Jueces 4:6 - Bible in Tzotzil de Chenalhó with Deuterocanon

⁶ Li Deborae oy jun velta la stac ta iq'uel jun vinic Barac, xnich'on Abinoam, te nacal ta lum Cedes ta yosilal Neftalí. Jech laj yalbe: —Li Muc'ul Dios, ja' li Dios yu'un Israele, jech chayalbot: ‘Batan te ta vits Tabor; tsobo batel lajunmiluc viniquetic liquemic ta Neftalí xchi'uc ta Zabulón.

Bible in Tzotzil de Chamula

⁶ Oy jun c'ac'al, ti Déborae laj stac ta iq'uel jun vinic ti Barac sbie, xnich'on ti Abinóame. Ti Baraque nacal ta Cedes ti ja' jun jteclum ti oy ta yosil snitilultac ti Neftalie, ti xi albat yu'un ti Déborae: —Ti Ajvalil Dios yu'un ti Israele xi xcholet ta xalbot ava'i ti mantale: ‘Batan ta vits Tabor, tsobo lajunmiluc (10,000) ta vo' viniquetic snitilultac ti Neftalie xchi'uc ti Zabulone.

Jueces 4:6 Iomraidhean Croise

Salmos 7:6

¡Muc'ul Dios, la' me xchi'uc sc'ac'al avo'nton! La' va'lebin aba xchi'uc sc'ac'al yo'ntonic li cajcontrae, yu'un chapal avu'un c'u x'elan chachapanvan. Na'un me li vu'une, coltaun me.

Salmos 89:12

Vo'ot laj avac' ac'o oyuc noxtoc li norte xchi'uc sure; li vits Tabor xchi'uc Hermone xcuxet no'ox yo'nton tsq'uejintaic abi.

Salmos 89:13

Li ste'el ac'obe toj ech'em svu'el; li abats'ic'obe toj tsots, xchi'uc ja' jtsalvanej.

Jeremías 46:18

Vu'un jtuc Ajvalilun. Vu'un li Muc'ul Diosun ti ta jpas ta mantal scotol te ta vinajele, jech chcal ta sventa ti vu'un cuxulun oe: Jech chac c'u cha'al li vits Tabor ti jeloven ta jol vitsetique, xchi'uc li vits Carmelo ti jeloven to ta sba li nabetique, ja' jech ta xtal li avajcontrae.

Oseas 5:1

“Paleetic, a'yo ava'yic; israeletic, ts'e'ano lec achiquinic; smomnich'nab ajvaliletic, tuc'ulano lec ava'yic. Yu'un ja' ta aventaic li stojol mulile, yu'un li vo'oxuque xco'laj xchi'uc jyacvanej lac'otic te ta Mizpa; vo'oxuc laj alich'anbeic yoc' ch'ojon te ta vits Tabor.

Hechos 13:47

Yu'un jech laj yalbuncutic li Cajvaltique: ‘Laj cac' c'otan ta luz yu'un li yanlum cristianoetique, yu'un jech vo'ot ta aventa xu' chcol cristianoetic c'alal to ta sti'iltac banamil’, xiyutuncutic —xiic.

Hebreos 11:32

Mu persauc chacalboxuc sc'oplal scotol. Ja' muc xa c'u xcut xacalboxuc tal sc'oplal li Gedeone, li Baraque, li Sansone, li Jeftee, li Davide, li Samuele, xchi'uc li yantic yaj'alc'optac Diose.

Josué 1:9

Q'uelavil, vu'un jtuc chacalbot. Tsotsan me; oyuc me lec stsatsal avo'nton. Mu me xaxi'; mu me xchibaj avo'nton. Vu'un chajchi'inot scotol c'ac'al buyuc no'ox chabat, vu'un li Muc'ul Diosun avu'une”, xut.

Josué 19:22

Li sts'aquile xc'ot c'alal ta Tabor, ta Sahazima, xchi'uc ta Bet-semes. Te xpaj ta uc'um Jordán. Ja' vaclajuneb (16) lumetic ta scotol xchi'uc tsobtsobnaetic yu'un.

Josué 19:32

Li svaquibal velta canal tajimol la spasique ja' ic'ot ta stojolic li jchop liquemic ta Neftalie.

Josué 19:35

Li lumetic la staic ti lec tsotsic pasbile ja': Sidim, Zer, Hamat, Racat, Cineret,

Josué 19:37

Cedes, Edrei, En-hazor,

Josué 21:32

Te ta yosilal jchop liquemic ta Neftalie ja' laj yich'ic lum Cedes te ta Galilea; ja' chtun sventa snac'ubbailic, xchi'uc lum Hamot-dor, xchi'uc Cartán. Ja' oxib lumetic ta scotol xchi'uc yosilaltac.

Jueces 4:10

Li Baraque la stsob batel ta Cedes li lajunmil (10,000) liquemic ta Neftalí xchi'uc ta Zabulone; ja' la sventain li Baraque. Te xchi'uquic batel li Deborae.

Jueces 5:1

C'alal ja'o jech orae, ja'o te iq'uejin li Débora xchi'uc Baraque, ja' li xnich'on Abinoame. Jech chal li sq'ueojique:

Jueces 6:35

Jech noxtoc la stac ta iq'uel scotol li jchop liquemic ta Manasese, jech la stsob sbaic tal scotolic. Jech noxtoc la stac ta iq'uel li boch'otic liquemic ta Aser, ta Zabulón, xchi'uc ta Neftalie, jech scotolic la stsob sbaic tal ta stojol li Gedeone.

Jueces 8:18

Ts'acal jech lic sjac'be li Zeba xchi'uc Zalmunae: —¿C'u x'elanic avil li viniquetic laj amil te ta Tabore? —xut. Itac'ovic: —Co'ol x'elanic jech chac c'u cha'alot. Li jujunique xco'laj xchi'uc xnich'on ajvalil —xiic.

1 Samuel 10:3

Jech noxtoc c'alal me lac'ot ta jpets tulan te ta Tabore, te chasnupoxuc ta be oxib viniquetic chmuyic batel ta Betel, chbat yich'ic ta muc' Dios. Li june yich'oj oxcot unin tot tentsun; li yane yich'oj oxib pan; li yoxibale yich'oj ya'lel ts'usub ta jun yavil pasbil ta nucul.

1 Samuel 12:11

“Ja' yu'un li Muc'ul Diose la st'ujbe jchapanvanejetic yu'unic; ja' li Jerobaale, li Baraque, li Jeftee, xchi'uc vu'un li Samuelune, jech la jcoltaotcutic loq'uel ta sc'ob li avajcontraic li' ta jpat ta jxocontique, jech jun avo'ntonic li' lanaquiic.