Jueces 3:10 - Bible in Tzotzil de Chenalhó with Deuterocanon

¹⁰ Li Muc'ul Dios ti mu'yuc sbec'tale ital ta stojol li Otoniele, jech ivu' yu'un la spoj li xchi'iltaque. Li Otoniele iloc' batel ta pleito, li Muc'ul Diose laj yac' ti ac'o tsalatuc li Cusan-risataime.

Bible in Tzotzil de Chamula

¹⁰ Ti Otoniele, vul ta stojol xcuxlejal ti Diose. Laj xchapan sbaic lec yu'un ti israeletique. Loc' batel ta ac'-leto ti tsalbil c'ot ta sventa Dios ti Cusan-risataim yu'une.

Jueces 3:10 Iomraidhean Croise

1 Crónicas 12:18

Li Amasai, ja' li banquilal yu'un lajuneb xcha'vinique (30), iventainat ta tsatsal Dios, jech laj yal: “Junuc avo'nton David xnich'on Isaí. Mu xlo'ilaj ajol avo'nton. Junuc avo'nton xchi'uc li boch'otic chascoltaicote, yu'un li Dios avu'une chascoltaot”, xi. Jech li Davide laj yic'an, la stic'an ta banquilal yu'un yajsoldadotac.

2 Crónicas 15:1

Li Azarías xnich'on Obede ital ventainatuc ta stsatsal Dios,

2 Crónicas 20:14

Li Jahaziel xnich'on Zacarías, smomnich'on Benaía, xnich'on Jeiel, smomnich'on Matanías, ja' li leví vinic liquem ta Asafe, iventainat ta stsatsal Muc'ul Dios,

Salmos 51:11

Mu me xajipun loq'uel ta atojol; mu me xaloq'uesbun ta jtojol li ach'ul Espiritue.

Números 11:17

Te chiyal tal; te chtal jchi'inot ta lo'il. Xchi'uc chaquich'bot sutel jutuc li jtsatsal avich'oje, ja' ta xcac'betic li banquilaletic yu'un achi'iltaque yu'un jech xu' chascoltaicot ta yiq'uel batel li achi'iltaque. Jech muc atucuc xa chavic' batel.

Números 11:25

Jech li Muc'ul Diose iyal tal ta toc, tal sc'opan li Moisese. Xchi'uc laj yich'be jutuc li stsatsal yac'ojbee, ja' laj yac'be li lajuneb xchanvinic (70) banquilaletique. C'alal laj yich'ic li stsatsalique, lic c'opojicuc jech chac c'u cha'al j'alc'opetic. Pero li c'usi laj yalique, muc xa xcha'alic yan velta.

Números 11:29

Pero li Moisese jech laj yal: —¿Me it'ix xa avo'nton ta jtojol? Oyuc c'uxi xc'ot ta pasel ch-ac'batic espíritu yu'un Muc'ul Dios scotol li jchi'iltactique, scotol j'alc'opetic chc'otic ti jechuque —xi.

Números 24:2

C'alal laj yil Balaam ti lec ta jujuchop spasoj scarpanaic li israeletique, ital stsatsal Dios ta stojol.

Números 27:18

Li Muc'ul Diose jech la stac'be li Moisese: —Li Josué xnich'on Nune ja' jun vinic ti yich'ojbun lec jtsatsale. Ic'o, ac'o ac'ob ta sjol.

Hebreos 6:4

Yu'un li boch'otic i'ochic xa ta sac osile, ti laj xa yilic ti toj lec li matanal liquem tal ta vinajele, xchi'uc ti laj xa yich'ic li Ch'ul Espiritue,

Jueces 11:29

Li Jeftee iventainbat yo'nton yu'un Espíritu yu'un Muc'ul Dios. Ixanov batel ta yosilal Galaad xchi'uc ta yosilal Manasés; te ijelov batel ta Mizpa te ta Galaad, yu'un ch-och batel ta yosilal amonetic.

Jueces 11:32

Jech ibat ta slumal amonetic li Jeftee, bat stsac ta pleito. Li Muc'ul Diose laj yac'be ta sc'ob, jech ivu' yu'un la stsal.

Jueces 13:25

Li espíritu yu'un Muc'ul Diose laj yac' sba ta ilel ta stojol Sansón te ta carpanaetic yu'un Dan ti cacal ta o'lol yu'un Zora xchi'uc Estaole.

Jueces 14:19

Ta ora i'ac'bat stsatsal yu'un espíritu yu'un Muc'ul Dios li Sansone, jech ibat ta Ascalón, bat smil lajuneb xcha'vinic (30) viniquetic. Laj yich'anbe tal li sc'u'ique; ja' laj yac'be li boch'otic laj yalbeic smelol li lo'ile. Tsots ilic sc'ac'al yo'nton li Sansone, jech isut o batel ta sna stot.

Jueces 14:6

Li espíritu yu'un Muc'ul Diose laj yac'be stsatsal li Sansone, jech ivu' yu'un ta sc'ob no'ox biq'uitic la slilin comel li bolome. Xco'laj no'ox xchi'uc unin tentsun laj ya'ay. Pero mu'yuc laj yalbe stot sme' li c'usi ic'ot ta pasele.

Jueces 15:14

Laj yiq'uic batel c'alal ta Lehi. C'alal laj yilic li filistaetique, xcuxet no'ox yo'ntonic; x'avlajetic no'ox bat snupic tal ta be. Pero li Sansone ta ora i'ac'bat stsatsal yu'un espíritu yu'un Muc'ul Dios, jech ivu' yu'un la xtuch' li lasuetique; xco'laj no'ox xchi'uc c'aq'uem te'el lino laj ya'ay. Li xmochbenaltaque te xbajlajet yalel ta sc'ob.

Jueces 3:11

Jech ipaj pleito cha'vinic (40) jabil te ta yosilalic; jun yo'nton icomic. Ts'acal icham li Otoniel xnich'on Cenaze.

Jueces 3:8

Jech li Muc'ul Diose tsots lic ilinuc ta stojol li israeletique. Jech laj yac' ochicuc ta sc'ob li Cusan-risataime, ja' li ajvalil ta Mesopotamiae. Jech li israeletique vaxquib jabil lic tunicuc yu'un li ajvalile.

Jueces 6:34

Pero li espíritu yu'un Muc'ul Diose la sventainbe yo'nton li Gedeone, jech la sjupan xcachu yu'un ac'o stsob sbaic tal li jchop sbiic abiezeretique.

1 Samuel 10:10

C'alal ic'ot ta Gabaae, te ital nupatuc ta be yu'un li jtsob j'alc'opetique. Li Saule iventainat ta stsatsal Dios, jech lic spas jech chac c'u cha'al li yantic j'alc'opetique.

1 Samuel 10:6

Ventainbilot chac'ot ta stsatsal Muc'ul Dios, chlic apas jech chac c'u cha'al li yan j'alc'opetique, jech chlic jeluc atalel.

1 Samuel 11:6

C'alal laj ya'ay li Saule, ta ora iventainat yu'un li Espíritu yu'un Diose; tsots i'ilin ta sventa li a'yeje.

1 Samuel 16:13

Li Samuele la stsac li xcachual yaceitee; te ta sat scotol sbanquiltac la xjaxbe ta sjol li querem Davide yu'un ja' ch-och ta ajvalilal. Jech li Davide lic ventainbatuc yo'nton yu'un li Espíritu yu'un Muc'ul Diose. Li Samuele la sc'opan comel, jech isut batel ta Ramá.