Jueces 6:10 - Bible in Tzotzil de Chenalhó with Deuterocanon

¹⁰ Laj calboxuc ti vu'un Muc'ul Diosun avu'unique, xchi'uc ti mu me xavich'ic ta muc' li diosetic yu'un amorretic, vo'oxuc ti te nacaloxuc ta yosilalique, pero muc xach'unbicun’, xayutoxuc li Diose”, xi li j'alc'ope.

Bible in Tzotzil de Chamula

¹⁰ Yu'un laj ono'ox calboxuc ava'iic ti vu'un ti Ajvalilune, ti Diosun avu'unique, ti mu xaxi'ic yu'un sdiosic ti amorreoetic li' ta banomil ti bu nacaloxuc avi tanae. Ja' no'ox un, mi ja'uc laj avich'beicun ta muc'.’ ”

Jueces 6:10 Iomraidhean Croise

2 Reyes 17:13

Li Muc'ul Diose laj to staq'ui ta sventa j'alc'opetic xchi'uc ta sventa bijil viniquetic li Israel xchi'uc Judae, jech laj yal: “Sutanic tal; comtsanic li be atamojique. Ja' ch'unic li mantaletic xchi'uc li chanubtaseletic cu'un jech chac c'u cha'al calojbeic ono'ox amoltotaquic ta vo'one ta sventa cajtuneltaque, ja' li j'alc'opetique”, xut.

2 Reyes 17:33

Ac'o me laj yich'ic ta muc' li Muc'ul Diose, pero te ono'ox laj yich'ic ta muc' noxtoc li diosetic yu'unic jech chac c'u cha'al stalelic li yantic lum ti bu i'ayic tal ta chuquele.

2 Reyes 17:7

Yu'un li israeletique la sta smulic ta stojol li Muc'ul Dios yu'unic ti ja' iloq'uesatic tal ta Egipto ta sc'ob li ajvalil Faraone. Yu'un ja' laj yich'ic ta muc' li yan diosetique.

Nehemías 9:29

Laj ataq'ui, yu'un ac'o xch'unic yan velta li amantaltaque, pero muc xich'ic ta muc'. Ja' no'ox la stoy sbaic ta atojol. Jech te la sta smulic ta sventa li mantaletic avu'un ti sc'oplal tsta o xcuxlejal li boch'o chch'une. La spas ta tsots yo'ntonic; la stoy sbaic ta atojol, jech muc xich'ic o ta muc' li taq'uiel avu'une.

Éxodo 34:12

“Mu me c'usi xachapan achi'uquic li boch'otic te nacajtic ta banamil ti bu cha'ochic batele yu'un jech mu xayalic ta lum ta scojic.

Éxodo 34:14

“Mu me xavich'ic ta muc' yan dios, yu'un ta me x'it'ixaj co'nton vu'un li Muc'ul Diosune. Yu'un li jbie ja' Dios j'it'ixajel.

Proverbios 5:13

¿C'u yu'un muc jtuc'ulanbe sc'op li boch'o la xchanubtasune? ¿C'u yu'un muc jts'e'an jchiquin ta stojol li boch'o la sbijubtasune?

Jeremías 10:2

Jech chal: “Mu me ja'uc xachanic c'usi tspasic li yantic banamile; mu me xaxi'ic yu'un c'usitic senyail chc'ot ta pasel ta vinajel, jech chac c'u cha'al ta xi'ic yu'un li yantic banamiletique.

Jeremías 17:23

Pero li stuquique muc xch'unbicun, muc xchiquintaic; la stsatsubtas yo'ntonic, jech muc stuc'ulanic, muc sc'anic taq'uiel.

Jeremías 3:13

Ja' no'ox tsc'an chavotquin lec ti oy amule, yu'un abajojbun jmantal, vu'un li Muc'ul Diosun avu'une. Ay mulivajan ta stojol yan diosetic te ta yolon li muc'tic te'etique, yu'un muc xach'un li c'usi laj cale, xacutot, vu'un li Muc'ul Diosune’, uto”, xiyutun.

Jeremías 3:25

Solel chiyalcutic o ta lum ta scoj q'uexlal; mu xa xcac' ta ilel jsatcutic, yu'un ta jbic'talcutic ono'ox la jta ep jmulcutic xchi'uc li jmoltot jyame'cutique. Ja' jechuncutic o c'alal to tana; mu'yuc ono'ox laj quich'cutic ta muc' c'usi chaval, vo'ot li Muc'ul Diosot cu'uncutique”, xiic.

Jeremías 42:21

Ja' yu'un jamal laj calboxuc c'usitic laj yal Muc'ul Dios cu'untic ti ac'o apasique, pero mu xach'unic.

Jeremías 43:4

Jech muc xich'ic o ta muc' c'usi laj yal Muc'ul Dios li Johanán, xchi'uc li banquilal soldadoetique, xchi'uc scotol li judaetic ti i'albatic te ac'o comicuc ta yosilal Judae.

Jeremías 43:7

Jech ibatic ta Egipto, yu'un ja' muc xich'ic ta muc' c'usi i'albatic yu'un li Muc'ul Diose, jech te to ic'otic ta lum Tafnes.

Jeremías 9:13

Jech chal li Muc'ul Diose: “Yu'un muc xich'ic ta muc' li jmantaltac laj cac'beique; muc xch'unic li c'usi laj cale, muc ja'uc la spasic batel.

Sofonías 3:2

Muc xava'ay c'opanel; muc xavich' ta muc' li chanubtasele. Muc ja'uc xapat avo'nton yu'un li Muc'ul Diose; muc ja'uc lanopaj batel ta stojol li Dios avu'une.

Romanos 10:16

Pero mu scotoluc chch'unic li Lequil A'yeje. Jech chac c'u cha'al laj yal li Isaías ta vo'onee: “Cajval, ¿boch'o chch'un li c'usi chcalcutic batele?”, xi.

Hebreos 5:9

Ta sventa ti ts'acal ivu' yu'un scotole, jech ja' ic'ot ta yajval xcuxlejalic sventa sbatel osil scotol li boch'otic ta xch'unique.

Josué 24:15

Yan me mu xac'an ja' xatunic yu'un li Muc'ul Diose, t'ujic ta ora boch'o chac'an chatunic yu'un. Me ja' chac'an chatunic yu'un ec li diosetic ti itunic yu'un jmoltotactic ta vo'one te ta jot uc'um Eufratese, o me ja' chac'an chatunic yu'un sdiosic li amorretic ti nacal ta avosilalique. Yan li vu'un jchi'uc cajnil jnich'nabe ja' no'ox chituncutic o yu'un li Muc'ul Diose —xi.

Jueces 2:2

me mu'yuc c'usi chachapan achi'uquic li cristianoetic li' nacajtic ta avosilalique. Ja' tsc'an vo'oxuc chajinesbeic li scajleb smoton sdiosique’, xcutic ono'ox. Pero li vo'oxuque muc xach'unbicun li c'usi calojboxuque. Q'uelavilic li c'usi laj xa apasique.

Jueces 6:9

Ma'uc no'ox la jloq'uesoxuc tal ta sc'ob li egiptoetique; la jloq'uesoxuc tal ta sc'obic noxtoc scotol li boch'otic laj yuts'intaoxuque. Vu'un la jnuts loq'uel ta atojolic; vo'oxuc laj cac'boxuc li yosilalique.