Jueces 4:2 - Bible in Tzotzil de Chenalhó with Deuterocanon

² Ja' yu'un li Muc'ul Diose lic yac' ochicuc ta sc'ob ajvalil Jabín, ja' li canaán vinic ochem ta ajvalilal ta lum Hazore. Li banquilal soldado yu'une Sísara sbi; te nacal ta Haroset-goim.

Bible in Tzotzil de Chamula

² Va'i un, aq'ueic ta yoc ta sc'ob Jabin yu'un ti Diose, ti ja' jun ajvalil cananeo ti sventainoj ti jteclum Hazore. Ti banquilal jpas-mantal yu'un ti yajsoldadotac ti Sisara sbie, nacal ta Haróset-goim.

Jueces 4:2 Iomraidhean Croise

Salmos 83:9

Ja' lec pasbo jech chac c'u cha'al laj apasbe li Madiane, pasbo jech chac c'u cha'al laj apasbe ta bevo' Cisón li Sísara xchi'uc Jabine,

Isaías 50:1

Li Muc'ul Diose jech chal: “¿Bu oy svunal ti j'ech'el laj quicta o li ame'ique, ja' li Israele? ¿Me yu'un ta scoj oy ep quil ti la jchonoxuc batele? Ta scoj achopolil atuquic ti laj avich'ic chonel batele; ta scoj atoyobbailic ti laj quicta li ame'ique.

San Mateo 18:25

Ta sventa ti mu xa xtoj yu'un li yile, ja' yu'un li ajvalile laj yal mantal ti ac'o yich' chonel xchi'uc yajnil xnich'nab, xchi'uc scotol li c'usitic oy yu'une, yu'un jech xu' chtoj o li yile.

Josué 11:1

C'alal laj ya'ay c'usi la spas israeletic li Jabín ajvalil ta Hazore, la stac batel mantal ta stojol li ajvalil Jobad ta Madone, xchi'uc ta stojol ajvalil ta Simrón, xchi'uc ta stojol ajvalil ta Acsaf.

Josué 19:36

Adama, Ramá, Hazor,

Jueces 10:7

Ja' yu'un li Muc'ul Diose i'ilin ta stojol li israeletique, jech laj yac' ochicuc ta sc'ob filistaetic xchi'uc ta sc'ob amonetic.

Jueces 4:13

Jech lic stsob ta ora li baluneb ciento (900) ta cot scareta pasbil ta tsatsal taq'uine xchi'uc scotol li yajsoldadotaque. Te iliquic tal ta Haroset-goim c'alal to ta bevo' Cisón.

Jueces 4:16

Pero li Baraque la snuts batel c'alal to ta Haroset-goim li soldadoetic xchi'uc scaretaique. La smilbe comel scotol li yajsoldadotac Sisarae; me junuc mu'yuc cuxul icom.

1 Samuel 12:9

Pero ts'acal ich'ay ta yo'ntonic li Muc'ul Diose. Jech laj yac' ti ac'o ochicuc ta sc'ob li Sisarae, ja' li banquilal soldado te ta Hazore, xchi'uc ta sc'ob li filistaetique, xchi'uc ta sc'ob li ajvalil ta Moabe, jech lic yich'ic tsaquel ta pleito.