Jueces 4:11 - Bible in Tzotzil de Chenalhó with Deuterocanon

¹¹ Li Heber, ja' li queneo vinique, ja' li yalab xnich'nab smuni' Moisese, te la spas scarpanaic ta stenlejaltic Zaanaim ti c'alal la svoc' sbaic xchi'uc li yantic quenetique. Li Zaanaime te oy ta nopol Cedes.

Bible in Tzotzil de Chamula

¹¹ Nopol ta Cedes, ti nopol xil sbaic xchi'uc ti tulan ti oy ta Zaanaime, lamalic ta naclej ti Heber ti ja' quenita vinique, ja' ti jvoc' ti laj xch'ac sbaic xchi'uc ti yan quenitaetique. Ti quenitaetique, ja' snitilultac ti Hobabe, smuni' ti Moisese.

Jueces 4:11 Iomraidhean Croise

Éxodo 18:1

Li Jetroe, ja' li pale ta Madián banamile, ja' li smuni' Moisese, laj ya'ay scotol c'usi la spas Muc'ul Dios ta sventa li Moisese, xchi'uc c'u x'elan la scolta li israeletique, xchi'uc ti ja' la sloq'ues tal ta Egipto banamile.

Éxodo 2:18

C'alal isutic batel yo' bu oy li stotique, jech la sjac' li totile: —¿C'u yu'un ti ta ora no'ox lasutic tale? —xi.

Éxodo 3:1

Li Moisese ja' chchabibe xchij li smuni' Jetroe, ja' li pale te ta Madiane. Ta yan c'ac'al laj yic' jelovel ta xocol banamil li chijetique; ic'ot c'alal to ta vits yu'un Dios, ja' li Horeb sbie.

Números 10:29

Ta yan c'ac'al li Moisese jech laj yalbe li sbole, ja' li Hobab xnich'on Reuel madián vinique: —Li vu'uncutique chibatcutic xa ta banamil ti bu yaloj ono'ox Dios chiyac'buncutique. Batic, bat chi'inuncutic, lec chajc'anotcutic yu'un li Muc'ul Diose yaloj ta jamal ti lec sc'anoj ec li israeletique —xut.

Números 10:32

Me chbat achi'inuncutique, chacac'botcutic scotol li c'usitic lec chijyac'butic Muc'ul Diose —xut.

Números 24:21

Jech noxtoc i'ac'bat yil c'usi ta xc'ot ta pasel ta stojol li quenetique, jech lic yalbe sc'oplal: “Vo'oxuc li smomnich'onoxuc Caine: ac'o me toj tsots apasoj li alumale, ac'o me ta yut tsatsal ch'entic apasoj li atase, pero j'ech'el ta xlaj o ta c'oc' c'alal chtal xchucot batel li lum Asiriae”, xi.

Josué 19:33

Li yosilalique xlic ta Helef, xjelov ta Alón-saananim, ta Adami-neceb xchi'uc ta Jabneel c'alal to ta Lacum; te xloc' batel ta Jordán.

Josué 19:37

Cedes, Edrei, En-hazor,

Jueces 1:16

Li xnich'nab queneo vinic, ja' li smuni' Moisese, iloq'uic batel ta lumetic ti xantic sbie; ja' la xchi'inic batel li jchop liquemic ta Judae. Te ibatic ta xocol banamil yu'un li Judá te ta stuq'uil sur yu'un Arade. Jech te icom naquiicuc scotolic.

Jueces 4:12

Li Sisarae laj ya'ay ti te xa chmuyic batel ta vits Tabor li Baraque.

Jueces 4:6

Li Deborae oy jun velta la stac ta iq'uel jun vinic Barac, xnich'on Abinoam, te nacal ta lum Cedes ta yosilal Neftalí. Jech laj yalbe: —Li Muc'ul Dios, ja' li Dios yu'un Israele, jech chayalbot: ‘Batan te ta vits Tabor; tsobo batel lajunmiluc viniquetic liquemic ta Neftalí xchi'uc ta Zabulón.

1 Samuel 15:6

Jech laj yalbe li quenetique: —Voc'o abaic loq'uel ta stojol li amalequetique yu'un jech mu teuc capal xacham achi'uquic. Yu'un li vo'oxuque lec laj apas abaic ta stojol israeletic ti c'alal iloq'uic tal ta Egiptoe —xut. Ja' yu'un li quenetique lic svoc' sbaic loq'uel ta stojol li amalequetique.

1 Samuel 27:10

Li Aquise jech la sjac': “¿C'usi lumal ay atsalic naxe?”, xut. Itac'ov li Davide: “Ja' ay jtsalcutic li lum te xcom ta stuq'uil sur yu'un Judae xchi'uc li lum te xcom ta stuq'uil sur yu'un Jerameele, ja' ti te xcom noxtoc ta stuq'uil sur yu'un li yosilal quenetique”, xut.