Jueces 7:21 - Bible in Tzotzil de Chenalhó with Deuterocanon

²¹ Li israeletique te va'ajtic icomic o ta sjoylijil carpanaetic ti bu ono'ox va'ajtique. Jech li madianetique ijatovic batel; x'avlajetic batel ta anil ta xi'el.

Bible in Tzotzil de Chamula

²¹ Ts'ijil comic ti israeletic ti bu sjoyoj sbaic ta spat ta xocon ti yajcontraic ti lamalique. Scotolic x'avlajetic xa lic jatavicuc loq'uel ti soldado madianitaetique.

Jueces 7:21 Iomraidhean Croise

1 Reyes 20:20

Jujunic te no'ox la smilic li yajcontraic c'alal ital taaticuque, jech ijatovic batel li siriaetique. Li israeletique la snutsic batel, pero li Ben-adad, ja' li ajvalil ta Siriae, ijatovic batel xchi'uc jayibuc soldadoetic cajajtic ta ca'.

2 Crónicas 20:15

jech laj yal: “A'yo ava'yic judaetic, xchi'uc vo'oxuc ti yajvaloxuc Jerusalene, xchi'uc vo'ot, ajvalil Josafat. Li Muc'ul Diose jech chijyalbutic: ‘Mu me xaxi'ic yu'un li epal soldadoetic le'e, yu'un muc vo'coxuc chapasic li pleitoe; ja' vu'un ta jpas jtuc.

2 Crónicas 20:17

Mu persauc chapasic pleito li vo'oxuque; te no'ox va'ano abaic, ch'anchanic. Q'uelavilic c'u x'elan chajcoltaoxuc, vu'un li Muc'ul Diosune. Yajvaltac Judá xchi'uc Jerusalén, mu me xaxi'ic; mu me xchibaj avo'ntonic. Loc'anic batel oc'om, bat ac'beic; te chajchi'inoxuc’, xijyututic li Muc'ul Diose”, xi li Jahaziele.

Éxodo 14:25

Xchi'uc laj yac' noxtoc ti mu xa xjoyibaj lec yacan li scaretaique, jech solel mu xa xanov lec yu'unic. Ja' yu'un li egiptoetique jech laj yalic: —Jatovcutic loq'uel ta stojol li israeletique. Yu'un li Muc'ul Diose ja' ta scolta ta pleito li israeletic sventa chiscontrainutic li vu'utique —xiic.

Proverbios 28:1

Li boch'o chopol yo'ntone jech no'ox chjatov, ac'o me mu'yuc nutsbil; yan li boch'o tuc' yo'ntonique jun yo'nton chcux jech chac c'u cha'al jcot león.

Isaías 30:15

Li Cajvaltique, ja' li Ch'ul Dios yu'un Israele, jech chal: “Sutanic tal, paso ta jun avo'ntonic, jech chacolic; me jun avo'ntonic, me ja' chapat avo'ntonic ta jtojole, ja' atsatsalic chc'ot”, xayutoxuc. Pero muc xach'unic.

Isaías 30:7

Ta melel li Egiptoe mu'yuc c'usi xu' yu'un, mu xu' yu'un chcoltavan, ja' yu'un jech sbi cu'un chac li'i: “Muc'ta chon ti mu'yuc c'usi xu' yu'une”, xi sbi.

Hebreos 11:34

Oy itic'atic ta muc'ta c'oc', muc xc'aq'uic. Oy chmilatic ox ta espada, pero icolic batel. Ja' ic'ataj ta stsatsalic li yalubenal sbec'talique. Jech oy lec ivu' yu'unic paspleito; la snutsic batel yanlum soldadoetic.

Jueces 7:20

Jech co'ol la spasic yoxvoc'alic, xchi'uc la svoq'uic li sjarroique. Li stojic stsanojic batele ja' ta sts'etc'ob stsacojic. Yan li xcachuique ja' ta sbats'ic'ob stsacojic batel. Tsots i'avanic: ‘¡Pleito ta sventa Muc'ul Dios xchi'uc ta sventa Gedeón!’, xiic.