Jueces 7:23 - Bible in Tzotzil de Chenalhó with Deuterocanon

²³ Jech la stsob sbaic scotol li boch'otic liquemic ta Neftalí, ta Aser xchi'uc ta Manasese yu'un ac'o bat snutsic li madianetique.

Bible in Tzotzil de Chamula

²³ Va'i un, taatic ta iq'uel ti israeletic snitilultac ti Neftalie, ti Asere, xchi'uc ti Manasese, yo' jech xba slubiic ta be ti madianitaetique.

Jueces 7:23 Iomraidhean Croise

Génesis 36:35

C'alal icham li Husame, i'och yan xq'uexol, Hadad sbi, ja' li xnich'on Bedad ti la stsal Madián te ta yosilal Moabe. Li slumale ja' Havit sbi.

1 Reyes 20:20

Jujunic te no'ox la smilic li yajcontraic c'alal ital taaticuque, jech ijatovic batel li siriaetique. Li israeletique la snutsic batel, pero li Ben-adad, ja' li ajvalil ta Siriae, ijatovic batel xchi'uc jayibuc soldadoetic cajajtic ta ca'.

1 Reyes 20:21

Li ajvalil ta Israele bat smil li boch'otic cajajtic ta ca'e. Laj yich'be li sca'ic xchi'uc scaretaique; solel tsalbil ic'ot yu'unic o li siriaetique.

Levítico 26:7

Xchi'uc xu' avu'un chanutsic batel li avajcontraique; te no'ox chamilic ta espada scotolic.

Jueces 6:35

Jech noxtoc la stac ta iq'uel scotol li jchop liquemic ta Manasese, jech la stsob sbaic tal scotolic. Jech noxtoc la stac ta iq'uel li boch'otic liquemic ta Aser, ta Zabulón, xchi'uc ta Neftalie, jech scotolic la stsob sbaic tal ta stojol li Gedeone.