Jueces 3:7 - Bible in Tzotzil de Chenalhó with Deuterocanon

⁷ Li israeletique chopol c'usi lic spasic ta stojol li Muc'ul Diose; ja' lic tunicuc yu'un li sloc'obaltac dios Baale xchi'uc li sloc'obaltac dios Aserae. Ja' la scomtsanic o li Muc'ul Diose.

Bible in Tzotzil de Chamula

⁷ Ti c'usitic laj spasic ti israeletique, chopol laj yil ta sba ta sat ti Diose. Yu'un tenbil c'ot ta o'ntonal yu'unic. Lic yac'beic yipal ta yich'el ta muc' ti yalel toyol sloc'obbail ti Baale xchi'uc ti Astartee.

Jueces 3:7 Iomraidhean Croise

1 Reyes 16:33

Jech noxtoc la spas jun sloc'obal dios, Asera sbi. Ja' toj ech'em chopol la spas jech chac c'u cha'al ijelovic li yantic ajvaliletic ta Israele, jech la sa'be o sc'ac'al yo'nton li Muc'ul Dios yu'un Israele.

1 Reyes 18:19

Ja' lec alo mantal ti ac'o stsob sbaic scotol li israeletic te ta vits Carmeloe, xchi'uc li o'lol yo'bal (450) ciento j'alc'opetic yu'un Baale xchi'uc li chanib ciento (400) j'alc'opetic yu'un Asera ti chmac'linatic yu'un li Jezabele —xut.

2 Reyes 23:14

Xchi'uc la slilin noxtoc li c'usitic pasbil ta tone xchi'uc li sjalalme'ic, Asera sbie. Li yavil bu to'ox yac'ojique la snojesic ta baquil animaetic.

2 Reyes 23:6

La sloq'ues noxtoc li sloc'obal Asera te oy ta xch'ulna Muc'ul Diose; te bat xchic' ta stenlejaltic Cedrón, ja' to ti c'alal ipas ta tan yu'une. Li stanile te bat svijic comel ta muquinaltic yu'un li me'onetique.

2 Crónicas 15:16

Li Asae la sloq'ues ta pasmantal noxtoc li syame'e, ja' li Maacae, yu'un ja' laj yal mantal ti ac'o yich' pasbel sloc'obal li sjalalme'ic Aserae. Li Asae la sloq'ues batel noxtoc li sloc'obal Aserae. La slilin o ta j'ech'el; te bat xchic' ta nopol bevo' Cedrón.

2 Crónicas 24:18

Jech lic scomtsanbeic o li ch'ulna yu'un Muc'ul Diose, ja' li Dios yu'un stot sme'ic ta vo'onee. Ja' lic yich'ic ta muc' li sloc'obaltac Aserae, xchi'uc li yantic sloc'obal diosetique. Ta scoj li mulil la spasic le'e ja' yu'un li Diose i'ilin ta stojol li Judá xchi'uc ta Jerusalene.

2 Crónicas 33:19

Ti c'u x'elan la sc'opan Dios xchi'uc c'u x'elan itac'bat sc'op, xchi'uc c'u x'elan smul xchi'uc ti mu junuc yo'ntone, xchi'uc ti butic la spasbe toyol sc'opanbil yan diosetique, xchi'uc ti butic la sva'ananbe sloc'obal li Asera xchi'uc li sloc'obal sdiosic ti c'alal mu'yuc to'ox tsbic'tajes sbae, te ts'ibabil ta svun li j'alc'opetic ti icoltaat yu'une.

2 Crónicas 33:3

Yu'un ja' la xcha'va'anan li toyol c'opojebaletic ti la sjines ono'ox comel scotol li anima stote, ja' li Ezequiase. La xcha'pas noxtoc li scajleb matanaletique. La spasbe sloc'obaltac li Aserae; ja' lic yich' ta muc' scotol li c'usitic chac' xojobal ta vinajele.

2 Crónicas 34:3

Ta xvaxquibal jabil yabtel li Josiase, lec laj yich' ta muc' li Dios yu'un smoltot David ta vo'onee. Li Josiase naca to'ox lec ch'ium querem. Ta xlajchabal jabil yabtele, lic smes loq'uel li c'usi mu xtun te ta yosilal Judá xchi'uc ta Jerusalene. La sloq'ues scotol li toyol c'opojebaletique, li sloc'obaltac Aserae xchi'uc li c'usitic yan spasojique, xchi'uc li c'usitic sloc'taojic ta unijesbil taq'uine.

2 Crónicas 34:7

C'alal ilaj yo'nton ta slilinel scotol li scajleb matanaletique, li sloc'obaltac Aserae, xchi'uc scotol li sloc'obal sdiosic ta scotol yosilal israeletique, isut batel ta Jerusalén.

Salmos 106:35

Jech te lic scap sbaic xchi'uc li yan lumetique; te lic xchanbeic c'u x'elan li stalelique.

Salmos 106:36

Ja' lic yich'beic ta muc' li diosetic yu'unique; ja' ta scoj ti c'an ulesaticuc oe.

Salmos 106:7

Li jmoltot jyame'cutic te ta Egiptoe mu'yuc tsots sc'oplal ta yo'ntonic li sq'uelubiltac atsatsal laj apase. Ich'ay ta yo'ntonic ti toj ep c'uxubinel avu'une; la stoy sbaic ta atojol te ta ti' Tsajal Nab.

Éxodo 34:13

Vuq'uesbeic li scajlebtac smoton sdiosique; voc'beic li sloc'obaltac sdiosique, ts'etic li sloc'obal Asera te pajajtic yu'unique.

Jeremías 23:27

Mu snopic ti laj xa yaq'uic ch'aycun o ta yo'nton jteclumal ta scoj ti ja' xa tslo'iltabe sbaic li xvayechic laj yalbeique. Jech lich'ay xa ta yo'ntonic jech chac c'u cha'al li smoltotic ta vo'one ti ja' bat yich'ic ta muc' li Baale.

Deuteronomio 16:21

“Mu me xapajic jbejuc te' sventa chavich'ic ta muc'. Mu me xbat apajic ta sts'el scajleb smoton li Muc'ul Dios cu'untique.

Deuteronomio 4:9

Ja' yu'un q'uelo me abaic. Mu me xch'ay ta avo'ntonic li c'usitic avilojique. Ja' me xanopilanic o. Albo me ya'yic li anich'nabique xchi'uc li amomnich'nabique.

Deuteronomio 8:11

“Q'uelo me abaic. Mu me xch'ay ta avo'ntonic li Muc'ul Dios avu'unique. Mu me xacomtsanic spasel li mantaletic yu'une xchi'uc li c'usitic yan yaloj ac'o apasique, ja' ti laj xa calboxuc ava'yic li' ta orae.

Deuteronomio 8:14

Pero mu me teuc xlic atoy abaic o, xchi'uc mu me teuc xlic ch'ayuc o ta avo'ntonic li Muc'ul Dios cu'untic ti la sloq'uesoxuc tal ta Egipto bu to'ox tiq'uiloxuc ta mozoile.

Deuteronomio 8:18

Tsc'an chana'ic ti ja' Muc'ul Dios cu'untic laj yac'boxuc atsatsalic ti jech laj ataic scotole. Yu'un ja' ic'ot ta pasel ta atojolic li c'usi xchapanoj ono'ox xchi'uc li amoltotaquic ta vo'onee.

Jueces 3:12

Li israeletique lic spasic yan velta c'usitic chopol ta stojol li Muc'ul Diose. Ja' yu'un li Muc'ul Diose laj yac'be stsatsalic li Eglón, ja' li ajvalil ta Moabe, yu'un ac'o scontrain li israeletic ta scoj ti chopol c'usi la spasique.

Jueces 3:8

Jech li Muc'ul Diose tsots lic ilinuc ta stojol li israeletique. Jech laj yac' ochicuc ta sc'ob li Cusan-risataime, ja' li ajvalil ta Mesopotamiae. Jech li israeletique vaxquib jabil lic tunicuc yu'un li ajvalile.

Jueces 6:25

Te no'ox ta yac'ubalil li Muc'ul Diose jech laj yalbe li Gedeone: —Tsacbo jcotuc xvacax atot, ja' li xchibal ti vucub jabil yich'oje. Bat jinesbo li scajleb smoton Baal smeltsanoj atote. Ts'eto noxtoc li te' te spajoj ti spasojbe ta sloc'obal Aserae.

Jueces 8:33

C'alal icham li Gedeone, li israeletique lic scomtsanic yan velta li Diose. Ja' lic yich'ic ta muc' li Baaletique, xchi'uc ja' la st'ujic ta sdiosic li Baal-berite.

Jueces 8:34

Muc xa xvul ta sjolic li Muc'ul Dios yu'unic ti ja' icoltaatic loq'uel ta sc'ob scotol li yajcontraic te setel ta spat xoconique.

1 Samuel 12:10

Pero ts'acal lic sna'ic ti laj xa sta smulic ta stojol li Muc'ul Diose, ti laj xa scomtsanique yu'un ja' xa itunic yu'un li Baaletique xchi'uc li Astarote. Jech lic sc'anbeic vocol ti ac'o coltaaticuc loq'uel ta sc'ob li yajcontraique; laj yalbeic ti ja' xa no'ox chich'ic o ta muc' stuque.

1 Samuel 12:9

Pero ts'acal ich'ay ta yo'ntonic li Muc'ul Diose. Jech laj yac' ti ac'o ochicuc ta sc'ob li Sisarae, ja' li banquilal soldado te ta Hazore, xchi'uc ta sc'ob li filistaetique, xchi'uc ta sc'ob li ajvalil ta Moabe, jech lic yich'ic tsaquel ta pleito.