Jueces 7:13 - Bible in Tzotzil de Chenalhó with Deuterocanon

¹³ Li Gedeone inopaj batel ta scarpanaic; te laj ya'ay ti oy boch'o ta xalbe ya'ay jun xchi'il c'usi la xvaychine. Jech chalic: —Ta jvayech laj quil jun pan pasbil ta cebada; ibalch'uj yalel tal li' ta jcarpanatic. C'alal la sta jun carpanae, toj butq'uijel no'ox ic'ot yu'un —xut sbaic.

Bible in Tzotzil de Chamula

¹³ C'alal nopaj batel ti Gedeón ti bu lamal ti yajcontrae, laj ya'i ti oy jun soldado ti yacal ta xchapbe ya'i xvaich ta stojol yan soldado ti c'usi laj yile, ti xi ta xale: —Laj quil ta jvaich ti oy jbej pan ti meltsanbil ta jchop o trigo ti stselel xa talel ti bu lamalotique, ti toj lomel c'ot yu'un ti jbej axibal na ti c'alal tselel c'ote.

Jueces 7:13 Iomraidhean Croise

1 Corintios 1:27

Yu'un li boch'o bol ch-ilat li' ta banamile, ja' cht'ujat yu'un Dios, yu'un jech ac'o q'uexovuc li boch'otic bij yalojique. Li boch'o mu'yuc stsatsal ch-ilat li' ta banamile, ja' cht'ujat yu'un Dios, yu'un jech ac'o q'uexovuc li boch'otic ech'em stsatsal yalojique.

Jueces 3:15

Ts'acal to lic sc'anbeic vocol li Muc'ul Diose. Ja' yu'un li Muc'ul Diose lic st'ujbe jun boch'o chcoltaatic loq'uel ta sc'ob li ajvalile. Li boch'o la st'uje ja' Aod, xnich'on Gera, liquem ta jchop yu'un Benjamín. Ja' jun vinic ta sts'et sna' x'abtej. Li israeletique oy jun velta la stacbeic batel spatanic li Eglone; ja' la stacbeic batel li Aode.

Jueces 3:31

Ts'acal ilic yan jpojvanej yu'unic li israeletique, ja' Samgar sbi; ja' xnich'on Anat. Ja' la smil vaquib ciento (600) filista viniquetic ta stijubil vacax. Ja' jech la scolta ec li xchi'iltac ta israelale.

Jueces 4:21

Li Sisarae solel luben ta xanubal, jech i'och svayel, pero toj pim ibat li svayele. Ja' yu'un li Jaele lic stsac jun smarzu xchi'uc jch'ix te' lec ts'ubts'ub sni' sventa snituoj o scarpana. Nacasta i'och batel yo' bu oy li Sisarae. La spajbe ochel ta sjol; toj jelovel c'alal ta banamil, jech icham o.

Jueces 4:9

Itac'ov li Deborae: —Lec oy, ta xbat jchi'inot. Ja' no'ox muc me vo'ocot ich'bil ta muc' chac'ot, yu'un li Muc'ul Diose ja' chac'be ta sc'ob jun ants li Sisarae —xut. Jech li Deborae ibatic ta Cedes xchi'uc li Baraque.

Jueces 6:15

Itac'ov li Gedeone: —Ay Cajval, ¿c'u x'elan xu' ti vu'un ta jcolta li jchi'iltaque? Q'uelavil, li jchop jbicutic ti liquemuncutic ta Manasese, vu'uncutic toj me'onuncutic, xchi'uc vu'un its'inalun te ta jnacutic noxtoc —xut.

Jueces 7:12

Li madianetic, li amalequetic, xchi'uc li cristianoetic talemic ta stuq'uil sloq'ueb c'ac'ale te lamalic scotolic ta stenlejal, pero bats'i epic ta jyalel jech chac c'u cha'al c'ulub. Xchi'uc bats'i ep li scamelloique jech chac c'u cha'al epal yi'tic ta ti'nab.

Jueces 7:14

Itac'ov li yane: —Le'e ja' senyail yespada li Gedeone, ja' li xnich'on israel vinic Joase. Li Diose yac'ojutic xa ta sc'ob Gedeón xchi'uc scotol li jcarpanatique —xi.

Jueces 8:10

Li ajvalil Zeba xchi'uc Zalmunae te oyic ta Carcor xchi'uc vo'lajunmil (15,000) viniquetic, ja' li soldadoetic liquemic ta stuq'uil sloq'ueb c'ac'al ti icolic to ta milele, yu'un li yantic xchi'iltaque ilajic ta milel vacvinic (120,000) ta mil.