Jueces 6:16 - Bible in Tzotzil de Chenalhó with Deuterocanon

¹⁶ Itac'ov li Muc'ul Diose: —Xu' avu'un, yu'un vu'un chajchi'inot batel. C'alal chc'ot amil li madianetique, ja' no'ox jech chac c'u cha'al jun vinic chava'ay —xut.

Bible in Tzotzil de Chamula

¹⁶ Xi tac'bat yu'un ti yaj'ánjel Diose: —Xu' avu'un, yu'un ta jchi'inot. Co'ol no'ox s'elan jun vinic ta xava'i ta stsutsesel scotol ti madianitaetique.

Jueces 6:16 Iomraidhean Croise

Éxodo 3:12

Itac'ov li Diose: —Vu'un chajchi'inot. Li' chacalbot c'usi senyail ti vu'un chajtacot batele: c'alal loq'uem xa tal avu'un li jteclumale, acotolic li' chvul avich'icun ta muc' li' ta vitse —xi.

Isaías 41:10

Ja' yu'un mu me xaxi', yu'un vu'un chajchi'inot; mu c'u xal avo'nton, yu'un vu'un Diosun avu'un. Vu'un chacac'bot atsatsal, vu'un chajcoltaot; vu'un chajtsacot lec ta jbats'ic'ob ti xu' yu'un tstsalvane.

San Mateo 28:20

Chanubtasic lec ta xch'unel scotol li jmantaltac laj calboxuc ava'yique. Na'ic me, te jchi'inojoxuc o scotol c'ac'al c'alal to ta slajebal c'ac'al —xut yajchanc'optac li Jesuse.

Marcos 16:20

Li yajchanc'optaque iloc' xcholic li Lequil A'yeje; la xcholic batel ta buyuc no'ox banamilal. Te chi'inbilic yu'un li Cajvaltique, jech laj yac' vinajuc ti ja' sc'op la xcholique, yu'un i'ac'bat spasic sq'uelubiltac stsatsal.]

Hechos 11:21

Ta sventa ti te xchi'ucbeic stsatsal Cajvaltique, jech bats'i ep la xch'unic, ep la sutes yo'ntonic ta stojol Cajvaltic.

Deuteronomio 20:1

“C'alal me oy chaloq'uic batel ta pleito yu'un chbat atsal avajcontraique, me chavilic ti bats'i ep ca'etic yu'unic, xchi'uc caretaetic sventa pleito, xchi'uc bats'i ep yajsoldadoic ti ja' mu'yuc ep avu'unic li vo'oxuque, mu me xaxi'ic yu'un. Na'ic me c'u x'elan la sloq'uesoxuc tal ta Egipto banamil li Muc'ul Dios cu'untique.

Josué 1:5

Mu'yuc boch'o xu' chastsalot ti jayib c'ac'al cuxulote. Vu'un chajchi'inot o, jech chac c'u cha'al la jchi'in scotol c'ac'al li Moisese. Me jliqueluc mu'yuc chajcomtsanot.

Josué 10:8

Li Muc'ul Diose jech laj yalbe li Josuee: “Mu me xaxi'; vu'un chacac'bot ta ac'ob, me junuc mu xu' yu'un chatsalicot”, xut.

Jueces 2:18

C'alal la sva'an jchapanvanej jujun velta li Muc'ul Diose, lec ibat li yabtelique yu'un la scolta. Ti jayib c'ac'al cuxul li jchapanvanejetique, icolic loq'uel ta sc'ob yajcontraic li israeletique. Yu'un li Muc'ul Diose laj ya'ay ti ep x'ayetic ta scoj li tsots vocol xchi'uc uts'intaele, jech ic'uxubaj ta yo'nton.

Jueces 6:12

Te laj yac' sba ta ilel ta stojol li j'almantal yu'un Muc'ul Diose, jech laj yalbe: —Li' xchi'inojot li Muc'ul Diose, vo'ot ti lec xu' avu'une, ti oy lec stsatsal avo'ntone —xut.

Jueces 6:36

Li Gedeone jech laj yalbe li Diose: “Me ta melel ti vu'un chatunesun sventa ta jcolta loq'uel li jchi'iltac ta israelal jech chac c'u cha'al laj avalbune,

Rut 2:4

Li Booze ibat ta Belén; te c'ot sc'opan li svinictaque, jech laj yalbe: —Ac'o xchi'inoxuc li Muc'ul Diose —xut. —Jech ac'o yac'bot ep bendición ec li Muc'ul Diose —xi itac'ovic.