Jueces 3:9 - Bible in Tzotzil de Chenalhó with Deuterocanon

⁹ Li israeletique lic sc'anbeic vocol li Muc'ul Diose. Li Muc'ul Diose lic st'uj jun vinic te ta stojolic yu'un ac'o coltaaticuc loq'uel ta sc'ob li ajvalile. Li boch'o la st'uje ja' Otoniel, xnich'on Cenaz. Li Cenaze ja' xc'ox its'in li Calebe.

Bible in Tzotzil de Chamula

⁹ ja' to ti c'uxi xvocoletic liquel ta stojol Dios ti oyuc buch'u ta sva'an talel ta spojelique. C'ot ta pasel ti vul ta loq'uel ti jpojvanej yu'une. Ti jpojvanej ti vul ta loq'uel yu'une, ja' ti Otoniele, xnich'on ti Quenaze, xc'ox its'in ti Caleb ti xi c'ot ta pasele:

Jueces 3:9 Iomraidhean Croise

Nehemías 9:27

Jech lic avac' ochicuc ta sc'ob yajcontraic, te lic uts'intaaticuc. C'alal ja'o chich'ic ep vocole, la sc'anic coltael ta atojol, jech laj ava'ibe sc'opic c'alal ta vinajel. Lic at'uj boch'otic xu' chcoltaatic loq'uel ta sc'ob li yajcontraique, yu'un toj c'uxic ta avo'nton.

Salmos 22:5

La sc'anic vocol ta atojol, jech laj acolta loq'uel ta mozoil. Muc alticuc la spat yo'ntonic ta atojol; muc xavac' ta q'uexlal.

Salmos 78:34

C'alal imilatic yu'un Diose, ja' to te lic yich'ic ta muc' li Diose. Scotol yo'ntonic la sa'ic, jech isutic o tal ta stojol.

Josué 15:17

Li boch'o ay spoj li lume ja' sjunich'on no'ox, Otoniel sbi. Ja' xnich'on xchi'il ta voq'uel li Calebe, Cenaz sbi. Jech li Calebe ja' laj yac'be yic' Otoniel li stsebe, ja' li Acsae.

Jueces 1:13

Li boch'o ay stsale ja' Otoniel, xnich'on Cenaz; ja' xnich'on xc'ox its'in li Calebe. Ja' yu'un li Calebe ja' laj yac'be o yic' li stseb Acsae.

Jueces 10:10

Ts'acal to lic sc'anbeic vocol li Muc'ul Diose jech laj yalbeic: “Laj xa jta jmulcutic ta atojol, yu'un la jcomtsanotcutic vo'ot li Diosote; ja' laj quich'cutic ta muc' li Baaletique”, xutic.

Jueces 2:16

Pero li Muc'ul Diose la sa'be jchapanvanejetic yu'unic yu'un ac'o coltaaticuc loq'uel ta sc'ob li boch'otic la spojic c'usitic oy yu'unique.

Jueces 2:18

C'alal la sva'an jchapanvanej jujun velta li Muc'ul Diose, lec ibat li yabtelique yu'un la scolta. Ti jayib c'ac'al cuxul li jchapanvanejetique, icolic loq'uel ta sc'ob yajcontraic li israeletique. Yu'un li Muc'ul Diose laj ya'ay ti ep x'ayetic ta scoj li tsots vocol xchi'uc uts'intaele, jech ic'uxubaj ta yo'nton.

Jueces 3:15

Ts'acal to lic sc'anbeic vocol li Muc'ul Diose. Ja' yu'un li Muc'ul Diose lic st'ujbe jun boch'o chcoltaatic loq'uel ta sc'ob li ajvalile. Li boch'o la st'uje ja' Aod, xnich'on Gera, liquem ta jchop yu'un Benjamín. Ja' jun vinic ta sts'et sna' x'abtej. Li israeletique oy jun velta la stacbeic batel spatanic li Eglone; ja' la stacbeic batel li Aode.

Jueces 3:8

Jech li Muc'ul Diose tsots lic ilinuc ta stojol li israeletique. Jech laj yac' ochicuc ta sc'ob li Cusan-risataime, ja' li ajvalil ta Mesopotamiae. Jech li israeletique vaxquib jabil lic tunicuc yu'un li ajvalile.

Jueces 4:3

Li ajvalil Jabine oy baluneb ciento (900) ta cot scareta pasbil ta tsatsal taq'uin. Li israeletique jtob (20) xa'ox jabil i'ochic ta sc'ob li ajvalile; tsots uts'intael laj yich'ic. Ts'acal to lic sc'anbeic vocol li Muc'ul Diose yu'un ac'o coltaaticuc.

Jueces 6:7

C'alal la sc'anbeic vocol Muc'ul Dios israeletic ta scoj li madianetique,

1 Samuel 12:10

Pero ts'acal lic sna'ic ti laj xa sta smulic ta stojol li Muc'ul Diose, ti laj xa scomtsanique yu'un ja' xa itunic yu'un li Baaletique xchi'uc li Astarote. Jech lic sc'anbeic vocol ti ac'o coltaaticuc loq'uel ta sc'ob li yajcontraique; laj yalbeic ti ja' xa no'ox chich'ic o ta muc' stuque.