Jueces 3:1 - Bible in Tzotzil de Chenalhó with Deuterocanon

¹ Li'i ja' li lumetic te laj yac' comuc Muc'ul Dios sventa tspasbe o preva li israeletique. Ja' li israeletic ti mu'yuc to'ox voq'uemic c'alal laj yich' pojel ta pleito li Canaán banamile.

Bible in Tzotzil de Chamula

¹ Li'e, ja' sc'oplal ti jteclumetic ti oy ta banomil ti mu'yuc xtijatic ta c'op yu'un ti Diose yo' jech ta xq'uelbat yo'ntonic ti israeletic ti mu'yuc to ox voq'uemic ti c'alal laj yich' u'ninel ti jteclum Canaane.

Jueces 3:1 Iomraidhean Croise

1 Reyes 9:21

ti ja'ic smomnich'nabtac li boch'otic te icomic ti muc xlaj smilic li israeletique, i'ac'bat spasic tsots abtel yu'un li Salomone. Ja' jech oyic o c'alal to tana.

2 Crónicas 32:31

Li banquilaletic ta Babiloniae la stac tal jayibuc svinictac sventa tal svu'lanic li Ezequiase, xchi'uc tal sjaq'uic c'u x'elan li senyail stsatsal la spas Muc'ul Dios te ta yosilalique. Li Diose la scomtsan stuc li Ezequiase, yu'un tsc'an tsq'uel c'usi snopoj, c'usi oy ta yo'nton.

Job 23:10

Li stuque ja' xotquin scotol ti c'u xi'elane; me chispasbun porovale, lec ta xiloc' jech chac c'u cha'al c'anal taq'uin.

Éxodo 15:25

Li Moisese te lic sc'anbe vocol li Muc'ul Diose, jech i'ac'bat yil jpets te'. Bat sts'aj ta vo' li te'e, jech lec chi' icom li vo'e. Ja' te iq'uelbat yo'ntonic yu'un li Diose. I'albatic jun mantal li c'usi tsc'an tspasique.

Proverbios 17:3

Li c'anal taq'uin xchi'uc saquil taq'uine ta c'oc' chich' q'uelel me ja' ta melel, pero li yo'nton cristianoe ja' tsq'uel stuc li Muc'ul Diose.

Jeremías 6:27

Jech laj yalbun ec li Muc'ul Diose: “Ta jva'anot ta sq'uelel, ta spasbel preva li jteclumal jech chac c'u cha'al chich' q'uelel me oy saquil taq'uin ta tone. Ja' yu'un otquino lec avil li c'usi tspasique.

Zacarías 13:9

Li boch'o cuxul to chcomique ta jtic' ta c'oc'. Ta xcunijes jech chac c'u cha'al saquil taq'uin; ta jchic'be loq'uel yic'ubal ta c'oc' jech chac c'u cha'al chich' lecubtasel c'anal taq'uin. Ta xlic sc'anbicun vocol ta jtojol, jech ta xca'ibe sc'opic ec. Jech chcalbeic: ‘Vo'oxuc jteclumaloxuc’, xcut. Jech chiyalbicun ec: ‘Vo'ot Muc'ul Diosot cu'uncutic’, xiic”, xi li Diose.

San Juan 2:24

Pero li Jesuse mu'yuc bu la spat yo'nton yu'un, yu'un xotquin scotol.

Deuteronomio 7:22

Ta c'unc'un ta snuts loq'uel ta atojolic li cristianoetic ta muc'tic banamil le'e. Mu xu' ti ta jun no'ox velta chlaj avu'unic scotole. Yu'un me ta jun no'ox velta chlaj avu'unic scotole, ja' chbol ta ora li te'tical chonbolometique. Xu' ja' chlic yilbajinoxuc.

Deuteronomio 8:16

Xchi'uc ja' laj yac' manavaj ave'ic te ta xocol banamil ti mu xavotquinique, me ja'uc li amoltotaquic ta vo'onee mu xotquinic ec. Yu'un tsc'an ti ac'o bic'tajanique xchi'uc tsc'an tsq'uelboxuc c'u x'elan avo'ntonic ta stojol, pero ja' sventa alequilalic ic'ot ta ts'acal.

Deuteronomio 8:2

Vuleso me ta avo'ntonic scotol c'u x'elan li be bu laj yic'oxuc tal cha'vinic (40) jabil ta xocol banamil li Muc'ul Dios cu'untique. Le'e ja' sventa la sbic'tajesoxuc, xchi'uc la sq'uelboxuc avo'ntonic, yu'un tsc'an tsna' me chac'an chach'unbeic, o me mu xac'an xach'unbeic li smantaltaque.

1 Pedro 1:7

Yu'un ja' sventa chich' q'uelel me oy xch'unojel avo'ntonic. Yu'un li xch'unojel co'ntontique toj lec. Ja' mu sta jech li c'anal taq'uin chich' q'uelel ta c'oq'ue, yu'un sna' xlaj. Yan li xch'unojel avo'ntonic chich' q'uelele, jun yutsil, lec ac'oplalic yu'un; ich'biloxuc ta muc' c'alal chtal li Cajvaltic Jesucristoe.

1 Pedro 4:12

Vo'oxuc ti lec jc'anojoxuque, mu me ch'ayeluc chc'ot avo'ntonic ta sventa li tsatsal vocol chavich'ique, yu'un ja' sventa chich' q'uelel avo'ntonic. Mu me xanopic ti atuquic xa no'ox jech chavich'ic vocole.

Apocalipsis 2:23

Yan li mero yalabtac stuc li antse, ta jmilic o. Yu'un jech tsna'ic o scotol cu'untac ta jujutsob ti vu'un jna'ojbe, ti vu'un xcotquinbe yo'nton li cristianoetique, xchi'uc ti vu'un ta xcac'be stojol ti c'u x'elan yabtelique.

Jueces 1:1

C'alal chamen xa'ox li Josuee, li israeletique lic sjac'beic Muc'ul Dios boch'o jchopucal ba'yuc chbat spas pleito yu'unic xchi'uc li canaanetique.

Jueces 2:10

Scotol li israeletic ti cuxulic ta yorail Josuee ichamic ec. C'alal ilic yan jc'ol alab nich'nabetique, muc xotquinic li Muc'ul Diose xchi'uc mu'yuc xilic c'usitic la spas Muc'ul Dios ta stojol li stot sme'ique.

Jueces 2:23

Ja' yu'un li Muc'ul Diose muc snuts loq'uel ta ora li muc'tic lumetic ti bu muc ono'ox xac'be ta sc'ob li Josuee, jech te laj yac' comicuc.

Jueces 3:2

Li Muc'ul Diose te la scomtsan, yu'un chac'be yotquinic, chac'be xchanic pleito li israeletic ti mu'yuc yilojic paspleitoe.