Jueces 7:8 - Bible in Tzotzil de Chenalhó with Deuterocanon

⁸ Jech li Gedeone laj yalbe ti xu' xa ac'o suticuc batel ta snaic li yantic xchi'iltaque. Pero c'alal mu'yuc to chbatique, la stsobbe comel li sjarroique xchi'uc li xcachuique. Ja' xa no'ox te com xchi'in li oxib ciento (300) viniquetic t'ujbilique; te spasoj scarpanaic ta cajal yo' bu oyic ec li madianetic ta stenlejaltique.

Bible in Tzotzil de Chamula

⁸ C'alal mu to ta sutic batele, ti Gedeone laj yal mantal ti ac'o yich' tsobel comel ti sq'uibique, ti xulub xchijique. C'ajomal xa no'ox com xchi'uc ti vo'lajunvinic (300) ta vo' ti t'ujbilique. C'ot svol sbaic ta lamlej ta yac'ol ti bu vololic ta lamlej ti madianitaetic ta stenlejale.

Jueces 7:8 Iomraidhean Croise

Isaías 27:13

Ja'o yorail chich' jupanel li muc'ta oq'uese, jech chlic talicuc scotol li boch'otic spucoj sbaic batel ta yosilal Asiriae, xchi'uc li boch'otic chucbilic batel ta Egipto banamile. Te chvul yich'ic ta muc' ta ch'ul vits li Muc'ul Diose, ja' li Jerusalene.

Levítico 23:24

“Jech xavalbe ya'yic scotol li achi'iltac ta israelale: Ta sba c'ac'al li svucubal ue chabiic jun c'ac'al sventa chacux avo'ntonic, xchi'uc pasic jun ch'ul tsobajel sventa chavich'icun ta muc', xchi'uc jupano avoq'uesic sventa chana'icun.

Levítico 25:9

Ta slajunebal c'ac'al yochel li svucubal ue ja' Sc'ac'alil Xch'ayubil Mulil. Jupanic li xulub achijic ta scotol avosilalique.

Números 10:9

“C'alal me chtal stsacoxuc ta pleito te ta avosilalic li avajcontraique, tsots chajupanic li oq'uesetique; bat tsaquic ta pleito acotolic. Jech chat'abic ta co'nton vu'un li Muc'ul Diosun avu'unique; jech chajcoltaoxuc loq'uel ta sc'ob li avajcontraique.

1 Corintios 15:52

Ta anil no'ox, jmaq'uel no'ox ta satil chc'ot ta pasel, ja'o ti c'alal chbac' oq'ues ta slajebale. Yu'un ta xich' jupanel li oq'uese, jech ta xcha'cuxiic scotol li boch'otic chamenique, jech mu xa sna' xchamic o. Jech ec li vu'utique chc'ataj ta ach' li jbec'taltique.

Josué 6:20

Jech lic avanuc scotol li israeletique. Jech ec li paleetique la sjupanic li xcachuique. C'alal laj ya'yic scotol israeletic ti jal la sjupan xcachuic li paleetique, ven tsots lic avanicuc scotolic, jech ijin yalel scotol li coralton yu'un lume. Jech te no'ox tuc' i'ochic batel ti bu va'ajtic jujunique, jech i'och o ta sc'obic.

Josué 6:4

Vucub paleetic ac'o jelovicuc batel ta ba'yucbe yu'un li xcaxail jmantale. Ac'o yich'ic batel jujun xcachuic sventa tsjupanic. Ta svucubal c'ac'ale joyibtaic vucubuc velta li lume. Li paleetique ac'o sjupan li xcachuique.

Jueces 3:27

C'alal te xa'ox ochem ta Seirat li Aode, lic sjupan xcachu te ta vits yu'un Efraín. Jech scotol israeletic iyalic batel; ja' ba'yucbe ibat yu'unic li Aode.

Jueces 6:33

Li madianetic, li amalequetic, xchi'uc li cristianoetic ta stuq'uil sloq'ueb c'ac'ale la stsob sbaic tal scotolic. Ijelovic tal ta jot uc'um Jordán; te vul spas scarpanaic ta stenlejaltic Jezreel.

Jueces 7:7

Ja' yu'un li Muc'ul Diose jech laj yalbe li Gedeone: “Li oxib ciento (300) viniquetic le'e, lec xu' chajcoltaoxuc o acotolic, xchi'uc xu' chatsalic o li madianetique. Li yantique xu' ac'o suticuc batel ta snaic”, xut.

Jueces 7:9

Ta yac'ubalil jech i'albat yu'un Muc'ul Dios li Gedeone: “Lican me; yalan batel yo' bu oy li madianetique yu'un cac'ojbot xa ta ac'ob.