Jueces 4:9 - Bible in Tzotzil de Chenalhó with Deuterocanon

⁹ Itac'ov li Deborae: —Lec oy, ta xbat jchi'inot. Ja' no'ox muc me vo'ocot ich'bil ta muc' chac'ot, yu'un li Muc'ul Diose ja' chac'be ta sc'ob jun ants li Sisarae —xut. Jech li Deborae ibatic ta Cedes xchi'uc li Baraque.

Bible in Tzotzil de Chamula

⁹ —Ta xajchi'inot batel —xi laj stac' ti Déborae—. Ti c'usi lec ta xc'ot ta pasele, ma'uc me avich'el ta muc' un. Yu'un ta stojol jun ants ta x'aq'ue ta yoc ta sc'ob ti Sisara yu'un ti Diose. Jech ti Déborae bat ta Cedes xchi'uc ti Baraque.

Jueces 4:9 Iomraidhean Croise

2 Crónicas 26:18

Te la stsac sbaic xchi'uc li ajvalile, jech laj yalbeic: “Ajvalil Uzías, muc vo'ocot oy ta aventa xchiq'uel li pome; ja' oy ta sventaic li paleetic smomnich'nab Aarone, yu'un ja' voc'bilic o ta spasel. Loc'an li' ta ch'ulnae, yu'un laj xa apas c'usi mu sc'an li Muc'ul Diose; mu ja'uc sventa lec ac'oplal ta stojol Dios ti jech chapase”, xutic.

Jueces 2:14

Jech tsots i'ilintaatic o yu'un Muc'ul Dios li israeletique. Li Muc'ul Diose laj yac' taluc j'eleq'uetic, jech ipojbatic li c'usitic oy yu'unique, xchi'uc laj yac' ochicuc ta sc'ob li yajcontraique, jech muc xa xu' yu'un la stsalic.

Jueces 4:8

Itac'ov li Baraque: —Me chabat li vo'ote, chibat ec. Yan me mu'yuc chabate, mu'yuc chibat ec —xi.

Jueces 9:53

Pero oy jun ants la sjipbe yalel jcot cho' ta sjol li Abimeleque; toj t'omel ic'ot sjol.

Jueces 9:54

Ta ora laj yic' jun xchi'il ti oy lec yabtejebe, jech laj yalbe: “Loq'ueso avespada; milun ta ora, yu'un mu jc'an boch'o xalbun ti jun ants la smilune”, xut. Jech la sloq'ues yespada li xchi'ile; la spajbe ochel, jech icham o.

1 Samuel 2:30

Ja' yu'un li Muc'ul Dios yu'un Israele jech chal: ‘Li vu'une caloj ono'ox ti j'ech'el chatunic o cu'un achi'uc avalab anich'nabe. Pero tana chcal ta jamal ti j'ech'el ta jtuch'boxuc o li avabtelique. Ja' chquich' ta muc' ec li boch'o chiyich'un ta muq'ue. Yan li boch'o chisbajune, mu'yuc stu chquil ec.