Jueces 7:12 - Bible in Tzotzil de Chenalhó with Deuterocanon

¹² Li madianetic, li amalequetic, xchi'uc li cristianoetic talemic ta stuq'uil sloq'ueb c'ac'ale te lamalic scotolic ta stenlejal, pero bats'i epic ta jyalel jech chac c'u cha'al c'ulub. Xchi'uc bats'i ep li scamelloique jech chac c'u cha'al epal yi'tic ta ti'nab.

Bible in Tzotzil de Chamula

¹² Ti madianitaetique, ti amalecitaetique, ti jnaclejetic ti liquemic talel ta sloq'ueb c'ac'ale, co'ol s'elan j'ilbajinvanej c'ulub ti lamal stanioj sbaic ta stenleje. Mu no'ox albajuc yepal ti scamelloic oy yu'unique, ti co'ol s'elan yi' oy ta sti'il ti nabe.

Jueces 7:12 Iomraidhean Croise

1 Reyes 20:27

Li israeletique ibatic ec; laj yich'ic batel c'usitic chtun yu'unic, yu'un bat sva'lebin sbaic xchi'uquic li siriaetique. Pero li stuquique xco'laj no'ox xchi'uc cha'tsob tentsunetic ic'otic. Yan li siriaetique bats'i noj yu'unic li banamil tee.

1 Reyes 4:30

Ja' no'ox stuc ven jeloven sbijil ta scotol li cristianoetic ta sloq'ueb c'ac'al xchi'uc ta Egiptoe.

Salmos 3:1

Muc'ul Dios, toj ep li boch'otic chiscontrainicune, toj ep li boch'otic chopol chiyilicune.

Salmos 33:16

Li ajvaliletique mu xu' tscolta sbaic ta sventa epal soldadoetic yu'unic; li jun soldado ti lec tsots yo'ntone mu xu' chcol ta sventa ti toj tsots xaq'ue.

Jeremías 46:23

Ta xvul syalesic scotol li pimilal toyol te'etique, ac'o me mu jlec'uc stac' ochentael, yu'un bats'i epic jech chac c'u cha'al c'ulubetic; ac'o me solel mu stac' atel o.

Josué 11:4

Jech iloq'uic tal scotolic xchi'uc yajsoldadotaquic, xchi'uc epal viniquetic; bats'i epic ta jyalel jech chac c'u cha'al yi' ta ti'nab, xchi'uc bats'i ep sca'ic xchi'uc scaretaic sventa pleito.

Jueces 6:3

Li israeletique oy ono'ox c'usitic sts'unojic, pero li madianetic, li amalequetic, xchi'uc li cristianoetic te nacajtic ta stuq'uil sloq'ueb c'ac'ale tal slajesic scotol.

Jueces 6:33

Li madianetic, li amalequetic, xchi'uc li cristianoetic ta stuq'uil sloq'ueb c'ac'ale la stsob sbaic tal scotolic. Ijelovic tal ta jot uc'um Jordán; te vul spas scarpanaic ta stenlejaltic Jezreel.

Jueces 6:5

Yu'un italic xchi'uc scotol xvacaxic, xchijic, xchi'uc scarpanaic. Bats'i ep italic jech chac c'u cha'al c'ulub; mu staq'uic atel xchi'uc li scamelloique. Jech ilaj yu'unic scotol.

Jueces 7:13

Li Gedeone inopaj batel ta scarpanaic; te laj ya'ay ti oy boch'o ta xalbe ya'ay jun xchi'il c'usi la xvaychine. Jech chalic: —Ta jvayech laj quil jun pan pasbil ta cebada; ibalch'uj yalel tal li' ta jcarpanatic. C'alal la sta jun carpanae, toj butq'uijel no'ox ic'ot yu'un —xut sbaic.

Jueces 8:10

Li ajvalil Zeba xchi'uc Zalmunae te oyic ta Carcor xchi'uc vo'lajunmil (15,000) viniquetic, ja' li soldadoetic liquemic ta stuq'uil sloq'ueb c'ac'al ti icolic to ta milele, yu'un li yantic xchi'iltaque ilajic ta milel vacvinic (120,000) ta mil.

1 Samuel 13:5

Jech ec li filistaetique lic stsob sba scotolic sventa tstsaquic ta pleito li israeletique. Oy lajuneb xcha'vinic ta mil (30,000) scaretaic sventa pleito, vacmil (6,000) viniquetic cajalic ta ca', xchi'uc bats'i ep viniquetic stsoboj sbaic; mu xlaj ta atel jech chac c'u cha'al yi' ta ti'nab. Tuc' ibatic ta Micmas; te c'ot spas scarpanaic ta sloq'ueb c'ac'al yu'un Bet-avén.

1 Samuel 30:17

Li Davide lic smil scotol. Sob to'ox la sjapuic; te oyic o c'alal to imal c'ac'al. Solel laj yulesic scotol; ja' xa no'ox ivu' to yu'un ijatovic batel li chanib ciento (400) queremetic cajajtic ta scamelloique.