Jueces 6:12 - Bible in Tzotzil de Chenalhó with Deuterocanon

¹² Te laj yac' sba ta ilel ta stojol li j'almantal yu'un Muc'ul Diose, jech laj yalbe: —Li' xchi'inojot li Muc'ul Diose, vo'ot ti lec xu' avu'une, ti oy lec stsatsal avo'ntone —xut.

Bible in Tzotzil de Chamula

¹² Ti yaj'ánjel Diose xi laj yal ti laj yac' sba iluc ta stojole: —¡Ti tsatsal vinicot xava'i abae, ti mu xana' xaxi'e, li' xchi'inojot ti Diose!

Jueces 6:12 Iomraidhean Croise

Éxodo 3:12

Itac'ov li Diose: —Vu'un chajchi'inot. Li' chacalbot c'usi senyail ti vu'un chajtacot batele: c'alal loq'uem xa tal avu'un li jteclumale, acotolic li' chvul avich'icun ta muc' li' ta vitse —xi.

San Mateo 1:23

“A'yo ava'yic, ta xlic xchi'in yol jun tojol tseb, ta svoq'ues jun querem; Emanuel ta xac'be sbi”, xi ono'ox. “Dios li' jchi'uctic”, xi smelol li sbie.

San Mateo 28:20

Chanubtasic lec ta xch'unel scotol li jmantaltac laj calboxuc ava'yique. Na'ic me, te jchi'inojoxuc o scotol c'ac'al c'alal to ta slajebal c'ac'al —xut yajchanc'optac li Jesuse.

San Lucas 1:11

Te ital jun yaj'almantal Dios. Te va'al ivul ta sts'el scajleb xchic'ubil pom ta stuq'uil bats'ic'ob.

San Lucas 1:28

Li j'almantale i'och batel yo' bu oy li tsebe, jech laj yalbe: —Vo'ot t'ujbilot yu'un Dios; li' xchi'inojot —x'utat.

Deuteronomio 20:1

“C'alal me oy chaloq'uic batel ta pleito yu'un chbat atsal avajcontraique, me chavilic ti bats'i ep ca'etic yu'unic, xchi'uc caretaetic sventa pleito, xchi'uc bats'i ep yajsoldadoic ti ja' mu'yuc ep avu'unic li vo'oxuque, mu me xaxi'ic yu'un. Na'ic me c'u x'elan la sloq'uesoxuc tal ta Egipto banamil li Muc'ul Dios cu'untique.

Josué 1:5

Mu'yuc boch'o xu' chastsalot ti jayib c'ac'al cuxulote. Vu'un chajchi'inot o, jech chac c'u cha'al la jchi'in scotol c'ac'al li Moisese. Me jliqueluc mu'yuc chajcomtsanot.

Josué 1:9

Q'uelavil, vu'un jtuc chacalbot. Tsotsan me; oyuc me lec stsatsal avo'nton. Mu me xaxi'; mu me xchibaj avo'nton. Vu'un chajchi'inot scotol c'ac'al buyuc no'ox chabat, vu'un li Muc'ul Diosun avu'une”, xut.

Jueces 11:1

Oy jun vinic Jefté sbi, lec tsatsal vinic, lec sna' paspleito. Ja' xnich'on Galaad; ja' yol jun jmulavil ants.

Jueces 13:3

Li antse ital c'opanatuc yu'un yaj'almantal Muc'ul Dios, jech i'albat: “Vo'ote mu ono'ox xana' xa'alaj. Pero ta xlic achi'in avol; chavoq'ues jun querem.

Jueces 2:18

C'alal la sva'an jchapanvanej jujun velta li Muc'ul Diose, lec ibat li yabtelique yu'un la scolta. Ti jayib c'ac'al cuxul li jchapanvanejetique, icolic loq'uel ta sc'ob yajcontraic li israeletique. Yu'un li Muc'ul Diose laj ya'ay ti ep x'ayetic ta scoj li tsots vocol xchi'uc uts'intaele, jech ic'uxubaj ta yo'nton.

Jueces 6:11

Li j'almantal yu'un Muc'ul Diose te ital chotluc ta yolon jpets tulan te ta Ofra ta yosil Joás, ja' li jchop sbiic abiezeretique. Li Gedeón, xnich'on Joase, ja'o te ta xic'a strigo ta nac'alaltic ta yav spits'ubil ya'lel ts'usub, yu'un jech mu x'ilat yu'un li madianetique.

Jueces 6:13

Itac'ov li Gedeone: —Ay cajval, ti li'uc xchi'inojun li Muc'ul Dios chavale, ¿c'u yu'un toj ep chquich'cutic vocol ti jechuque? ¿Bu oy svu'el stsatsal li Diose? Li jmoltot jyame'cutic ta vo'onee jech ono'ox laj yalbuncutic: ‘Mu me xch'ay ta avo'ntonic ti ja' Muc'ul Dios la sloq'uesutic tal ta Egipto banamile’, xiyutuncutic. Pero tana li'i laj xa scomtsanuncutic li Muc'ul Diose; laj xa yac'uncutic ta sc'ob li madianetique —xut.

Rut 2:4

Li Booze ibat ta Belén; te c'ot sc'opan li svinictaque, jech laj yalbe: —Ac'o xchi'inoxuc li Muc'ul Diose —xut. —Jech ac'o yac'bot ep bendición ec li Muc'ul Diose —xi itac'ovic.

1 Samuel 10:7

C'alal me ic'ot ta pasel jech li senyailtac le'e, xu' xa chapas li c'usi tsc'an Dios chapase; Dios chascoltaot.