Jueces 3:8 - Bible in Tzotzil de Chenalhó with Deuterocanon

⁸ Jech li Muc'ul Diose tsots lic ilinuc ta stojol li israeletique. Jech laj yac' ochicuc ta sc'ob li Cusan-risataime, ja' li ajvalil ta Mesopotamiae. Jech li israeletique vaxquib jabil lic tunicuc yu'un li ajvalile.

Bible in Tzotzil de Chamula

⁸ Jech o xal ilin ti Dios ta stojolique. Lic tic'aticuc ochel ta yoc ta sc'ob ti Cusan-risataime, ajvalil yu'un ti Mesapotamia lume. Yu'un vaxaquib jabil sjalil, tunesatic ti pasbilic ta mantal ti israeletic yu'un ti Cusan-risataime,

Jueces 3:8 Iomraidhean Croise

Génesis 24:10

Jech te la st'uj batel matanal, ja' li c'usitic ven lequic oy yu'un li yajvale. La yic' batel lajuncot camello, jech te ibat ta slumal Nacor ta Mesopotamia banamil.

Salmos 106:41

Lic yac' ochicuc ta sc'ob yantic lumetic; ja' iventainatic o yu'un li yajcontraique.

Salmos 129:1

Ta jqueremal ono'ox toj ep boch'o laj yac'bicun tsots jvocol. Israeletic, jech xavalic acotolic:

Salmos 44:12

Jeche' no'ox laj achon batel li ateclumale; me jutuc mu'yuc c'usi laj ata o.

Salmos 6:1

Muc'ul Dios, mu me ta sc'ac'aluc avo'nton xataq'uiun; mu me xa'ilin ti chavac'bun nucule.

Salmos 85:3

Laj ajip loq'uel scotol li sc'ac'al avo'ntone; laj aten batel li soquemal ajole.

Éxodo 22:24

Me jech chapasique, chi'ilin ta atojolic; ta xcac'oxuc ta milel ta espada. Jech chcomic ta me'on ants ec li avajnilique; chcomic ta me'on olol ec li anich'nabique.

Isaías 50:1

Li Muc'ul Diose jech chal: “¿Bu oy svunal ti j'ech'el laj quicta o li ame'ique, ja' li Israele? ¿Me yu'un ta scoj oy ep quil ti la jchonoxuc batele? Ta scoj achopolil atuquic ti laj avich'ic chonel batele; ta scoj atoyobbailic ti laj quicta li ame'ique.

Levítico 26:17

Ta xlic jcontrainoxuc, jech tsalbil chac'otic yu'un li avajcontraique. Ja' chlic spasoxuc ta mantal li boch'otic chopol to'ox chavilique. Xchi'uc jech no'ox chajatovic batel, ac'o me mu'yuc boch'o chtal snutsoxuc.

Habacuc 3:7

Li cristianoetic ta Cusane toj abul sbaic laj quil; li jnaclumetic ta Madiane chniquic ta xi'el.

Romanos 7:14

Yu'un ta jna'tic ti ja' yu'un Dios li mantaletique; yan li vu'une beq'uet no'ox quich'oj. Ja' yu'un mozoinbilun o yu'un li mulile.

Deuteronomio 29:20

Li Muc'ul Diose mu'yuc snopoj tspasbe o perdón. Chlic yac'be xcuch scotol li vocole xchi'uc li stojol mulile. Ja' chc'ot ta sba scotol li stojol mulil li' chal ta vune. J'ech'el tstu'pbe o sts'unubal ta banamil.

Deuteronomio 32:30

¿C'uxi ivu' yu'un ti jun no'ox la snuts batel ta anil jmile? ¿C'uxi ivu' yu'un ti chib no'ox ijatov batel ta anil yu'unic lajunmile? Ja' no'ox ta sventa li Muc'ul Diose, ja' li Jchabivanej yu'unique. Ja' laj yac'be ta sc'obic li yajcontraique.

Jueces 2:14

Jech tsots i'ilintaatic o yu'un Muc'ul Dios li israeletique. Li Muc'ul Diose laj yac' taluc j'eleq'uetic, jech ipojbatic li c'usitic oy yu'unique, xchi'uc laj yac' ochicuc ta sc'ob li yajcontraique, jech muc xa xu' yu'un la stsalic.

Jueces 2:20

Ja' yu'un li Muc'ul Diose tsots lic ilinuc ta stojolic, jech laj yal: “Ta sventa li cristianoetic li'i, chlaj sc'oplal o li c'usi laj jchapan ta stojol smoltotaquic ta vo'onee yu'un mu sc'an xch'unbicun mantal.

Jueces 3:10

Li Muc'ul Dios ti mu'yuc sbec'tale ital ta stojol li Otoniele, jech ivu' yu'un la spoj li xchi'iltaque. Li Otoniele iloc' batel ta pleito, li Muc'ul Diose laj yac' ti ac'o tsalatuc li Cusan-risataime.

Jueces 3:7

Li israeletique chopol c'usi lic spasic ta stojol li Muc'ul Diose; ja' lic tunicuc yu'un li sloc'obaltac dios Baale xchi'uc li sloc'obaltac dios Aserae. Ja' la scomtsanic o li Muc'ul Diose.

Jueces 3:9

Li israeletique lic sc'anbeic vocol li Muc'ul Diose. Li Muc'ul Diose lic st'uj jun vinic te ta stojolic yu'un ac'o coltaaticuc loq'uel ta sc'ob li ajvalile. Li boch'o la st'uje ja' Otoniel, xnich'on Cenaz. Li Cenaze ja' xc'ox its'in li Calebe.

Jueces 4:9

Itac'ov li Deborae: —Lec oy, ta xbat jchi'inot. Ja' no'ox muc me vo'ocot ich'bil ta muc' chac'ot, yu'un li Muc'ul Diose ja' chac'be ta sc'ob jun ants li Sisarae —xut. Jech li Deborae ibatic ta Cedes xchi'uc li Baraque.

1 Samuel 12:9

Pero ts'acal ich'ay ta yo'ntonic li Muc'ul Diose. Jech laj yac' ti ac'o ochicuc ta sc'ob li Sisarae, ja' li banquilal soldado te ta Hazore, xchi'uc ta sc'ob li filistaetique, xchi'uc ta sc'ob li ajvalil ta Moabe, jech lic yich'ic tsaquel ta pleito.