Jueces 3:15 - Bible in Tzotzil de Chenalhó with Deuterocanon

¹⁵ Ts'acal to lic sc'anbeic vocol li Muc'ul Diose. Ja' yu'un li Muc'ul Diose lic st'ujbe jun boch'o chcoltaatic loq'uel ta sc'ob li ajvalile. Li boch'o la st'uje ja' Aod, xnich'on Gera, liquem ta jchop yu'un Benjamín. Ja' jun vinic ta sts'et sna' x'abtej. Li israeletique oy jun velta la stacbeic batel spatanic li Eglone; ja' la stacbeic batel li Aode.

Bible in Tzotzil de Chamula

¹⁵ C'alal xvocoletic liquel ta stojol ti Diose, laj stac talel ti oy buch'u tal sva'an sba ta spojelique. Ti jpovanej tal taje, ta ts'et c'ob sna' xc'abalij, ti sbiinoj Aode, xnich'on ti Gerae, snitilul ti Benjamine. Oy jun c'ac'al, ti israeletique laj staquic batel ta yaq'uel patanil ti Aod ta stojol ti Eglone.

Jueces 3:15 Iomraidhean Croise

2 Samuel 20:10

Pero li Amasae muc xil ti yich'oj yespada ta sc'ob li Joabe. Jech lec ipajbat ochel ta xch'ut; iloc' scotol sbiquil. Toj chamel ic'ot o; muc xa persauc laj yich' cha'milel. Ts'acal to li Joab xchi'uc yits'in Abisaie ibat snutsic batel yan velta li Seba xnich'on Bicrie.

2 Samuel 20:9

Li Joabe jech la sjac'be li Amasae: —¿Me lec oyot, quits'in? —xut. La stsacbe yisim ta sbats'ic'ob yu'un tsts'uts'.

1 Crónicas 12:2

Lec chapalic batel xchi'uc sflechaic; lec sna'ic yaq'uel ton ta jimich' ta sbats'ic'obic xchi'uc ta sts'etc'obic; lec sna'ic yaq'uel flecha noxtoc. Puru yuts' yalal Saúl scotolic; ja' liquemic ta Benjamín. Li sbiique ja':

1 Crónicas 8:3

Li xnich'nab Belae ja' Adar, Gera, Abiud,

1 Crónicas 8:5

Gera, Sefufán, xchi'uc Hiram.

2 Crónicas 9:24

Jech scotolic laj yich'beic batel smoton ta jujun jabil. C'usiuc no'ox laj yich'ic batel, me pasbil ta saquil taq'uin, ta c'anal taq'uin, me c'u'iletic, me abtejebaletic sventa pleito, me ja' li c'usi lec muic yiq'ue, me ca'etic, o me mulaetic.

Salmos 50:15

Ti c'alal oy avocol chava'yique, c'opanicun me; vu'un chajcoltaoxuc, vo'oxuc chavich'icun ta muc'”, xi li Diose.

Salmos 78:34

C'alal imilatic yu'un Diose, ja' to te lic yich'ic ta muc' li Diose. Scotol yo'ntonic la sa'ic, jech isutic o tal ta stojol.

Salmos 90:15

Ac'buncutic ep jabil ti xcuxet no'ox co'ntoncutic jech chac c'u cha'al yepal jabil laj avac'bun jvocolcutique.

Proverbios 18:16

Li boch'o oy c'usi tsq'uelane ta xjam lec sbe; xu' chc'ot c'alal to ta stojol li boch'o tsots yabtelique.

Proverbios 19:6

Ep boch'otic tsa'ic coltael ta stojol li boch'o lec yo'ntone; tspas lec ta co'ol yo'nton xchi'uquic.

Proverbios 21:14

Li matanale xu' chlecub o'ntonal yu'un; li c'usi chich' q'uelanele xu' tspajes sc'ac'al o'ntonal.

Isaías 36:16

Yu'un jech yaloj li ajvalil ta Asiriae: Jpastic ta co'ol co'ntontic, ac'o abaic ta jtojol, jech xu' chalo' atuquic li sat ats'usubique xchi'uc li sat higoetic avu'unique, xchi'uc jech chavuch' atuquic li vo' te ta ava'alique.

Jeremías 33:3

Vocoletan ta jtojol, vu'un chajtac'bot, chacac'bot avil c'usitic toj muc'tic, c'usi mu'yuc vinajem ti mu'yuc ono'ox jech aviloje.

Jueces 2:16

Pero li Muc'ul Diose la sa'be jchapanvanejetic yu'unic yu'un ac'o coltaaticuc loq'uel ta sc'ob li boch'otic la spojic c'usitic oy yu'unique.

Jueces 20:16

Ta scotolic le'e, t'ujbilic vucub ciento (700) ta puru sts'et sna' x'abtejic. Lec sna'ic spiquel jimich'. C'alal tsjipic batel bejuc tone, me jutuc mu stselbuj yu'unic.

Jueces 3:14

Jech li israeletique vaxaclajuneb (18) jabil itunic yu'un li Eglone, ja' li ajvalil yu'un moabetique.

Jueces 3:16

Li Aode oy spasoj jun espada lec cha'jot ye, jutuc mu sta o'lol metro snatil; la xch'ic batel ta xch'ut ta yut sc'u' ta stuq'uil sbats'ic'ob.

Jueces 3:9

Li israeletique lic sc'anbeic vocol li Muc'ul Diose. Li Muc'ul Diose lic st'uj jun vinic te ta stojolic yu'un ac'o coltaaticuc loq'uel ta sc'ob li ajvalile. Li boch'o la st'uje ja' Otoniel, xnich'on Cenaz. Li Cenaze ja' xc'ox its'in li Calebe.

Jueces 4:3

Li ajvalil Jabine oy baluneb ciento (900) ta cot scareta pasbil ta tsatsal taq'uin. Li israeletique jtob (20) xa'ox jabil i'ochic ta sc'ob li ajvalile; tsots uts'intael laj yich'ic. Ts'acal to lic sc'anbeic vocol li Muc'ul Diose yu'un ac'o coltaaticuc.

1 Samuel 10:27

Pero oy jayibuc chopol yo'ntonic jech laj yalic: “¿Me yu'un ja' xu' yu'un chiscoltautic le'e?”, xiic. Jech muc xich'ic o lec ta muc', pero li Saule mu'yuc c'usi laj yal.