Jueces 7:16 - Bible in Tzotzil de Chenalhó with Deuterocanon

¹⁶ Li Gedeone ta ora lic svoc' ta oxvoc' li oxib ciento (300) svinictaque; laj yac'anbe xcachuic xchi'uc sjarroic, yu'un ja' te tstiq'uic batel tsanbil tojetic ta yut.

Bible in Tzotzil de Chamula

¹⁶ Ta jech yepal, lic xch'ac ta oxch'ac ti vo'lajunvinic (300) ta vo' ti svinictaque. Laj yac'anbe jujun xulub chij scotolic, xchi'uc jujubej xocol q'uib ti tiq'uil bal ti sc'oq'uique.

Jueces 7:16 Iomraidhean Croise

Génesis 14:15

Ta ac'ubaltic c'alal ja'o ch'ayem yo'ntonique, li Abram xchi'uc xchi'iltaque te lic stsaquic ta pleito li ajvaliletique. La snutsic batel c'alal to ta Hoba ta yac'ol lum Damasco ta norte.

2 Samuel 18:2

Ts'acal lic stac batel ta oxvoc'. Jvoc' laj yac'be sventain li Joabe; jvoc' laj yac'be sventain li Abisai yol Sarvia, yits'in Joabe. Jvoc' laj yac'be sventain li Itai geteo vinique. Li ajvalile jech laj yalbe scotolic: —Vu'un ta xbat jchi'inoxuc jtuc ta paspleito —xut.

2 Corintios 4:7

Li jc'ulejaltic ac'bilutique quich'ojtic li' ta jbec'taltic ti pasbil no'ox ta lum jech chac cha'al bine, yu'un jech ac'o vinajuc ti toj yan sba svu'el stuc li Diose, ti muc ta jtsatsaluc jtuctic ti jech ic'ot ta pasele.

Jueces 7:15

C'alal laj ya'ay Gedeón ti c'u x'elan ta xalbe sba xvayechique, xchi'uc ti c'u x'elan ta sloq'uesbeic smelole, la stojbe ta vocol li Muc'ul Diose. Isut tal ta scarpanaic, jech vul yalbe li xchi'iltaque: —Licanic, yu'un li Muc'ul Diose yac'ojbutic xa ta jc'obtic scotol li madianetique —xut.

Jueces 7:17

Jech laj yalbe: —C'alal me lic'ot ta jot sti' scarpanaic li cajcontratique, q'uelic lec avilic ti c'u x'elan ta jpase; ja' jech xapasic ec.

1 Samuel 11:11

Li Saule ta yoc'omal la xchapan lec li svinictaque; la spas ta oxvoc'. C'alal mu'yuc to tsacube, i'ochic batel ta yut yo' bu spasoj scarpanaic li yajcontraique; te lic smilic scotol li amonetique c'alal to ista o'lol c'ac'al. Li boch'otic cuxul to icomique ijatovic batel ta jujuntal; mu'yuc boch'o ta chib laj yic' sbaic batel.