Jueces 7:9 - Bible in Tzotzil de Chenalhó with Deuterocanon

⁹ Ta yac'ubalil jech i'albat yu'un Muc'ul Dios li Gedeone: “Lican me; yalan batel yo' bu oy li madianetique yu'un cac'ojbot xa ta ac'ob.

Bible in Tzotzil de Chamula

⁹ Ta yac'ubalil no'ox taje, xi pasat ta mantal yu'un Dios ti Gedeone: “Chapano aba yalel, lic tsaco ta leto ya'i ti madianitaetique. Yu'un ta xcac'bot ta avoc ta ac'ob.

Jueces 7:9 Iomraidhean Croise

2 Crónicas 20:17

Mu persauc chapasic pleito li vo'oxuque; te no'ox va'ano abaic, ch'anchanic. Q'uelavilic c'u x'elan chajcoltaoxuc, vu'un li Muc'ul Diosune. Yajvaltac Judá xchi'uc Jerusalén, mu me xaxi'ic; mu me xchibaj avo'ntonic. Loc'anic batel oc'om, bat ac'beic; te chajchi'inoxuc’, xijyututic li Muc'ul Diose”, xi li Jahaziele.

Job 4:13

Ta ac'ubaltic c'alal ja'o yorail chvay scotol cristianoetique, oy c'usi tsots laj quil ta jch'ulel.

San Mateo 1:20

C'alal jech snopoj li Josee, ivaychin. Ta xvayech laj yil jun yaj'almantal Dios, jech i'albat: “José, vo'ot smomnich'onot David, mu xaxi' chavic' li Mariae, yu'un li yol xchi'inoje ja' ac'bil yu'un Ch'ul Espíritu.

San Mateo 2:13

C'alal sutemic xa'ox batel li bijil viniquetic ti sna'ic sq'uelel c'analetique, ivaychin li Josee. Ta xvayech laj yil jun yaj'almantal Dios, jech i'albat: “Lican, ic'o batel li olole xchi'uc li sme'e. Jatovanic batel ta ora ta Egipto banamil. Te oyanic o; ja' to me laj calboxuc ti xu' chasutic tale. Yu'un li Herodese tsc'an ta st'un li olole, yu'un tsc'an ta smil”, x'utat.

Hechos 27:23

Yu'un ta ac'ubaltic naxe, i'ay sc'opanun jun yaj'almantal li Dios ti quich'oj ta muq'ue, ti chitun yu'une.

Josué 10:8

Li Muc'ul Diose jech laj yalbe li Josuee: “Mu me xaxi'; vu'un chacac'bot ta ac'ob, me junuc mu xu' yu'un chatsalicot”, xut.

Josué 11:6

Pero li Muc'ul Diose jech laj yalbe li Josuee: “Mu me xaxi'. Oc'om jech ora chac c'u cha'al li'i chacac'bot ta ac'obic. Scotol ta xcham avu'unic vo'oxuc li israeloxuque. C'asbeic yacan scotol li sca'ique; ac'beic sc'ac'al li scaretaic sventa pleitoe”, xut.

Josué 2:24

Jech laj yalbeic: “Li Muc'ul Diose yac'ojbutic xa ta jc'obtic li banamile. Scotol li yajvaltac banamil tee solel chchamic xa ta xi'el cu'untic”, xutic c'otel.

Jueces 3:10

Li Muc'ul Dios ti mu'yuc sbec'tale ital ta stojol li Otoniele, jech ivu' yu'un la spoj li xchi'iltaque. Li Otoniele iloc' batel ta pleito, li Muc'ul Diose laj yac' ti ac'o tsalatuc li Cusan-risataime.

Jueces 3:28

Li Aode jech laj yalbe li xchi'iltaque: “Ts'aclinicun me, yu'un li Muc'ul Diose laj xa yac'butic ta jc'obtic li cajcontratique, ja' li moabetique”, xut. Jech la sts'aclinic batel; te ic'otic ta ti' uc'um Jordán ta yosilal Moab. Me junuc mu'yuc boch'o laj yac' jelovicuc tal ta jot uc'um.

Jueces 7:10

Me chaxi' chava'ay ti chayal batele, ic'o batel achi'in li amozo Furae,

Jueces 7:8

Jech li Gedeone laj yalbe ti xu' xa ac'o suticuc batel ta snaic li yantic xchi'iltaque. Pero c'alal mu'yuc to chbatique, la stsobbe comel li sjarroique xchi'uc li xcachuique. Ja' xa no'ox te com xchi'in li oxib ciento (300) viniquetic t'ujbilique; te spasoj scarpanaic ta cajal yo' bu oyic ec li madianetic ta stenlejaltique.

1 Samuel 14:8

Ja' yu'un jech laj yal li Jonatane: —Jelovcutic batel le' ta jote, bat cac' jbatic ta ilel yu'un li viniquetique.

1 Samuel 23:4

Ja' yu'un li Davide lic sjac'be Muc'ul Dios yan velta c'usi xu' tspas. Jech itac'bat yu'un li Muc'ul Diose: —Xanovanic xa batel; batanic ta Keila. Vu'un chacac'bot ta ac'ob li filistaetique —x'utat.