Jueces 6:3 - Bible in Tzotzil de Chenalhó with Deuterocanon

³ Li israeletique oy ono'ox c'usitic sts'unojic, pero li madianetic, li amalequetic, xchi'uc li cristianoetic te nacajtic ta stuq'uil sloq'ueb c'ac'ale tal slajesic scotol.

Bible in Tzotzil de Chamula

³ Ti c'usiuc no'ox ta sts'unic ti israeletique, ta xtal pojbaticuc yu'un ti madianitaetique, ti amalecitaetique, xchi'uc ti jnaclejetic ti oyic ta sloq'ueb c'ac'ale.

Jueces 6:3 Iomraidhean Croise

Génesis 25:6

Li xnich'nabtac Abraham ta yantic ants yu'une ja' no'ox laj yac'anbe smoton. C'alal cuxul to'oxe, la svoc' loq'uel ta stojol Isaac li yantic xnich'nabe, te la stac batel ta naclej ta stuq'uil sloq'ueb c'ac'al.

Génesis 29:1

Li Jacobe ixanov batel noxtoc. Ja' la stambe batel sbelal slumalic li boch'otic te oyic ta sloq'ueb c'ac'ale.

1 Reyes 20:27

Li israeletique ibatic ec; laj yich'ic batel c'usitic chtun yu'unic, yu'un bat sva'lebin sbaic xchi'uquic li siriaetique. Pero li stuquique xco'laj no'ox xchi'uc cha'tsob tentsunetic ic'otic. Yan li siriaetique bats'i noj yu'unic li banamil tee.

1 Reyes 4:30

Ja' no'ox stuc ven jeloven sbijil ta scotol li cristianoetic ta sloq'ueb c'ac'al xchi'uc ta Egiptoe.

1 Reyes 5:10

Ja' yu'un li Hirame laj yac'be Salomón scotol li ch'ut te'e, xchi'uc li c'uc'toj ti c'u yepal la sc'ane.

Job 1:3

Oy vucmil (7,000) sme' xchij, oxmil (3,000) scamello, vo'ob ciento (500) j'abtel-vacaxetic yu'un, ta chabchab yic'oj sba. Vo'ob ciento (500) sme' sburo, xchi'uc bats'i ep smozotac. Ja' no'ox stuc ven jc'ulej te ta sloq'ueb c'ac'al yo' bu nacalique.

Job 31:8

yan boch'o ac'o sve'ic li c'usi jts'unoje; ac'o yich' bulel loq'uel li c'usitic jts'unoje.

Éxodo 17:8

Li amalequetique ibatic ta Refidim yu'un bat stsaquic ta pleito li israeletique.

Isaías 11:14

Xcha'chopalic co'ol chvilic batel ta sva'lupat li filistaetic te ta smaleb c'ac'ale, yu'un chbat scontrainic, li jaychop te oyic ta sloq'ueb c'ac'ale chbat spojbeic c'usitic oy yu'unic. Chlic smozoinic c'alal ta Edom, xchi'uc c'alal ta Moab; chlic ch'unbatuc smantalic yu'un li amonetique.

Isaías 62:8

Li Muc'ul Diose la stoy muyel li sbats'ic'ob ti tsots svu'ele, jech laj yal ta jamal: “Mu'yuc xa ta xcac' sve' avajcontraic li atrigoique; mu'yuc xa ta xcac' yuch'ic yanlumetic li ya'lel ats'usubic ti vo'oxuc avabtelique.

Jeremías 49:28

Li'i ja' sc'oplal c'usi chc'ot ta pasel ta stojol li boch'otic te oy ta Cedar xchi'uc li jpasmantaletic ta Hazor, ti c'alal chich' tsalel yu'un li Nabucodonosor ajvalil ta Babiloniae. Jech chal li Muc'ul Diose: “¡Bat tsaquic ta pleito li Cedare! ¡Ulesic o comel li cristianoetic ta sloq'ueb c'ac'ale!

Ezequiel 25:3

Jech xavalbe batel li amonetique: ‘A'yo ava'yic c'usi chal li Muc'ul Diose, ja' li Cajvaltique: Li vo'oxuque toj xcuxet avo'ntonic c'alal laj avilic isoc o li ch'ulna cu'une, ti iyavnaij o li yosilal Israele, xchi'uc ti chucbil ibatic ta yan banamil li smomnich'nab Judae. Toj lec ti jech ic'ot ta pasele, xachiic.

Ezequiel 25:4

Ja' yu'un a'yo ava'yic, chacac'oxuc ta sc'ob li cristianoetic chliquic tal ta sloq'ueb c'ac'ale, ch-och o ta sc'obic li avosilalique. Te tspas scarpanaic; ja' tsve'ic scotol li c'usitic chloc' avu'unique; ja' chuch'ic li ya'lel chu' vacax chloc' avu'unique.

Levítico 26:16

Me jech chapasique, li vu'une ja' jech ta jpasboxuc ec jech chac li'i: Ta jtac tal muc'ta xi'el ta atojolic; ta jtac tal tsatsal chamel, xchi'uc c'ac'ubel, xchi'uc xchamel asatic, xchi'uc chamel ti c'unc'un ta slajes stsatsal abec'talique. Altic chavac' avocolic ta sts'unel li c'usitic chats'unique; mu'yuc chabalinic yu'un ja' chtal slajesic li avajcontraique.

Miqueas 6:15

Li c'usi chats'une mu'yuc chatsob. Ac'o me chaloq'uesbe yaceiteal li sat oliva avu'une, pero mu'yuc chatunes; ac'o me chapits'be ya'lel li ats'usube, pero mu'yuc chavuch' ya'lel ts'usub.

Deuteronomio 28:51

Ta xvul sti'ic scotol yalabtac li ats'unub avovolique xchi'uc scotol li c'usitic chloc' ta avosilique, ja' to me yav xa chcom yu'unique. Mu'yuc c'usi chascomtsanboxuc me jutuc, me trigo, me ya'lel ts'usub, me aceite, me yol sme' avacaxic, o me achijic. Scotol ta slajesic. Jech chachamic ta vi'nal acotolic.

Jueces 10:12

li sidonetique, xchi'uc li amalequetique. Pero c'alal laj ac'anbicun vocol ta jtojole, ¿me muc xajcoltaoxuc?

Jueces 3:13

Li Eglone la spas ta co'ol yo'nton xchi'uc li amonetique, li amalequetique, jech co'ol tal scontrainic li israeletique, xchi'uc laj yich'ic o comel li lum ti xantic sbie.

Jueces 6:2

Li madianetique tsots lic yac'beic svocol li israeletique. Jech li israeletique lic xi'icuc yu'un li madianetique, lic snac' sbaic ta vitsetic, ta nailch'enetic ti bu vocolic ta sa'ele.

Jueces 6:33

Li madianetic, li amalequetic, xchi'uc li cristianoetic ta stuq'uil sloq'ueb c'ac'ale la stsob sbaic tal scotolic. Ijelovic tal ta jot uc'um Jordán; te vul spas scarpanaic ta stenlejaltic Jezreel.

Jueces 6:4

Te la spas scarpanaic ta yosil li israeletique. La slajesic scotol li c'usitic sts'unojic c'alal to ta yosilal Gazae. Solel mu'yuc c'usi la scomtsanic sventa tsve'ic li israeletique, xchi'uc mu'yuc c'usi tsve' xchijic, xvacaxic, xchi'uc sburoic.

Jueces 7:12

Li madianetic, li amalequetic, xchi'uc li cristianoetic talemic ta stuq'uil sloq'ueb c'ac'ale te lamalic scotolic ta stenlejal, pero bats'i epic ta jyalel jech chac c'u cha'al c'ulub. Xchi'uc bats'i ep li scamelloique jech chac c'u cha'al epal yi'tic ta ti'nab.

Jueces 8:10

Li ajvalil Zeba xchi'uc Zalmunae te oyic ta Carcor xchi'uc vo'lajunmil (15,000) viniquetic, ja' li soldadoetic liquemic ta stuq'uil sloq'ueb c'ac'al ti icolic to ta milele, yu'un li yantic xchi'iltaque ilajic ta milel vacvinic (120,000) ta mil.