Jueces 21:7 - Bible in Tzotzil de Chenalhó with Deuterocanon

⁷ ¿C'uxi chcutic tsta yajnilic li boch'otic icomic toe? Yu'un laj xa caltic ta stojol Muc'ul Dios ti mu xu' chcac'betic yic' jtsebtic li jchop liquemic ta Benjamine.

Bible in Tzotzil de Chamula

⁷ ¿C'usi ta jpastic yo' ta jtabetic yajnilic snitilultac ti Benjamín ti cuxulic to comique? Yu'un laj caltic ta jamal ta sba sat ti Diose, ti mu xcac'betic yic' jtsebtic ti stuquique.

Jueces 21:7 Iomraidhean Croise

Jueces 21:1

Li israeletique jech laj yalic ta stojol Dios ti c'alal te oyic ta Mizpae: “Mu'yuc boch'o xu' chac'be yic' stseb cu'untic li jchop liquemic ta Benjamine”, xiic.

Jueces 21:18

Yu'un li vu'utique mu xu' chcac'betic yic' jtsebtic, yu'un calojtic xa ta stojol Muc'ul Dios ti ac'o stoj smul li boch'o chac'be yic' stseb li smomnich'nabtac Benjamine.

Jueces 21:22

C'alal me chtal sc'opanuncutic li stotic, o me xi'melique, xu' jech chcalbecutic: ‘Vu'uncutic ta jc'ancutic vocol ta atojol ti ac'o ach'aybe ta avo'nton li smulique. Yu'un muc sta o yajnilic cu'uncutic ti c'u yepal tsebetic laj quic'cutic tal ta Jabes c'alal la jpascutic pleitoe. Pero ta sventa ti muc vo'ocoxuc xavac' atuquic li tsebetique, jech mu'yuc amulic chcom’, xu' xcutcutic”, xutic.

Jueces 21:6

Li israeletique ep laj yat yo'ntonic ta sventa li jchop xchi'ilic liquemic ta Benjamine. Jech laj yalic: “Li' ta orae i'ul xa jchop jchi'iltic.

Jueces 21:8

¿Me oy boch'o jchopucal cu'untic li'i ti muc x'ay ta stojol Muc'ul Dios te ta Mizpae?”, xiic. Te ivul ta sjolic ti ja' mu'yuc boch'o x'ay yu'unic li Jabes te ta Galaade.

1 Samuel 14:45

Pero li israeletique jech laj yalbeic li Saule: —¿C'u yu'un ta jc'antic ac'o chamuc li Jonatane yu'un ja' la stsalbutic cajcontratic vu'utic li israelutique? Mu razonuc jech. Ta sventa ti cuxul li Muc'ul Diose, mu me xbaj jbejuc stsotsil sjol ta banamil li Jonatane. Yu'un scotol li c'usi la spas naxe, la spas ta sventa yu'un icoltaat yu'un Dios —xiic. Li israeletique ja' jech la scoltaic li Jonatane jech muc xcham.