xchi'uc ti Zalmunae.

Jueces 8:21 Iomraidhean Croise

Salmos 83:1

Dios cu'un, mu me teuc no'ox ch'an xachi; mu me teuc no'ox mu xabac', mu xac'opoj.

Salmos 83:11

Ja' jech xapasbe li jpasmantaletic yu'unic jech chac c'u cha'al laj apasbe li Oreb xchi'uc Zeebe; ja' jech chapasbe noxtoc li banquilaletic yu'unic jech chac c'u cha'al laj apasbe li Zeba xchi'uc Zalmunae.

Salmos 83:12

Yu'un jech chalic: “Vu'utic ta jpojtic li sve'ub xchijtac Diose”, xiic.

Isaías 3:18

Me la sta sc'ac'alile, ta xnitbatic loq'uel yu'un Muc'ul Dios scotol li c'usitic xnichinam no'ox xchi'uquique, li c'usitic yac'oj ta yacanique, li snet' sjolic ti lec xotajtique, li c'usitic xotajtic jech chac c'u cha'al o'lol u yilele,

Josué 10:26

Li Josuee lic smil li ajvaliletique. Laj yal mantal ti ac'o sjoc'anic ta jujubej te' jujunique. Te joc'ol icom o c'alal to imal c'ac'al.

Apocalipsis 9:6

C'alal ja'o jech yoraile, li cristianoetique tsa'ilan c'u x'elan xu' chchamic, pero mu staic. Tsc'an chchamic, pero mu xloc' batel ta stojolic li lajele.

Jueces 15:12

Jech laj yalbeic: —Li' litalcutic, tal jchucotcutic batel yu'un chbat cac'otcutic ta sc'ob li filistaetique —xutic. Itac'ov li Sansone: —Albicun ta stojol Dios ti mu'yuc chamilicun li vo'oxuque —xut.

Jueces 8:20

Li Gedeone ta ora jech laj yalbe li sba xnich'on Jeter sbie: —¡Lican, bat milo! —xut. Pero li Jetere muc sc'an sloq'ues yespada; ixi', yu'un querem to.

Jueces 8:22

Li israeletique jech lic yalbeic li Gedeone: —Vo'ot chacajvalinotcutic achi'uc anich'on xchi'uc amomnich'nabtac, yu'un vo'ot laj acoltauncutic loq'uel ta sc'ob li madianetique —xutic.

Jueces 8:26

Li nats'iletic pasbilic ta c'anal taq'uine jutuc mu sta balunlajuneb (19) kilo yalal. Ja' mu'yuc tsacbil ta venta li xnichimaltaque, li bic'tal lequil tonetic ti toj c'upilic sbae, xchi'uc li poq'uetic ti tsojtsojtic sba ti tstunesic li ajvaliletic ta Madiane, xchi'uc li nats'iletic ti yac'ojbeic ta snuc' scamelloique.

Jueces 9:54

Ta ora laj yic' jun xchi'il ti oy lec yabtejebe, jech laj yalbe: “Loq'ueso avespada; milun ta ora, yu'un mu jc'an boch'o xalbun ti jun ants la smilune”, xut. Jech la sloq'ues yespada li xchi'ile; la spajbe ochel, jech icham o.

1 Samuel 31:3

Bat yac'beic noxtoc li Saule. Ep ta moj laj yac'beic flecha, jech toj ep ixi' li Saule.

1 Samuel 31:5

C'alal laj yil j'ich'-abtejebal ti icham xa li ajvalil yu'une, la smil sba ta yespada stuc ec, jech co'ol te ichamic o.