Jueces 4:23 - Bible in Tzotzil de Chenalhó with Deuterocanon

²³ Li Muc'ul Diose ja'o yorail te la sbic'tajesbe sc'oplal ta stojol israeletic li Jabine, ja' li ajvalil yu'un canaanetique.

Bible in Tzotzil de Chamula

²³ Ti jech c'ac'al taje, ja' jech pec'tsanbat sc'oplal yu'un Dios ta sba ta sat israeletic ti Jabin ajvalil yu'un ti cananeotique.

Jueces 4:23 Iomraidhean Croise

1 Crónicas 22:18

“Li Muc'ul Dios cu'untique li' xchi'inojoxuc, xchi'uc yac'ojboxuc jun avo'ntonic, yu'un mu'yuc xa pleito ta buyuc no'ox. Ja' laj yac'bun ta jc'ob scotol li yajvaltac banamil li'i. Jech ja' icom o ta sc'ob li Muc'ul Diose xchi'uc li steclumale.

Nehemías 9:24

Ja' xa alab nich'naletique ital yich'ic li banamile, laj abic'tajesbe ta stojolic li jnaclumetic tee, ja' li cananetique. Laj avac'be ta sc'obic c'alal ta ajvaliletic c'alal ta lumetic yu'unic, yu'un ac'o spasbeic li c'usi tsc'an yo'ntonique.

Salmos 18:39

Yu'un vo'ot laj avac'bun lec jtsatsal ta pas pleito; la sbic'tajes sbaic ta jtojol avu'un li jtoybaetique.

Salmos 18:47

Ja' jpac-ajvalil cu'un li Diose; ja' laj yac' bic'tajuc ta jtojol li cristianoetique.

Salmos 47:3

Laj xa slajesbe stsatsal scotol li lumetique, xchi'uc li jujun banamile; laj xa yac' ta jc'obtic scotol.

Salmos 81:14

ta jliquel no'ox la jtsalbe yajcontraic ti jechuque; laj xa cac'be stojic ti jechuque”, xi.

1 Corintios 15:28

C'alal me laj xa sventain scotol li c'usitic oye, li Nich'onile ja'o chlic yac' sba ta ventainel yu'un ec li boch'o i'ac'bunuc sventain scotole, yu'un jech ja' chlic sventain o scotol li Diose.

Hebreos 11:33

Le'e ta sventa xch'unojel yo'ntonic la stsalic yantic ajvaliletic, lec tuc' la spasic mantal, laj yilic ti icoltaatic yu'un Dios jech chac c'u cha'al albilique, oy imacbat ye jti'vanej bolometic jech muc xti'atic.

Jueces 4:22

C'alal ic'ot ta st'unel li Baraque, li Jaele iloc' snup ta be ta ora jech laj yalbe: —La' me, chacac'bot avil li boch'o chat'une —xut. I'och batel ta yut carpana li Baraque; ja' to laj yil te mochol ta lum li Sisarae, chamen xa, te pajal ta sjol li te'e.

Jueces 4:24

Ja' yu'un li israeletique itsatsub lec yo'ntonic ta scontrainel li ajvalil Jabine, jech ivu' yu'un laj yulesic o.