Jueces 6:5 - Bible in Tzotzil de Chenalhó with Deuterocanon

⁵ Yu'un italic xchi'uc scotol xvacaxic, xchijic, xchi'uc scarpanaic. Bats'i ep italic jech chac c'u cha'al c'ulub; mu staq'uic atel xchi'uc li scamelloique. Jech ilaj yu'unic scotol.

Bible in Tzotzil de Chamula

⁵ Yu'un lot'ajtic no'ox yu'unic ti yaxibal naique. Xc'ulet no'ox yu'un ti chon bolometic ta soquesel ti jteclume. Mu'yuc c'usi ta xictaic comel jutebuc. Mu no'ox albajuc yepal ti scamelloic ta xtale, co'ol s'elan junuc j'ilbajinvanej c'ulub ti xc'ulet ta j'ech'ele.

Jueces 6:5 Iomraidhean Croise

Cantares 1:5

Antsetic ta Jerusalén, tsajal antsun no'ox, pero lec c'upil jba, jech chac c'u cha'al carpanaetic ta Cedar, jech chac c'u cha'al poq'uetic smac sventana Salomón.

Isaías 13:20

Mu'yuc xa boch'o te chnaqui o; mu'yuc xa chnaquiic te li jayc'ol cristianoetic chjelovique; mu'yuc bu tsva'an scarpanaic te li arabetique; mu'yuc boch'o chbat xchabi xchijic te.

Isaías 60:6

Chavil epal camelloetic xcholoj sbaic tal, liquemic tal ta Madián xchi'uc ta Efa. Jech noxtoc chtalic scotol li yajvaltac Sabae, chcuchic tal ep c'anal taq'uin xchi'uc pom; ja' chlic yalbeic batel slequilal li Muc'ul Diose.

Jeremías 46:23

Ta xvul syalesic scotol li pimilal toyol te'etique, ac'o me mu jlec'uc stac' ochentael, yu'un bats'i epic jech chac c'u cha'al c'ulubetic; ac'o me solel mu stac' atel o.

Jeremías 49:29

Pojbeic li carpanaetic, li chijetic, li camelloetic, li poq'uetic yu'unique; ich'beic scotol li c'usitic chtun yu'unique. Avananic, jech xavalic: ‘¡Puru xi'el ta buyuc no'ox!’, chianic.

Jeremías 49:32

Pojbeic li camelloetic xchi'uc chijetic yu'unique. Ta jpuquic batel ta buyuc no'ox; ta jpuquic batel c'alal to ta sti'iltac banamil. Ta xcac'be tal svocolic ta buyuc no'ox. Vu'un chcal jtuc, vu'un li Muc'ul Diosune.

Jeremías 51:14

Li Muc'ul Dios ti tspas ta mantal scotol te ta vinajele, ta sventa sbi stuc jech chal: “Li avajcontrae noj ta xvul ta atojol jech chac c'u cha'al c'ulubetic; x'avlajetic no'ox ta atojol ti c'alal chvul scontrainicote”, xi.

Deuteronomio 28:33

Scotol li c'usi chats'un ta avosilique xchi'uc li c'usitic chloc' ta avabtelique ja' ta xtal sve'ic yan cristianoetic ti mu xavotquinique. Xchi'uc scotol c'ac'al oy avocolic ta uts'intael xchi'uc ta lo'lael yu'unic.

Jueces 7:12

Li madianetic, li amalequetic, xchi'uc li cristianoetic talemic ta stuq'uil sloq'ueb c'ac'ale te lamalic scotolic ta stenlejal, pero bats'i epic ta jyalel jech chac c'u cha'al c'ulub. Xchi'uc bats'i ep li scamelloique jech chac c'u cha'al epal yi'tic ta ti'nab.

Jueces 8:10

Li ajvalil Zeba xchi'uc Zalmunae te oyic ta Carcor xchi'uc vo'lajunmil (15,000) viniquetic, ja' li soldadoetic liquemic ta stuq'uil sloq'ueb c'ac'al ti icolic to ta milele, yu'un li yantic xchi'iltaque ilajic ta milel vacvinic (120,000) ta mil.

Jueces 8:21

Ja' yu'un li Zeba xchi'uc Zalmunae jech laj yalbeic li Gedeone: —¡Miluncutic atuc! Yu'un li vo'ote toj tsots avo'nton —xutic. Jech iva'i li Gedeone; la smil. Laj yich'be comel li xotajtic taq'uinetic spasojic ta xnichimal snuc' scamelloique.

1 Samuel 30:17

Li Davide lic smil scotol. Sob to'ox la sjapuic; te oyic o c'alal to imal c'ac'al. Solel laj yulesic scotol; ja' xa no'ox ivu' to yu'un ijatovic batel li chanib ciento (400) queremetic cajajtic ta scamelloique.